استفسار عن الزيوت ووقت تغييرها

[dr_timo]

ياريت خبراء الموقع يردو عليا بما اني لسة شاري عربيتي من قريب ومعرفش زيوتها اخبارها اية فياريت اعرف اية الزيوت اللي بتبقي في العربية والمفروض امتي اغيرها وكل اد اية ولما يظهر علامات اية عليها مع العلم اني عربيتي كارونة فهل زيت الكارونة دة بيتزود كل مدة ولا بيتغير ولا علاماته اية

[Rembrandt]

الزيت بيتغير كل 10000 ك ويستحسن يكون موبيل 1

[mido01050]

ازيك يا دكتور ايه أخبارك
أنا جبت عربية لادا بعد ما كنت سألتك على البلونيز لو تفتكر . المهم أنا روحت انهارده غيرت الزيت و حطييت زيت شل الجركن الأحمر عامل 61 جنيه من بنزينة شل و حطيت عليه زيت شنبر(معالج زيوت) بس الناس مختلفة فيه و أنا قلت أما أجربه و خلاص مش فارقة على الرغم من ان الموتور عندي سليم مفهوش حاجة. العلبة لونها أزرق و مكتوب عليها أنها أمريكي عمله زي كانز الريدبول تمنها 12 جنيه و سألت بتوع البنزينة قالولي الزيت ده بيعد 2000 كيلو و غيرت فلتر زيت كمان مش فاكر عمل من 10 ل 15 جنيه

[dr_timo]

ازيك يا دكتور ايه أخبارك
أنا جبت عربية لادا بعد ما كنت سألتك على البلونيز لو تفتكر . المهم أنا روحت انهارده غيرت الزيت و حطييت زيت شل الجركن الأحمر عامل 61 جنيه من بنزينة شل و حطيت عليه زيت شنبر(معالج زيوت) بس الناس مختلفة فيه و أنا قلت أما أجربه و خلاص مش فارقة على الرغم من ان الموتور عندي سليم مفهوش حاجة. العلبة لونها أزرق و مكتوب عليها أنها أمريكي عمله زي كانز الريدبول تمنها 12 جنيه و سألت بتوع البنزينة قالولي الزيت ده بيعد 2000 كيلو و غيرت فلتر زيت كمان مش فاكر عمل من 10 ل 15 جنيه

مبروك عليك ياميدو اللادا عربية جميلة ومتينة ربنا يباركلك فيها وشكرا عالرد السريع

[mido01050]

الله يبارك فيك , نسيت أقولك المفروض كنت كشفت على زيت الكرونة أول ماجبت العربية .هو بيتكشف عليه كل 6 شهور عشان تزوده لو ناقص . انصحك تروح تكشف عليه دلوقت. و بالنسبة لزيت الموتور بص على المعيار اللي بيبقى طالع من الموتور شوفو ناقص عن min و لا كويس و شوف لونة ( المفروض يكون أصفر دهبي أول متحطه بعد كده بيغمق تدريجي و بيفقد لزوجته و لونه بيبقى مسود خالص و متشفش فيه اللون الدهبى ده في آخر ايامه)

[dr_timo]

شكرا ياميدو ربنا يخليك بس اكشف علي زيت الكارونة دة عند مين؟ ولو عايز يتزود زيت فاية هية انواع الزيوت اللي بتتزودله

[mido01050]

تكشف على الزيت سواء الموتور أو الكرونة عند الميكانيكي . أنا لما روحتلوا نزل تحت العربية و شوية و قللي الزيت عايز يتزود قلتله ماشي زود فبعت الصبى راح جاب زيت مش عارف منيين و حطه في مكنة كده ليها خرطوم و بتتوصل في الكروتة و حط فيها الزيت و ضخو للكرونة معتقدش تمن الزيت ده غالي و متهيألي انه بيتباع سايب تلاقيه أخره 10 جنيه و لا حاجة
أنا الكرونة عندي اساسا فيها ونة و قارفني الصوت ده خاصة مع السرعة شكلي هغير الكرونة فحافظ على الكرونة وتابعها باستمرار كل 6 شهور زي مقولتلك

[dr_timo]

تكشف على الزيت سواء الموتور أو الكرونة عند الميكانيكي . أنا لما روحتلوا نزل تحت العربية و شوية و قللي الزيت عايز يتزود قلتله ماشي زود فبعت الصبى راح جاب زيت مش عارف منيين و حطه في مكنة كده ليها خرطوم و بتتوصل في الكروتة و حط فيها الزيت و ضخو للكرونة معتقدش تمن الزيت ده غالي و متهيألي انه بيتباع سايب تلاقيه أخره 10 جنيه و لا حاجة
أنا الكرونة عندي اساسا فيها ونة و قارفني الصوت ده خاصة مع السرعة شكلي هغير الكرونة فحافظ على الكرونة وتابعها باستمرار كل 6 شهور زي مقولتلك

مش عارف اشكرك ازاي يادكتور وبكرة ان شاء الله هروح للميكانيكي يكشفلي عليه وشكرا جدااا

[mido01050]

تحت أمرك يا باشا أنا في الخدمة . ابقى قولي عملت ايه أهو نفيد بعض في سنة أولى عربيات

[dr_timo]

لسة جاي من عند الميكانيكي اهوة مفيش تلت دقايق نزل تحت العربية فك مش عارف اية كدة الطبة اللي تحت وشاف الزيت لقاه مليان كويس وقاللي انه الزيت كويس الحمد لله

[Dr_Smart]

زيت الكرونه ممكن تكشف عليه في البنزينه عادي .. انا زودته في شل شارع دمشق