مشكلة بخصوص التابلوه

[abdelmessih67]

الاخوة الافاضل

أمامي سيارة تمبرا موديل 1997 معروضة للبيع , فابريكة بره و جوه و لا يوجد بها خارجيا سوى خبطة بسيطة في الرفرف و لكن الشئ الاساسي اللي غايظني فيها
هو التابلوه لانه مكسور من فوق لان صاحب العربية كان بينقل فيه حاجة ( حسب كلامه ) من السوق الحرة و بعدين كسرت التابلوه مش عارف ازاي , المهم ظهر التابلوه من فوق فيه جزء مثلث مكسور و مش موجود .

يعني التابلوه من فوق فيه زي تجويف مثلث ليس بالهين حوالي 15 سم * 20 سم .

طبعا سألت على تابلوه استيراد لقيته بحوالي 1000 جنيه استعمال خارج و الحقيقة ان التابلوه القديم شغال
زي الفل لكن منظره كئيب جدا فما الحل ؟؟؟؟؟؟؟؟

هل أغطي الجزء المكسور بجلد و لا ممكن حد يجب حتة فيبر و يلصقها مكان الجزء المكسورة و بعدين نغطيها .

هل يوجد ورشة او مكان ممكن يفصل أو يبيع تابلوه فارغ للتمبرا و يكون أرخص طبعا من الاستيراد .؟؟؟؟؟؟

رجاء الافادة لان فعلا الموضوع ده غايظني جدا و ممكن يوقف البيعة لان الراجل صاحب العربية دماغه ناشفة و مش راضي لا يغيره و لا يخصم ثمن تصليحه من العربية

[elm3lem_youssef]

الاخوة الافاضل

أمامي سيارة تمبرا موديل 1997 معروضة للبيع , فابريكة بره و جوه و لا يوجد بها خارجيا سوى خبطة بسيطة في الرفرف و لكن الشئ الاساسي اللي غايظني فيها
هو التابلوه لانه مكسور من فوق لان صاحب العربية كان بينقل فيه حاجة ( حسب كلامه ) من السوق الحرة و بعدين كسرت التابلوه مش عارف ازاي , المهم ظهر التابلوه من فوق فيه جزء مثلث مكسور و مش موجود .

يعني التابلوه من فوق فيه زي تجويف مثلث ليس بالهين حوالي 15 سم * 20 سم .

طبعا سألت على تابلوه استيراد لقيته بحوالي 1000 جنيه استعمال خارج و الحقيقة ان التابلوه القديم شغال
زي الفل لكن منظره كئيب جدا فما الحل ؟؟؟؟؟؟؟؟

هل أغطي الجزء المكسور بجلد و لا ممكن حد يجب حتة فيبر و يلصقها مكان الجزء المكسورة و بعدين نغطيها .

هل يوجد ورشة او مكان ممكن يفصل أو يبيع تابلوه فارغ للتمبرا و يكون أرخص طبعا من الاستيراد .؟؟؟؟؟؟

رجاء الافادة لان فعلا الموضوع ده غايظني جدا و ممكن يوقف البيعة لان الراجل صاحب العربية دماغه ناشفة و مش راضي لا يغيره و لا يخصم ثمن تصليحه من العربية

فى واحد بتاع فيبر كويس فى الحرفيين بس مش فاكر إسمه ايه ممكن أشوفلك رقم تليفونه وكلمه إسأله بيصب للتابلوه ولا لأ

[max_ziro]

يا باشا اى بتاع فيبر و بعدين رش التابلوة كلة و كدة يكون تمام
ربنا معاك
..

[abdelmessih67]

فى واحد بتاع فيبر كويس فى الحرفيين بس مش فاكر إسمه ايه ممكن أشوفلك رقم تليفونه وكلمه إسأله بيصب للتابلوه ولا لأ

أهلا يا جو ممكن لو سمحت تجيبلي تليفونه أو توصف لي عنوانه أكون شاكرا لسيادتك

[abdelmessih67]

يا باشا اى بتاع فيبر و بعدين رش التابلوة كلة و كدة يكون تمام
ربنا معاك
..

