العجل بيعمل صوت صفارة

[abo_hosni]

ممكن برضه يكون الصوت ده من البلي بتاع العجل طالما الصوت بيزيد و يقل مع السرعة

احتمال نفس العيب اللي عندي في العجلة الخلفية اليمين ساعات يظهر و ساعات لأ. و لما أحب أسمعه أو أزوده أكسر شمال بالدركسيون لأنه بيميل العربية و يزود الحمل على العجلة الخلفية يمين
عايز أفضى في يوم و أعمل شوية صيانة للعفشة الخلفية و نشوف الموضوع ده

ممكن نستبعد طقم سوست الخزن لأنه لما كان بايظ عندي كان بيسبب صوت (شخللة) مع المطبات و ليس (صفارة)

[max_ziro]

لا مش تغير التيل
لو تغير التيل يبقي صوت الصفارة مع الفرامل مش العكس
كدة حضراتكم العيب ده من خزن التيل مش مثبتة جيدا مع التابير و ذلك ممكن يكون طقم سوست الخزن فيه مشكلة او الطنايبر عاوزة تظبيط او تغير
يتصلح العيب ده عند ميكانيكي كويس او عفشجي شاطر حبتين او بتاع فرامل و دبرياج

ماشاء الله ولله حاجة تفرح
المهم ممكن يكون العيب بسيط جدا صوت الصفارة بييجى مع الملفات و بعد مطب و لما يدوس فرامل يروح
اعتقد ان دى اعراض احتاج العربية لظبت زوايا عاجل او ب الاصح اعراض العجل المقفول اوى او مفتوح اوى و بيظهر صوت تأكل العجل مع الملفات و بعد مطب دة لو كان الصوت الى يقصدة صوت تأاكل العجل انما لو كان صوت صفارة من احتكاك اجزاء معدنية يبقى اظن ان حضراتكم وضحتوا كل حاجة ...
الله اعلم ..