مشكلة غريبة فى الإشارات أرجوا الافادة

[magedm2007]

صباح الخير
انا عندى عربية 127 مو82
وعندى مشكلة غريبة ظهرت من حوالى اسبوعين
ان العربية بعد نصف ساعة من المشى بتفصل الاشارات كلها اشارات الانتظار واشارات اليمين والشمال وكنت فاكر ان الحر هو المشكلة ولكن من يومين كنت ماشى الساعة 9 مساءا وكان الجو حلو وبردة فصلت الاشارات بالكامل مع العلم ان الانوار شغالة يعنى النور الهادى والعالى شغال تمام
فما هو السبب ؟ ارجو الافادة

سؤال اخر
انا عندى الشكمان صوتة بقى غريب ففى ناس اصدقائى قالولى ان الشكمان اتخرم هل تصليحة بمبلغ كبير وبياخد وقت وما هو سبب انة اتخرم
ياريت تفيدونى فى اقرب وقت
وشكرا

[shoayman]

بنسبة لموضوع الاشارات ممكن يكون الفلاشر بايظ وانتظر ردود اخرى من الشباب بخصوص الموضوع دة
اما بنسبة للشكمان لوفعلا الشكمان مخروم على حد قولك فدة تكلفتة مش عالية (كام عشرة جنية كدة يعنى 1-2-3:lol: )
والمفروض ان الموضوع دة ميخدش وقت كتير يعنى نصف ساعة وحسب الصنايعى
اما سبب الخرم ممكن يكون مطب جامد او حجر اواى حاجة خبطط من تحت
وممكن يكون الموضوع غير كدة خلالالاص ويكون جوان الفرن بايظ

[elshimy]

انا كان عندي العيب ده وراح اما غيرت الفلاشر

[محمد البحيري]

بالنسبه للسؤال الاول ممكن يكون فلاشر وممكن يكون في مشكله في وصله الارضي-المشكله دي كانت عندي بس بصوره تانيه-
بالنسبه للسؤال التاني تروح لواحد بتاع شكمانت محترم -لان اغلبهم بيعمل شغل علي الناس -
لولحام في الشكمان مش هياخد كتير بتاع10 جنيه كده او اقل كمان
لو العلبه هي الي اتخرمت بتتغير وهي تقريبا ب50 جنيه -مش فاكر اوي-
ممكن تبقي مشكله في الزور وغالبا بيغير جوان كحكه

[ahmed010]

طيب معلش انا عندي سؤال هل اي شكمان يركب لاي عربيه
انا روحت غيرت الشكمان بتاع عربيتي عشان كان اتخرم وحطلي واحد استيراد عاوز اعرف ازاي لو فيه حاجه او لا
شكرا

[hazem_khidr]

بالنسبه للاشارات ف الفلاشر بتاعها تعبان و لما بيسخن ما بيشتغل و الحله يا اما تغيره بواحد جديد يا اما يتفك و يتصنفر الريشه بتاعه لكن الاحسن تغيره بواحد جديد.
بالنسبه للشكمان طالما انك مش حاسس بفرق كبير في صوته يبقي اكيد خرم صغير او جوان الفرن باي و في الحاله دي مش حتتكلف كتير بس زي ما الشباب قالولك روح لواحد امين علشان ما يشتغلكش.

طيب معلش انا عندي سؤال هل اي شكمان يركب لاي عربيه
انا روحت غيرت الشكمان بتاع عربيتي عشان كان اتخرم وحطلي واحد استيراد عاوز اعرف ازاي لو فيه حاجه او لا
شكرا

لو فيه حاجه بيبان من الصوت بتاعه و مظهر العلبه الخارجي لكن بصراحه اول مره اسمع عن شكمان استيراد و نصيحه الحاجات دي تيجي جديد احسن ما ينفعش فيها استيراد لان ممكن تلاقي المصفه الللي جوه واقعه و العلبه سليمه و تمشي تلاقي العربيه بتشخشخ.

[ahmed010]

انا فعلا النهارده جيت امسي بالعربيه سمعت صوت نقر خفيف كده روحتله تاني راح فاكك العلبه إلي قدام وطلع منه حديده غريبه كده جواها سلك زي ما يكون مدفر وقالي هيا دي إلي عامله المشكله طيب يا عم الحاج كان لازمتها إيه قالي مالشهاش لازمه فكرني بالراجل بتاع إعلان غبور اما قاله شوفت الكربراتير بينقط كهربا
لو حد عارف فيه مشاكل من حته الحديد دي ولا لا الصورت الحمد لله بقي كويس كتير وعموما انا روحتله وفكهالي ببلاش

[ahmedsamir79]

أنا كان عتدي نفس عيب الأشارات في عربيتي السابقه الغير مأسوف عليها (ريتمو) و راح لما غيرت الفلاشر

[sab3aawy]

ماكينة الفلاشر هى وحدة بيسيطة جدا عبارة عن ريلاى(كتاوت) صغير مع مكثف يحفظ الشحنة الكهربية لفترة بسيطة، وظيفتها ان لما بتوصل الكهرباء للريلاى بيلقط الريشة بتاعتة، فيوصل الكهرباء للمبات الإشارة فى نقس الوقت يقطع الكهرباء عن الملف الخاص به فيحاول انه يفصل ،لكن بسبب وجود المكثف يبقى الملف مشحونا لفترة بسيطة ثم يفصل بعدها وبمجرد ان يفصل تصل الكهرباء من مصدرها الرئيسى للملف مرة اخرى فيلقط مرة ثانية وهكذا، قد يبدو الشرح معقدا لكن فعليا ماكينة الفلاشر دى مكاينة عبيطة من ابسط ما يمكن، اللى بيحصل مع الزمن ان المكثف بيفقد قدرته على الشحن فنلاقى اللمبات بتنور وتفصل بسرعة جدا، او ان الريلاى الريشة بتاعته بتلدع فنلاقى الإشارات نورت ومطفتش او منورتش خالص

والعلاج تغيير ماكينة الفلاشر وهى كلها تمنها كلام فاضى، 15 وللا 20 جنيه للسيارات الشعبية