ازاي نعلى العربية من على الأرض؟؟؟؟؟؟؟

[طارق ابراهيم]

لو واحد عنده لانسر موديل 2001 ازاي يعلى العربية شوية نظرا ً لأن العربة ديه مستوى انخفاضها للأرض شديد جدا ً وبتسبب لأصحابها كتير من المشاكل وخاصة في الأسكندرية لأن الطرق بتاعت اسكندرية -في الشوارع الجانبية والمناطق الشعبية يعني - مكسرة قوي ده غير ان الأهالي لما يتضايقوا من سواقين الاميكروباصاتأو النقل أو أي سيارات عالية كده بيعملولهم مطبات عمولة وطبعا ً لابد من الأخذ في الاعتبار ارتفاع الميكروباص وتخيل لو معاك عربية زي اللانسر ديه وراكب معاك ناس وبتروح توصلهم للمكان اللي زي ده وانت مش متوقع الشكل الإجرامي اللي اتعمل بيه هذا المطب بيبقى شكله معمول لاغتيال شخصية سياسية هامة مش للحد من السرعات العالية فطبعا ُ قلبك بيوجعك أول ماتنزل العجلتين القدامانيتين لانك بتسمع صوت احتكاك عربيتك حبيبتك لدرجة تقشعر الجسم .
فهل ده علاجه اللعب في مقاسات المساعدين ولا ايه الحكايه .
فأرجوا من الأخوة الأفاضل اللي عندهم فكرة ممكن تتنفذ وتحاول تعلي العربية شويه انهم يفيدونا جميعا وللجميع جزيل الشكر :roll:

[PAYOO]

أهلا بك يا أستاذ طارق

مبدئيا مسألة تعلية السياره مسألة بسيطه وغير معقده ولكنها تضر بثبات السياره خاصة في الملفات

وعلى أي حال عملية تعلية السياره لن تتعدى نطاق الـ2سم أو 3سم على أقصى تقدير لأنك إن قمت بالتعليه أكثر من ذلك فسوف تضر بالسياره

أولا عملية التعليه سوف تقوم بها لدى (العفشجي) وهو لا يقوم بعمل اي شيئ في المساعدين بل يكون عمله في السوست التي تحيط بالمساعدين على أن يقوم بتركيب (علاية "وهي قطعة من الكاوتش على شكل حلقة) أو أثنتين بحد أقصى والـ(علاية الواحده سمكها في حدود 1سم أو 1.5سم
وإن قمت بتركيب علايتين فسوف يقوم بتركيب واحدة في الأعلى وواحده في الأسفل
كل ما سبق بالنسبة للسيارات صاحبة اليايات (السوست الحلزونيه) وهي الموجوده في سيارتك

أما السيارات التي بها سوست أفقية (بيسموها ورق"وغالبا لاتوجد إلا في السيارات القديمة المتينه والسيارات النقل) فتكون طريقة التعلية عن طريق زيادة ورقة أو أثنتين من ورق السوسته (وكلمة ورقة سوسته تطلق على شريحة طويله من الحديد المقوس الذي يركب فوق بعضه البعض ليساعد على أمتصاص الصدمات)

[hazem_khidr]

ما انصحكش يا استاذ طارق تعلي العربيه علشان الثبات زي ما الاستاذ هاني قالك كده بالضبط و لو فعلا بقي متضايق عليها في الحدود اللي قالك عليها لكن حتضحي بشويه ثبات محترمين يعني يبقي اخرك علي الطريق 100 او 120 بالكتير و ما تزودش

أما السيارات التي بها سوست أفقية (بيسموها ورق"وغالبا لاتوجد إلا في السيارات القديمة المتينه والسيارات النقل) فتكون طريقة التعلية عن طريق زيادة ورقة أو أثنتين من ورق السوسته (وكلمة ورقة سوسته تطلق على شريحة طويله من الحديد المقوس الذي يركب فوق بعضه البعض ليساعد على أمتصاص الصدمات)

ايه الحلاوه دي يا باشا
كان عندي 125 برضه زمان كانت بسوست برضه زي عربيات النقل و افتكر انها قعدت 17 سنه معانا ما غيرتش مساعد و لا عفشتها الخلفيه اتفكت خالص و كانت ثابته ثبات عربيات اصيله الصراحه.

[Karim_Monir]

الموديل ده من الانسر معروف انه اعلى موديل عن الارض
امال الكريستالة ايه بقي اللي بتحك في اي مطب
نصيحة بلاش بس يكشف على المساعدين والسوت احسن يكونو مريحين ويتاكد ان مقاسهم استندارد

[طارق ابراهيم]

انا بشكر كل الأساتذة على النصائح الأمينة ديه وربنا يباركلكو جميعا ً :lol: