مشكله فى الفتيس الاوتوماتيك

[م/محمد صلاح]

امتلك كيا سيفيا موديل 1999 وبها مشكله لا اعرف حلها وهو ان لمبه الاوفر درايف بتولع وتطفى احيانا وده بيبقى مصاحب لعدة مشاكل
اولا سحب العربيه بطئ جدا
ثانيا العربيه بتعمل كيك داون لوحدها يعنى بكون ماشى على 80 او 90 وفجاة الاقى صوت الموتور على والار بى ام كمان على فوق ال4 والعربيه سرعتها بتزيد بس ده كله من غير ماعمل كيك داون ومن غير مادوس على زرار الوفر درايف اللى فى الفتيس

ارجو الافاده

[AMIR FAROUK]

العيب ده عيب سينسور ( حساس ) الاوفردرايف ممكن يكون بيعلق او السوكت بتاعه فى مشكلة
الافضل انك تكشف عليه بمركز خدمة والموضوع بسيط مش كبير ان شاء الله ... اخرها تغيير السينسور

[mohamed_88sk]

جماعة أنا دايما بخلى الأوفر درايف شغال ده صح ولا غلط ؟؟
وهو وظيفته إيه لأني لما بطفيه صوت العربيه بيعلى وسحبها بيقل فبسيبه على طول عشان اريح نفسي ده صح؟؟

[Abdallah]

انا اعتقد ان الاوفر درايف تشغيله على طول مش صح لانه بيذود سحب البنزين دة غير انه بيضر الفتيس ولكن للاسف انا مش خبير بالاوتوماتيك.

[م/محمد صلاح]

طيب يا امير انت تعرف مركز خدمه متخصص فى الفتيس الاوتوماتيك ولو تم تغيير السينسور ده هايتكلف كام تقريبا لان واحد ميكانيكى قاللى ان المشكله دى ممكن تحتاج عمرة فتيس هاتتكلف من 4000 الى 5000 جنيه مع العلم ان سعر الفتيس استيراد 3500 جنيه

[Ahmed Hassan]

جماعة أنا دايما بخلى الأوفر درايف شغال ده صح ولا غلط ؟؟
وهو وظيفته إيه لأني لما بطفيه صوت العربيه بيعلى وسحبها بيقل فبسيبه على طول عشان اريح نفسي ده صح؟؟

زي ما عبد الله قال الأوفر درايف بيزود استهلاك البنزين.. بس ده في حاله التوقف المتكرر "جوه البلد او في طريق زحمه".
في حاله السفر الأوفر درايف بيريح الموتور و يقلل استهلاك البنزين

[م/محمد صلاح]

ماحدش رد عليا يا جماعه طيب حد حصل معاه المشكله دى قبل كده او يعرف حد حصل معاه كده

ولو جبت عربيه جديده اوتوماتيك ايه هى الخطوات اللى اتبعها علشان مايحصلش اللى حصل فى القديمه

[Ahmed Hassan]

غالبا انته ملكش دخل في اللي حصل ده... عمر الفتيس الكوري مش طويل بالرغم من ان اداؤه جيد. روح التوكيل او اي مركز صيانه محترم عندو الكمبيوتر بتاع العربيه و شوف لو كان فعلا الحساس و تمنه كام و بعد كده نشوف الحسابات تكون ايه

[م/محمد صلاح]

انا رحت لواحد عنده كمبيوتر ولقى ان فى 3 اعطال مسح منهم 2 لانهم مش موجودين بس العطل اللى ماتماسحش وهو اللى اكيد موجود سينسور درجة حرارة زيت الفتيس الوتوماتيك ومش عارف ايه هو ده بالظبط
عندك فكره؟

[limo]

