العجل المفروض يتضبط على كام ؟؟؟؟ ارجو الافاده

[Hosam_Optrawy]

دلوقتى انا مقاس كاوتش عربيتى 14 والمقاس بالظبط 185/65
وانا مضبطتش الهوا من يوم ما جبتها زيرو من حوالى 7 شهور
قلت اروح اضبط الهوا
لقيت الراجل بينقص مش بيزود وبيقولى دى زيده اوى دى كانت فوق ال 30
قلتله من يوم ما جبتها زيرو وهى كدا
قاللى لأ المفروض تتضبط على 30 وفى الصيف على 28
قلتله وده على اى مقاس ؟ 14 و 15 وكله يعنى ؟
قاللى اه كله كدا
ياريت حد يفيدنى ويقوللى بيشتغلنى ولا ايه
وهل فعلا من الافضل ان العجل ميبقاش منفوخ اوى ويبقى مريح سنه
عشان دلوقتى شكله على الارض زى مايكون مريح شويه

[mohamed sedek]

مقاس الهوا المفروض موجود علي قايم باب السائق

[samirayad]

شوف الموضوع ده htt://www.nilemotors.net/Nile/showthread.php?t=56240

[samirayad]

شوف الموضوع ده [QUOTE[PHP]t=56240[/PHP]][/QUOTE]

[eldeplomasy]

موجود فعلا على القايم جنب باب السائق او في كتالوج السيارة دور عليه وروح لواحد واتنين علشان في ناس بتبقى المقياس عندهم بايظ وبعدين متهيألي مش هتفرق

[umoussa]

الموضوع خطير طبعاً

بص يا سيدي أولاً المعلومة حتلاقيها في كتالوج العربية أو على غطاء باب تانك البنزين أو زي مالناس بتقول على القايم.

النقطة الأولى:

دائماً أبداً حتلاقي رسومات مختلفة،

2 في الأمام و 2 في الخلف
2 في الأمام و3 في الخلف
2 في الأمام و2 في الخلف وتحميل شنط
2 في الأمام و3 في الخلف وتحميل شنط

وطبعاً 2 في الإمام وشنط = 2 في الأمام و2 أو 3 في الخلف على حسب كمية الشنط

ومن كدا تعرف ان في حالة واحدة بس مفروض يكمون فيها ضغط العجل كله واحد وهي انه يكون في 2 في الأمام بس ومفيش لا شنط ولا حد في الخلف.

النقطة التانية:

مفروض المعلومات بتاعة العجل عليها المقاسات وكمان عليها معدل السرعة Speed Index ودا غالبية الناس في مصر متعرفش عنه حاجة أو يفرحوا قوي لما يقولوا ان معدل السرعة بتاعهم كود H. كل عجلة وعربية ليها معدل سرعة مختلف، يعني لو عربيتك اخرها 180 ومتجبش اكتر من كده حتلاقي ليها معدل سرعة معين لكن لو عربيتك تعدي 240 وحاطط كود H يبقى انتى بتقول لنفسك أنا عايز اموت لأن سرعة العربية لو تجاوزت معدل سرع العجلة العجلة حتنفجر نظراً لاختلاف الضغوط.

نفس القصة مع ضغط الهواء الغلط.

في أوروبا مثلاُ في ضغط للصيف وضغط للشتاء، علشان هما عندهم مطر طول الشتاء بس احنا عندنا في مصر الجو جاف صيف شتاء ولما بتمطر بتكون ا لأمور محدودة فحتى معلومة 28 و 30 دي غلط.

خد بالك لما تقلل الضغط جو العجلة عن الحد الأدني ليها العجلة بتبقى ضعيفة وفرصة انها تتخرم امو سلك يضرب فيها حتكبر. وحط فوق ده لو مركب جنط ألومنيوم أي مطب والعجلة مش مظبوطة حيسمع في عصب الجنط.

نصيحة من الآخر علشان مطولش عليك، شوف اي مركز من مراكز بريدجستون وروح هناك، لو انت ساكن في مدينة نصر روح فرعهم الموجود في تقاطع عباس العقاد مع مصطفى النحاس وقابل المهندس نجاد وهو حيظبطك.

خد المعلومة من حد بيفهم مش من طرشجي ماسك منفاخ في إيده وبيتف على البلف علشان الهواء ميهربش وكأن تفته دي تفه هلامية حتسد البلف.

[Hosam_Optrawy]

اشكرك شكرا جزيلا على نصيحتك

[m7nsh]

غالبا انت لما رحت تظبط الهوا كنت لسه راجع من مشوار و الكاوتش سخن فعشان كده الضغط جواه كان عالى

انما المفروض لما تروح تظبطه تكون فى اول اليوم و الكاوتش بارد عشان القرايه تكون مظبوطه

و بالذات العربيات الزيرو من ركنتها فى المعرض فالعجل بيريح فلازم تشيك علي الهوا بتاعه بعد ما تاخدها

[umoussa]

ممكن كمان نصيحة ياسيدي

انفخ العجل نيتروجين، علمياً النيتروجين غاز لا يتمدد بالحرارة زي الخليط النيتروجين بالأكسجين ودا معناه إن ضغط الهواء داخل الإطار حيفضل كما هو وحتحتاج بس تشيك عليه كل 3 أو 4 شهور

20 جنيه وتريح مخك، بس متزودش العجل بالهواء العادي ولو كان لازم تعمل كده روح فرغ الهواء بعد كدا من العجلة خالص وحط نيتروجين تاني.

كمان الـ viscosity بتاعة النيتروجين أعلى فلو العجلة اتخرمت الهواء حيخرج منها ببطء

[eldeplomasy]

+100000000000000000000

انا كنت عايز اقول كده