العربية بتطفي الصبح

[noureymo]

صبالح الخير عليكم كلكم
انا اشتريت عربية كيا سايبا (الايراني) من سنة وشهرين والحمدلله العربية ماشية كويس بس ليا بعض ملاحظات يا ريت حد يرد عليا لو سمحتم:-
1- فجأة من اسبوع تقريبا المارشدير مش عاوز ييجي بسهولة والفتيس بيزعق رحت للميكانيكي (طبعا ما رحتش التوكيل علشان العربية خرجت من الضمان وكمان انتم عارفين التوكيلات)
المهم الراجل ركب العربية وجربها وقال هنغير الديسك قلت ماشي وفكينا الفتيس قال نغير الاسطوانة بالمرة وكمان رمان البلي رحنا اشترينا الي هو عاوزه (قطع غيار كيا برايد) وركبنا الطقم وخلاص كله تمام وجربنا العربية، تاني يوم عملت تاني رحت لميكانيكي تاني قالي الاعراض دي يبقى ديسك بايظ قلتله شكرا ومشيت رجعت للميكانيكي بتاعي ما عملش حاجة وبعدين الموضوع ده ما تكررش تاني ؟؟؟؟؟؟ ياريت حد يفهمني.

2- غيرت البوجيهات اول مرة من ساعة ما جبت العربية عند 30ألف كيلو (ما كانش في اي مشاكل ابدا انا بس غيرتها علشان كده كتير أوي )
المهم بعدها باسبوع لاحظت ان العربية اول ما ادورها الصبح عدد لفات ال rpm بيعلى شوية وبعدين العربية تترج وتبطل وبعدين الحكاية دي ما تحصلش تاني طول اليوم وتتكرر تاني يوم الصبح !!!!
ممكن اعرف ايه ده

[Nader]

1- فجأة من اسبوع تقريبا المارشدير مش عاوز ييجي بسهولة والفتيس بيزعق رحت للميكانيكي (طبعا ما رحتش التوكيل علشان العربية خرجت من الضمان وكمان انتم عارفين التوكيلات)
المهم الراجل ركب العربية وجربها وقال هنغير الديسك قلت ماشي وفكينا الفتيس قال نغير الاسطوانة بالمرة وكمان رمان البلي رحنا اشترينا الي هو عاوزه (قطع غيار كيا برايد) وركبنا الطقم وخلاص كله تمام وجربنا العربية، تاني يوم عملت تاني رحت لميكانيكي تاني قالي الاعراض دي يبقى ديسك بايظ

طيب اية اخبار زيت الفتيس هل هو في مستواة الطبيعي ولا ناقص؟؟

2- غيرت البوجيهات اول مرة من ساعة ما جبت العربية عند 30ألف كيلو (ما كانش في اي مشاكل ابدا انا بس غيرتها علشان كده كتير أوي )
المهم بعدها باسبوع لاحظت ان العربية اول ما ادورها الصبح عدد لفات ال rpm بيعلى شوية وبعدين العربية تترج وتبطل وبعدين الحكاية دي ما تحصلش تاني طول اليوم وتتكرر تاني يوم الصبح !!!!
ممكن اعرف ايه ده

ظبط كهربة العربية، بس على فكرة البوجيهات الاصلية الجاية مع العربية مش هتتعوض.

[noureymo]

شكرا على الرد
1- زيت الفتيس في مستواه الطبيعي كشفت عليه مرتين.
2- ممكن تشرحلي يعني ايه ظبط كهرباء العربية علشان انا سالت الميكانيكي قال لي ان العربية مالهاش طقم كهرباء مع العلم ان العربية بتعمل كده بس عند اول دوارة الصبح وبعد كده كله تمام.

[Nader]

2- ممكن تشرحلي يعني ايه ظبط كهرباء العربية علشان انا سالت الميكانيكي قال لي ان العربية مالهاش طقم كهرباء مع العلم ان العربية بتعمل كده بس عند اول دوارة الصبح وبعد كده كله تمام.

لأ مفيش حاجة اسمها ملهاش طقم كهربة امال البوجيهات والمشط الالكتروني دول يبقوا اية؟؟!

طيب هل انت بتشد الشفاط قبل ما تدور العربية ولا لأ؟؟

[hanyfarrag]

لازم تتأكد كمان من توقيت الإشعال
يعنى هل يوجد صوت تسقيف (صفع) لما تكبس بنزين جامد ولا لأ
لو فى يبقى الإسبراتير محتاج ضبط