الاخ الفاضل max ziro

تعرف حد كويس بعد أذنك أكون شاكرا لو توصفهولي أو تقولي تليفونه كام

[lancerevolution]

الطابلوه مايتكسرش غير فى حادثة جامدة خد بالك ممكن يكون مغير ربع أو نص إفحص العربية كويس

[aYaBooY]

التابلوه مبتكسرش بالساهل ابدا يعني انا كان معايا 128 طالع عينها و مكنش عندي خدش في التابلوه
و بعدين كان بينقل حاجة من السوق الحرة علي عيني الشنطة اتملت (رغم ان التمبرا شنطها شبه العربية النص نقل )ماشي و بعدين الكنبه الي ورا اتملت ( الكنبه الي هيا اصلا ممكن تكون بمساحة عربية تانية) ماشي
بعد كدة ابتدي يحط على الكرسي الي جنبه اتملي بعد كدة ابتدى يحط على التابلوه اتملي اكيد فك البربريز و بدا يثبت على الكبوت طيب ايه الي ممكن يكون اتحط علي التابلوه و يكسره
سيدي الفاضل التمبرا عربية مش رخيصة و كل الي ركبوها اشتكوا من ضعف العفشة بس مسمعتش حد بيشتكي من تاكل في التابلوه او كسر في التابلوه بص انا عن نفسي ممكن اخد عربية رشة بره
و ممكن اخد عربية موتورها خفيف بس موضوع الصالون ممكن اعدي انه متسخ او مهلهل بس موضوع التابلوه ده يقلق فبلاش منه و على فكرة التمبرا عربية مش بياعة اوي يعني متخليش صاحبها يتنطط كتير
و رجاء فحص السيارة جيدا و متدلقش كتير علشان بما انك بتتكلم في تمن تمبرا يبقي انت يتتكلم في رينج فلوس يجيبلك حاجات كتير كويسة و احدث من التمبرا

[abdelmessih67]

الطابلوه مايتكسرش غير فى حادثة جامدة خد بالك ممكن يكون مغير ربع أو نص إفحص العربية كويس

سامحني يا اخ lancerevolution أصل انا جاهل شويتين يعني أيه مغير ربع او نص و كيف اعرف هذا
عند الفحص ؟؟؟؟؟؟؟؟

على فكرة انا ميعادي معاه بكره و سنذهب لفحص السيارة في البنزينة فماهي برأيك أهم العناصر التي يجب ان أدقق فيها لاكتشف هذا التغيير ؟؟؟؟؟؟؟؟؟

[abdelmessih67]

التابلوه مبتكسرش بالساهل ابدا يعني انا كان معايا 128 طالع عينها و مكنش عندي خدش في التابلوه
و بعدين كان بينقل حاجة من السوق الحرة علي عيني الشنطة اتملت (رغم ان التمبرا شنطها شبه العربية النص نقل )ماشي و بعدين الكنبه الي ورا اتملت ( الكنبه الي هيا اصلا ممكن تكون بمساحة عربية تانية) ماشي
بعد كدة ابتدي يحط على الكرسي الي جنبه اتملي بعد كدة ابتدى يحط على التابلوه اتملي اكيد فك البربريز و بدا يثبت على الكبوت طيب ايه الي ممكن يكون اتحط علي التابلوه و يكسره

شكرا جدا لنصحيتك , الحقيقة كلامك أفادني كثيرا بس انا مش مدلوق عليه و لا حاجة لكن لسة هأسأله عن موضوع التابلوه و كيف تم كسره لانه فعلا موضوع يقلق لكن عندي شوية أفكار

هو ممكن يكون كان شايل ماسورة أو عمود ستارة تقيل أو ساعة حائط طويلة مثلا و كانت محملة على التابلوه و بعدين كسرته ؟؟؟؟؟؟؟؟؟؟ ممكن كده و الا أيه .

في نقطة ثانية لو زي الاخ lancerevolution ماقال أنه مغير ربع أو نصف و لو اني مش فاهم يعني أيه طب ما كان ممكن يغير التابلوه بالمرة معاه .

و بعدين في حاجة , العربية باينة قوي قوي أنها دهان فابريكة من الخارج و الداخل و خاصة بعض المناطق البسيطة المجربة من الشمس باين فيها بشدة دهان المصنع فلو كان عامل حادثة جامدة كسرت الباب مثلا و ووصلت للتابلوه كان هيبان على الدهان الخارجي و الا أيه .

