كيا برايد سابا (الايراني)

[noureymo]

صباح الخير يا جماعة
مفتاح رفع الزجاج الامامي للسيارة (زجاج السواق) اتكسر سألت عليه في التوكيل لقيته ب 75 جم ده غير التركيب.
1- السعر ده كويس ولا لأ ؟
2- ممكن اعمله في اي حتة تانية (كهربائي) .
3- التركيب سهل ولا ايه.
شكرا جزيلا

[Abonora]

صباح النور ،

السعر ده معقول بس التوكيل (الامل) قطع الغيار اللي عنده (خرمنت) يعني مش دايما اصلية علي سبيل المثال البوجيهات بيحطوا بتاعة الادا كمان التيل

حاجة تانية مهمة اوى ان الكهربائى اللي هناك اكثر من سيء عشان كده ارجح انك تعمل المضوع ده برة بدام كده كده هتدفع فلوس

بالنسبة لافضل سعر ممكن تعمل تليفون للجندى وديه نمرة
الجندى عنوانة 24 شارع غرناطة امام محطة بنزين التعاون - روكسى - مصر الجديدة
تليفون 24516008
موبايل 0123916567

وبالنسبة للتركيب في مركز خلف سوق القنال الدولي - امتداد جسر السويس قبل عمارات الفاروقية - عند عبر البحار ( ناس كتير شكرت في المركز ده بس انا لسه مجربتهوش)

كمان فيه ورشة صغيرة في عين شمس - متخصصة في الكيا والناس هناك حافظة كهربة البرايد تحديدا
اسمها الورشة الكورية لاصلاح السيارات (كيا)
اسطوات الورشة
محمد حنفى - 0125634933
بطرس شنودة - 0101196221
العنوان :
4 ش عبد الحليم محمود متفرع من ناصية ش الحرية - خلف فيلات 23 يوليو بعد فندق السلام - جسر السويس - امام محطة كهرباء هليوبلس

اما عن التركيب فهو سهل جدا وممكن تعملة بنفسك كمان بس عامة متدفعش فيه اكتر من 20 جنية

ابونورا ( نانا الزنانة )

[noureymo]

شكرا جزيلا يا ابو نورا على الرد بس اسمحلي اسأل كمان سؤال
فلتر الهوا بتاع الكيا سابا مش هو بتاع البرايد الكوري انا فكيته لقيته مستطيل وفلتر البرايد مدور .
شكرا مقدما

[ihab]

مجموعة زراير الزجاج موجوده عند بتوع قطع الغيار و اعتقد فى حدود 25 - 30 جنيه و تركيبهم فعلا سهل جدا و مش محتاجة كهربائى ( 3 مسامير بورمة خاصة بالمسند فقط )

[Abonora]

فلتر هواء الكيا سابا

شكرا جزيلا يا ابو نورا على الرد بس اسمحلي اسأل كمان سؤال
فلتر الهوا بتاع الكيا سابا مش هو بتاع البرايد الكوري انا فكيته لقيته مستطيل وفلتر البرايد مدور .
شكرا مقدما

الشكر لله ، يخصوص الفلتر طبعا يختلف لان الكورى 1100 سي سي كربراتير لاكن السابا انجكشن ممكن نفس الفلتر بتاع الهيونداى اكسنت او بتاع الادا ( ده عن تجربة اصدقاء) بس انا غيرتة مرة واحدة بس من التوكيل وبرضوا الجندى ممكن يفيد في البدائل بس عامة فلتر الهواء مش مقلق خالص ومتوفر وممكن يقعد سنة كاملة بس مع تنظيفة كل 3 شهور او كل 10.000 كم

[noureymo]

شكرا يا ابو نورا انا هجرب النوعين الي انت قلت عليهم دول وهرد عليك

[ahmed010]

معلش انا هارج بره الموضوع انا عاوز اعرف من حضرتك مكان التوكيل ده فين وممكن يصلحوا اي برايد ولا لازم تكون جديده

شكرا

[noureymo]

بلاش تروح التوكيل ده
التوكيل ده بتاع اللادا اصلا
انت مشكلتك ايه

[MoMohsen]

بالنسبة لمجموعة ازرار رفع الزجاج هتلاقيها فى احمد سعيد او شارع دمشق و هى فى حدود 35 - 40 و مش محتاجة حتى تفك المسامير ممكن تنطر الوحدة كاملة بأنك تجيب مفك عادة و ترفعها من عند الاطراف لان هى اصلا بتركب كلبسات مش مسامير انا غيرتة عندى بالطريقة دة

[noureymo]

شكرا جزيلا

[ahmed010]

انا ياباشا مشكلتي اني بقلق كتير اوي اي صوت في العربيه ممكن يغيرلي اليوم كله موسوس جدا وكنت عاوز اروحلهم عشان اعمل فحص شامل ولو فيه حاجه اعملها ياريت تفيدني

[ahmedsamir79]

بس يا باشا
هو التوكيل بتاع الكيا الإيراني- شركة الامل
أنا مش حقدر أقول تجربتي معاه من غير مستعمل كلمات غير محترمه
التوكيل سيئ سيئ سيئ سيئ إلي أخر حد ممكن تتخيله
و كمان معاملتهم زي الزفت
و الكيا برايد عربيه مفيش فيها أختراع ...لو انت تعرف مكانيكي كويس خليه يبصلك عليها بصه كويسه وده أحسن ليك علشان توفر وقتك و أعصابك

[noureymo]

زي ما قالك اخونا احمد سمير العربية ما فيهاش اختراع اي ميكانيكي كويس هيقدر يظبطلك الي انت عاوزه.

[noureymo]

انا عندي سؤال يا جماعة مش لاقي فلتر البنزين بتاع السابا (فلتر صاج 2 لاكور) التوكيل المضروب بتاع الامل ما عندوش وتخيلوا المهندس الي هناك بيقولي انهم بيركبوا فلتر اللادا بعد عمل تعديلات بسيطة ما حدش يعرف يعملها غيرهم
شفتم الاستخفاف بالناس
يا ريت حد يدلني.

[dr_timo]

انا عندي سؤال يا جماعة مش لاقي فلتر البنزين بتاع السابا (فلتر صاج 2 لاكور) التوكيل المضروب بتاع الامل ما عندوش وتخيلوا المهندس الي هناك بيقولي انهم بيركبوا فلتر اللادا بعد عمل تعديلات بسيطة ما حدش يعرف يعملها غيرهم
شفتم الاستخفاف بالناس
يا ريت حد يدلني.

اية دة يعني من اولها كدة