مشكلة غريبة ارجو المساعدة فى السى دى

[magedm2007]

صباح الخير
انا قريبى عندة عربية BMW 740 الفئة السابعة
وكنت عملة كام سى دى اغانى من نوع سونى حاجة غريبة حصلت ان كل السى ديهات الموجودة فى العربية اتنت من الجناب كانها اتحطت على النار واتعوجت ومش عرفين اية السبب
مع العلم العربية طبعا بتتركن فى جراج
هل الكتمة بتاعة العربية عملت كدة فى السيديهات ؟
هل فية نو من السى ديهات اقوى من سونى يستحمل الحرارة العالية ؟
ارجوا لافادة

مع جزيل الشكر

[Nader]

هما حاجة من اتنين يالحرار داخل العربية يا وقع عليهم مادة كيماوية مية نار مثلاً ودة انا استبعدة نهائي :) ، عموماً السيديهات السوني الموجودة في مصر كلها تقريباً صيني يعني مصنعة من خامات علي قدها فالاحسن انة ميسبش السيديهات في العربية فترة طويلة.

[sherif Anton]

السديهات السوني الموجودة في السوق كلها مضروبة ... انا عندي واحد صحبي كان عامل زيادة عن 15 سي دي عليهم تسجيلات قيمة كي يحتفظ بها ... وبعد حوالي شهرين من التخزين السليم طبقا للتحذيرات الموجودة على الاسطوانات (ممنوع تعرض للحرارة او الرطوبة ... الخ) فوجىء ان جميعها لا تعمل :( وكانت مصيبة بالنسبة له

[Karim_Monir]

لا توجد اسطوانت سليمة في مصر
كله مضروب
ممكن تنزل مول زي كمبيومي تجيب انواع نضيفة
زي ميموركس او غيرها
سعر السي دي بيبقي زي الديفيدي واغلي كمان
بس بتعيش
بس عامة
ابعد عن الحرارة تماما
بتبوظ اتخن بلانكة

[Abdallah]

Benq كويسة جدا, انا بستعملها من حوالى السنتان ومظبوطة معاية تمام.

[Sherif Khalifa]

يا جماعة الراجل بيئول (كانها اتحطت على النار واتعوجت )
اين كنت درجة ردائة الاسطوانات متعملش كدة
حضرتك لازم تتئكد ان مفيش مصدر حرارة من داخل التابلو او يكون فى بعض الدوائر جوة جهاز السى دى مسسبة السخنية دى كلها
ممكن تجرب تفكة برة التابلوة و تحس باى مصدر حرارة