مشكله مجنانى فى الفيات 128

[yuyu0000yuyu]

عربيت فيات 128 وهى وقفه لو هزته جامد مش هتسمع اى صوت اول ما تمشى بيه على اى مضب ولا شارع متكسر تسمع هوت زى حديد ولا صاخ بيخبط فى بعضه رحت لعفشجى قالى العفشه تمام مفهاش كلمه مصدهتوش رحت لعفشجى تانى قلى نفس الكلام بس فالى ممكن يكون فى حاجه مكسوره روح لسمكري يشفهالك من تحت رحت لسمكري واتنين برده مفيش اى حاجه خالص فى العربيه خاااااالص ولا عفشه ولا سمكره!!!!!!!!!!!!!!!!!!!!!!!!!!!!!!!!!!!!!!
أعمل ايه انا هتجنن والصوت عالى اوى ومسموع للكل حتى الى بيقى بره العربيه اعمل ايه !!!!!!!!!!!!!!!!!!!!!!!!!!!!!!!!!!!!!هتجننهموت من الصوت ده

[CBR]

هيا على بلي مش كده
اظن الي بتتكلم عليه ده ميعتبرش عيب
لاني مرتين ركبت فيهم مع واحد كان معاه 128
حصل نفس الصوت
قالي عادي هيا كده
بس اتأكد بردوا

[yuyu0000yuyu]

انا اول ماشترتهى مكنش فيه اى حاجه خالص من اى صوت !!!!!!!!!!!!!!!!!!!!!!!!!!!!

[samirayad]

روح بقه المره دى لميكانيكى كويس....يكشف على قواعد الموتور............تقريبا فيه مسمار أو قاعده مكسوره...........

[eslamspirit]

بص انا حصلت معايا قبل كدة و اكتشفت ان كان فية ميكانيكي منة لله كان ناسي مفتاح في الحتة اللي تحت الشاسية بتاع الكشاف الامامي !!

دور يمكن تلاقي حاجة

[aimangorg]

نصحتى بما انى كنت من ملاك 128
انتك تظبط الأبواب لان اغلب ال 128 فيها العيب ده
أو زى ما اصدقائنا قالو انها ممكن يكون قاعده الماتور
احسن حل انك تروح تظبط زوايا فى اى بنزينه فيها ظبط زوايا بالكمبيوترز هناك بيرفعوا العربيه وهايكشفوا عليها ان كان فى حاجه مكسوره او كاوتش دايب واذا كان كله تمام انت ماخسرتش حاجه انت ظبط عربيتك وبكده ماعندكش غير موضوع ظبط الأبواب
وشكرا

[yuyu0000yuyu]

شكرا على ردوتكم بس يعنى ايه ظبط الابواب دى انت اصدك ابواب العربيه يعنى كله عندى تمام

[nabaster]

بص انا حصلت معايا قبل كدة و اكتشفت ان كان فية ميكانيكي منة لله كان ناسي مفتاح في الحتة اللي تحت الشاسية بتاع الكشاف الامامي !!

دور يمكن تلاقي حاجة

بتفكرني بالدكاتره الي بينسو الفوط والعده بتاعتهم في جسم المريض

[FIATBloodline]

قواعد الموتور....او لو زي واحد صحبي هيبقي فيه شغل سمكره في القوايم

[aYaBooY]

نصحتى بما انى كنت من ملاك 128
انتك تظبط الأبواب لان اغلب ال 128 فيها العيب ده
أو زى ما اصدقائنا قالو انها ممكن يكون قاعده الماتور
احسن حل انك تروح تظبط زوايا فى اى بنزينه فيها ظبط زوايا بالكمبيوترز هناك بيرفعوا العربيه وهايكشفوا عليها ان كان فى حاجه مكسوره او كاوتش دايب واذا كان كله تمام انت ماخسرتش حاجه انت ظبط عربيتك وبكده ماعندكش غير موضوع ظبط الأبواب
وشكرا

الابواب مش مشكلة اوي كدة بس فعلا روح لحد بتاع زوايا و اطلب منه الكشف على العربية و اوصفلة الصوت

[yuyu0000yuyu]

الحد الله تم المعرفه وزلك على ايدى احد العفشجيه الى بيفهمووطلع الصوت من الكبوت كام مبيقفلش صح وهو الى بعمل الصوت للاسف وصلحته والحمد لله