بنزين-80

[hic]

انا كنت غايب عن المنتدى لدواعى السفر و طول ما انا مسافر و انا مفتقد كل اخوانى فى منتدنا الغالى
مش عاوز اطول عليكم المهم و انا راجع من القاهرة كانت لمبة البنزين منورة و للاسف لم اجد فى اول بنزينة الا بنزين 80 فقط فقلت فى نفسى ربى لا اسالك رد القضاء و لكن اللطف بى و رحت حاطط 63 لتر بنزين و فوجئت ان المبلغ حوالى 55 جنيه و اتوكلت على الله الى الاسكندرية الغريب انى طول الطريق لم اشعر باى فرق نهائى عادى جداجدا و كمان حاسس ان الاستهلاك قل عن البنزين 90 ففكرت انى استمر على 80 على طول ولا ايه رأى اخوانا خبراء المنتدى
اسف للاطالة و يعلم الله كم هى سعادتى للقائى بكم من جديد

[Nile Heart]

اعتقد ان الفرق ممكن يبان بعد كام شهر لما الترسيبات تبدآ تتراكم
احساس فقط ليس عن علم

[Nader]

يا جماعة الحكاية مش حكاية شوائب وترسيبات، لا الحكاية كلها في فرق الاوكتين ووقت اشتعال البنزين ورقم الانضغاط. كان في موضوع عن الحكاية دي وانا كنت حكيت فية تجربتي مع البنزين الـ80.

[Nader]

راجع اللينك دة:

http://www.nilemotors.net/Forum/viewtopic.php?t=2678&start=20

[طارق ابراهيم]

]على فكرة ياجماعة انا خريج علوم وأعرف معلومات بسيطة قوي عن موضوع البنزين ده بس يمكن تفيد والله أعلم .
هو بغض النظر عن دقة المناقشة في المواتير والحجات ديه كنت بس عاوز اقول ان البنزين ال90 زي ال80 زي 92 ةوغيره وغيره
هو هو نفس المادة أصلا لكن كل ما في الأمر انهم بيحاولو يزودوا جزيئات تركب عليه بترتيب معين عشان يعلي حرارة احتراقه وكده لكن نظريا مفيش فرق في أي خواص فيزيائية لسائل البنزين نفسه يعني الكلام عن ترسيبات وأخطار على الموتور ده رقم الاوكتين في حد زاته برئ منه براءة الذئب من دم ابن يعقوب .ولما البنزين يتخلط ببعضه بيأثر فقط في درجة الغليان والتجمد والخواص ديه بس
يعني من الآخر بيأثر فقط على الباور بتاع العربية وهيا ماشية ويزول السبب بزوال المسبب يعني لمجرد انه يرجع تاني بنزين عالي الوكتتين يرجع الأداء والباور زي ماكان على سابق عهده.
وزي مابقول الكلام ده كله نظريا ً فقط من واقع دراستي في الكيمياء والفيزياء اللهم الا ان يكون هناك اختلاف في جودة التصنيع والتنقية لأن معلوم جدا ان عندنا في بلدنا مفيش حتة الإتقان فممكن تكون شركة التكرير مبتهتمش بفصل البنزين ال80 عن المكونات الخارجية اهتمام كبير نظرا ًلأنه رخيص الثمن وبيستخدموه الناس البسطاء .
وكمان مننساش إن فيه سيارات كتير بتستخدم ال80 اوكتين بالرغم من إن مواتيرها نضيفة جدا زي ما مذكور في اللينك السابق السيارة الماتريكس وكمان على حسب علمي ان الجيب شيروكي بتستخدم 80 ومعرفش هيا حقن ولا كربراتير وهيا موديل 2007 يعني أكيد مش بيرسب ولا حاجة من ديه يا جماعهومننساش كمان ان فيه مواتير غاليه جدا لسيلارات فارهة وبتشتغل ديزل يعني كان زمانها اتفرتكت .
والله أعلم

[hazem_khidr]

لو عربيتك 405 و كاربيراتير ما تقلقش استعمل ال البنزين ال 80 عادي و مش حيحصل لعربيتك اي شئ لكن لو حسيت بفرق في السحب او العربيه بتسقف يبقي علي الاوكتان لحد ما العربيه تبطل تسقيف.
ما تنساش ان ال 504 و ال 505 و جميع الموديلات دي بتشتغل علي بنزين 80 و مفيش منها اي مشاكل لحد انهارده

[ahmed1981]

Re: بنزين-80

الغريب انى طول الطريق لم اشعر باى فرق نهائى عادى جداجدا و كمان حاسس ان الاستهلاك قل عن البنزين 90 ففكرت انى استمر على 80 على طول ولا ايه

توكل على الله ومتحطش غير 80 بعد كده لو لقيته (الحكومة بدإت تسحبه وتقلله)
معنى كده إن ماتور عربيتك مصمم للبنزين ال 80 وطالما مسمعتش تسقيف وعربيتك أداءها عادي يبقى عليك وعلى التمانين
بالنسب للرواسب دي مسألة نضافة خزان المحطة لو الخزانات مش نضيفة كل البنزين من 80 إلى 95 هيبقى فيه رواسب

[hic]

1000 شكر يا اخوانى على الاهتمام وفغلا بدأت و مونت العربية تانى بنزين 80و الحمد لله مفيش اى مشاكل و لو ظهر معايا اى حاجة ح ابلغكم فيها فورا و شكرا مرة تانية

[cpt_shawky]

عربيتك نوعها ايه ؟

[MMamdouh]

عربيتك نوعها ايه ؟

10000000+

ممكن اصلا نسبة انضغاط موتور عربيتك مش عالية و انت مش محتاج 90 او 92 و فى الحالة دى يبقى انت بترمى فلوسك فى الارض ب ال90 او 92

MMamdouh

[eng_mkhalaf]

10000000+

ممكن اصلا نسبة انضغاط موتور عربيتك مش عالية و انت مش محتاج 90 او 92 و فى الحالة دى يبقى انت بترمى فلوسك فى الارض ب ال90 او 92

MMamdouh

+100000000000000000000000000000