في نقطة ثانية , الحتة المكسورة من التابلوه في المنتصف بتاع التبلوه و ليست على ركن من الاركان يعني لو وصلت لها حادثة يبقى لازم تحطم واجهة السيارة و الموتور وصولا للتابلوه و شكل العربية واضح جدا أن دهانها و حوضها فابريكة على قد نظري ما شاف لان حادثة جامدة زي دي أي واحد هيشوفها حتى لو كان قليل الخبرة زيي .

عايز رأيك علشان أنا قلقت جامد من الكلام

[aYaBooY]

يا استاذ المشكلة الي بتكلم فيها موضوع كسر حاجة جوة الصالون ده معناه ان العربية متهانة و عموما لو العربية فبريكة برة متخافش من موضوع مغيرة ربع ديه بتكون مستبعده
و فيه جهاز في البنزينة بيتحط على الدهان و يقول فبريكة و لا رش تاني بس خلي بالك ان التمبرا عفشتها وحشة مش معمرة و علشان كدة ملهاش سوق اوي رغم انها من عائلة الفيات
معشوقة الشعب المصرى و لو تكيفها مش شغال و صاحبها قال ده شحن الشحن كلة ب 150 جنيه اشحنهوله على حسابك علشان لو كان كباس يبقي انت هاتحتاج تغير تكييف كامل ربنا يسترها معاك و مع الجميع

[abdelmessih67]

يا استاذ المشكلة الي بتكلم فيها موضوع كسر حاجة جوة الصالون ده معناه ان العربية متهانة و عموما لو العربية فبريكة برة متخافش من موضوع مغيرة ربع ديه بتكون مستبعده
و فيه جهاز في البنزينة بيتحط على الدهان و يقول فبريكة و لا رش تاني بس خلي بالك ان التمبرا عفشتها وحشة مش معمرة و علشان كدة ملهاش سوق اوي رغم انها من عائلة الفيات
معشوقة الشعب المصرى و لو تكيفها مش شغال و صاحبها قال ده شحن الشحن كلة ب 150 جنيه اشحنهوله على حسابك علشان لو كان كباس يبقي انت هاتحتاج تغير تكييف كامل ربنا يسترها معاك و مع الجميع

شكرا لمشاركتك يا أخ ايابوي , العربية داخليا صالونها فابريكة و الموكيت و الفرش سليم تماما و لكنه متسخ و لونها طبعا أجرب شوية من الضوء و الشمس و لكنه الكراسي سفنجها عالي و مش هابط أنا غالبا اللي هأعمله اني هأغسله و أكسيه بغطاء جلد علشان أحميه من مزيد من الضوء و الشمس و في نفس الوقت يدي شياكة للصالون .

أما بالنسبة للتابلوه فالمكسور هو الفيبرة العلوية بتاعة التابلوه لكن العدادت و زراير التكييف كله شغال , و رحت امبارح الوكالة لقيت فعلا ناس كثير تشتكي من كسر الفيبرة لانها ضعيفة و هذه الفيبرة بتتفك بأربعة مسامير و بتعمل مستعملة حوالي 150 جنيه حسب حالتها و لو تعرف حد ممكن يصب الحتة المكسورة أو يلحم لها وصلة و بعد كدة أرش الفيبرة كلها و أركبها تاني ياريت تقوللي .

على فكرة انا أول مرة أسمع عن جهاز الدهان هذا يا ترى شكله أيه و هل تعرف بنزينة معينة قريبة من مصر الجديدة الاقيها عنده و لا هو موجود في كل بنزينة ؟؟؟؟؟؟؟؟؟؟؟؟؟؟

أما موضوع العفشة فالحقيقة أنا محتاج اعرف منك المزيد عنه لان حسب معلوماتي أن قطع غيارها نفس قطع غيار الشاهين و الريجاتا و هي عربيات نوعا ما قوية فما السبب أن عفشتها ضعيفة ؟؟؟؟؟؟؟؟؟؟؟؟

رجاء الافادة يا أخ ايابوي