بص يا باشا انا هحاول افيدت على اد ما اقدر
للاسف فى مصر نادرا لما تلاقى صنايعى بيفهم فى الفتيس الاتوماتيك
فنا انصحك انك تكشف على الفتيس عند كذا واحد تخصص اوتوماتيك
فى واحد فى شارع احمد سعيد مش شغال غير فى الفتيس الاتوماتيك اسمه مجدى اتوماتيك
وفى بليه فى الحرفين مشهور اوى والميكانيكى بتاعى بيشكر فيه
طبعا مجدى وبليه غالين اوى فى التصليح
لو لا قدر الله طلع عندك عيب فى الفتيس مش سهل اومكلف فانا انصحك بالتى :
-اما ان تشترى فتيس استيراد من عند حد مضمون ده حل لو انت هبيع العربيه خلال سنه او اثنين
-اما تشترى جديد بس هيبقى مكلف شويه والعربيه تعد معاك على طول
-اما ان تركب فتيس مانيوال بدل الاتوماتيك مش انا مش عارف هل يمكن تطبيق هذا الحل على العربيه عمليا وكمان مش عارف انت بتحب المنيوال ولا لا
انا بقولك الكلام ده لان عادتا تصليح الفتيس الاتوماتيك مبيجبش نتيجه على المدى الطويل يعنى سهل اوى انك تكون صارف على الفتيس 1000 جنيه او اكثر ويطلعك نفس العيب بعديها بكام شهر

[مهندس محمد صلاح]

الاوفر درايف ده يبقى شغال على طول ويتم فصله فقط فى حالة انك بتقرص جنب عربية تانية وعاوز تعديها .. للتسارع يعنى وبعد ما تخلص المهمة ترجعه تانى ON

[megane_man]

حصلت معايا المشكلة دي في الفولفو الفتيس عندي وكان بيفصل لوحده بعد 110 ويحصل الي حصل معاك
وده بسبب ان الي اشتريت منه العربية كان مغير عصاية الفتيس بنوع من غير زرار الأوفر دريف فوصل الحساس علي الكهربة مباشر وأكتشفت الموضوع ده من يومين لما حبيت اغير الفتيس وفكيته فلقيت الحساس
فدي مشكلة حساس انشاء الله
أما بالنسبة لتشغيله او فصله فالمفروض حسب كلام الناس الي عندهم فتيس مثله انه عبارة عن غيار رابع للفتيس بتضغط عليه في الطرق السريعة لما توصل ل80 كم وبتفصله لما تحب تشد مع عربية وعاوز تعدي منها لأنه بيرجع غيار فيزيد عزم العربية فتجري بسرعة
وعلي العموم انا جبت فتيس استيراد طلع عزمه ضعيف ونازل بكرة اغيره بواحد تاني لأني اشتريته علي تجربة وربنا يستر

[mohamed_88sk]

طيب معلش يا جماعة عندي سؤال تاني أعذروني حتعبكم معايا..
أنا العربية في الأول لحد ما تنأل عالتاني تلاقي سحبها رخم رخم رخم وبتعمل أصوات عجيبه بعد كده بتسحب بنعومه عجيبه
فسألت واحد قريبي أمبارح قالي دي أسطوانة الفتيس الأوتوماتيك فقلتله مش ممكن يكون المكينه نعمت قالي لأ لأنه قالي قبل كده ممكن تكون المكينه نعمت.
فدي متهيألي لو الحالتين دول تبقى داهيه بالذات لو حاجه في gear box بتاع الأوتو فياريت المشكلة دي سببها زي ما قال ولا إيه؟

وبجد شاكر لأهتمامكم وحسن تعاونكم

[abdoooo_1979]

لمبه الفتيس دي خلتني صرفت على العربيه فوق 4 الاف جنيه ومش راضيه تتطفي وهتجنيني بس اهم حاجه شوف مقياس الزيت يكون مظبوط ومشي عادي اه وسلك الريداتير لأنه في الأغلب انه الفتيس بيسخن وكلمني لو لقيت ليها حل 0105045828

[godaa]

انا عايز اقولك انى انا لفيت كتيير بنفس العيب وماحدش حل المشكله دى نهائى غير مهندس احمد عبد الجواد مدير قسم التوماتك بمركز تكنو وان الحرفيين