غاز ولا بنزين ياريت نفهم والله!!!

[طارق ابراهيم]

]السلام عليكم أولا
في الحقيقة كنت مرة عند واحد ميكانيكي صاحبي وقلتله انا طرئت عليا فكرة اني أشتري عربية مستعملة وبحكم انه بيفهم في العربيات كويس وخاصة العربيات اللي بتستحمل شقا وتعب لأنه بيتعامل مع سيارات التاكسي بوجه خاص فقالي خليك في العربيات اللادا ديه عربيات عفية وتستحمل كل اللي انت عاوز تعمله فيها .
وقالي كمان ملحوظة :ممكن يتركبلها غاز وده هو المستقبل اللي جاي قلتله يعني ايه قالي بصراحة كده عربيات الغاز موفرة جدا جدا وبعد كده معظم العربيات هتقلب غاز نظرا ً لأنه عملي جدا ً.
فأنا بستأذن الإخوة الأفاضل الأعضاء في إرسال تعليقاتهم حول هذا الموضوع لأنه داخل دماغي قوي لكن انا بس خايف من عنصر الأمان في السيارات الغاز, معرضة للإنفجار لاقدر الله إذا اصطدمت بقوة ,وكمان مرة تاكسي وقف بيا في محطة بنزين عشان يمون غاز وقفنا في طابور أكتر من نصف ساعة ,مش عارف بقى الشلل ده هيواجهني كل ماروح أمون ولا ايه .
مستني ردودكم وآراءكم بفارغ الصبر

[Nader]

الغاز موفر جداً جداً جداً، بس في المقابل العزم بتاع العربية هيقل والموتور هيتقصف عمرة بدري.

[محمد البحيري]

هو نظريا الغاز فعلا موفر للفلوس وكل حاجه وده شئ جميل
ولكن عمليا ليه شويه عيوب ممكن تستحملها وممكن لا
1-لازم الي تركب عنده تمون عنده
2-سمعت انه بياكل اسطوانات المحرك فده هيخليك محتاج تعمل عمره كل شويه (اكتر من لو كانت بنزين)
3-زي مانت شوفت علشان تمون ممكن تقعد ساعه ويمكن اكتر(المحطات فعلا قليله)
الكلام ده من منقول عن لسان سواقين التاكسي (انا شخصيا مجربتش)
ولو ناوي مفهاش حاجه تسال اي سواق حتي لو متعرفوش وهو هيديك الخلاصه
طيب هتقولي لما هو بياكل اسطوانات السواقين مكملين بيه ليه؟
لان التوفير في استهلاك البنزين اكتر بكتييير من حق العمره ومتنساش ان دي عربيه بتجيب فلوس
تحس ان السواقين دارسين اقتصاد كويس :D

[طارق ابراهيم]

طيب يا جماعه نقطة الأمان ديه أهم حاجة في الموضوع من فترة ليست بالبعيدة قرأت في الجرايد عن حادثة على الطريق السريع
لوري خبط في سيارات كانت واقفه على الطريق السريع بسبب حادث تصادم سابق فدمر سييارات كتير منها وكان لسوء الحظ فيه سيارة تعمل بالغاز فانفجرت وضيعت جنبها أكثر من ثلاث سيارات
وده كان كلام الخبر المنشور فديه حاجة مرعبة حتى لو مكنتش انا مركب غاز في عربيتي فممكن مواقف زي كده تحصل حتى لو كانت عربية جانبي أو قريبة مني فيها غاز
دي مصيبة يا جدعان .!!!!!

[ahmed1981]

لايتم التحويل إلا إذا كان المحرك كفاءته بحالة 90% على الأقل
بسبب زيادة نسبة الكبريت في الغاز لابد من تسخين السيارة جيداً وإلا تآكل المحرك بسرعة
وحتى وبعد التسخين الجيد فعمر المحرك مع إستخدام الغاز يقل عنه في حال البنزين

بالنسبة للسيارات الملاكي ذات المشاوير المتوسطة والقليلة:
لا ينصح بالتحويل للغاز إلا في السيارات من 1800 cc وأعلى حتى يكون مجدي إقتصاديا وبالتالي الوفر في البنزين يكون معوضاً للإستهلاك الكبير للمحرك بل يكون أوفر على المدى الطويل
لكن في حالة المحركات أقل من 1800 cc لا ينصح بالتحويل لأن وفر البنزين يقابله زيادة لمصاريف المحرك والعمرات وخلافة وبالتالي غير مجدي

بالنسبة لسيارات التاكسي والملاكي ذات المشاوير الكبيرة:
السيارات التاكسي والملاكي ذات المشاوير الطويلة الموضوع يفرق شوية لأنه في هذه الحاله إستهلاكه للبنزين كبير في مدة زمنية قصيرة فممكن تكون مجدية معاه إقتصادياً حتى لو الموتور 1300 cc
وطريقة الحساب هي:
لو أنك تصرف بنزين في الشهر 1000 جنيه يعني مشيت 5500 كيلومتر بعربية 1500 cc
وإذا إفترضنا أن الغاز يوفر في المتوسط ثلث سعر البنزين بعد خصم وزن الإسطوانه وبعض الفواقد
إذن بعد التحويل للغاز سوف توفر في الشهر مبلغ 333 جنيها وفي السنة توفر حوالي 4000 جنيه
إذن أول سنة وفرت تمن التحويل للغاز وهو 4000 جنيه بعد مشي 66000 كيلومتر
لو قلنا العربية تحتاج عمرة في حالة البنزين بعد 250000 كيلومتر تقريبا
إذن في حالة الغاز هتحتاج عمرة بعد 180000 كيلومتر تقريبا
عند ال 180000 كيلومتر هتكون وفرت مبلغ حوالي 11000 جنيه ونخصم 4000 جنيه تمن التحويل يبقى معاك مبلغ 7000 جنيه
تكلفة العمرة بكبيرها أوي حوالي 3000 جنيه
تصبح كسبان في جيبك صافي 4000 جنيه مش وحشين
طبعا لو العربية موتورها أكبر مثلا 1800 cc أو 2000 cc كانت فرقت اكتر من كده بكتير
فكل واحد يحسبها صح وبعديين يقرر

بالنسبة لموضوع الأمان :
الشركات بتقول إن الإسطوانات مصممه على تحمل التصادمات العنيفة
لكن بعد كلامك يبقى الموضوع فيه خطر
لكن برضه في البنزين التنك أحيانا بينفجر من التصادم ويشتعل
هذا والله أعلم

[hazem_khidr]

لو ملاكي ما انصحكش بيه اللي حتوفره بنزين حتدفعتصليح في عفشه علشان انابيب الغاز اللي موجوده في الشنطه و عمرات موتور زي الاخوه الافاضل اشارو فوق.
غير انك الشنطه عندك حتتاكل كلها نصيحه العربيه نازله بنزين خليها بنزين ما تلعبش فيها تعيش معاك

[طارق ابراهيم]

أشكركم جميعا ً على الردود الهايلة دية وربنا يباركلي فيكو يارب

[Colin Chapman]

الغاز موفر جداً جداً جداً، بس في المقابل العزم بتاع العربية هيقل والموتور هيتقصف عمرة بدري.

يعنى ممكن تعبى تنك الغاز او انبوبة الغاز الطبيعى لعربيتك بنفسك ؟؟؟!! والمولد برضه

Wood Gas Generator. Ultimate Wood Gasifier Plans. Free Fuel for Life.

او اى غاز

https://www.youtube.com/watch?v=MaJ_-xmtsXc

https://www.youtube.com/watch?v=bDIiEjL5eGM

https://www.youtube.com/watch?v=Zygs9pb_zBw

بدون هباب

https://www.youtube.com/watch?v=2wzpvSnhmFA

Wood Gas Generator. Ultimate Wood Gasifier Plans. Free Fuel for Life.