مشكلة في الجنط

[noureymo]

صباح الخير يا شباب
النهاردة الصبح وأنا رايح الشغل كنت ماشي في جسر السويس (6.30)صباحا تقريبا السرعة كانت بين 70 و 80 بلاعة في الشارع متغطية طبعا بس نازلة عن مستوى الشارع في حدود 10 : 15 سم عديت عليها بعدها لقيت الكاوتش الامامي نام ركنت ونزلت اغيره واركب الاستبن لقيت الجنط من عند الشفة معووج المهم ركبت الاستبن وكملت على سراي القبة وركنت العربية وانا نازل منها لقيت الجنط الوراني كمان معووج من عند الشفة بس العوجة اقل من العوجة في الجنط الادماني.
طبعا دلوفتي انا ركبت الاستبن ودي كانت اول مرة ينزل من مكانه في العربية.
لو سمحتم حد يدلنيب اعمل ايه وهل لازم اغير الجنطين دول ولا ايه.
يا ريت حد يرد عليا لو سمحتم علشان احل المشكلة دي بعد الشغل النهاردة علشان شكلها كده العجل الوراني كمان هيسرب الهوا من العوجة الي فيه .

[AlmAhAtmA]

يا سيد الكل قدر الله و ما شاء فعل
ولا تزعل نفسك

لو عندك في الشغل سواق امين اديلوا العربيه يروح بيها اي محل كاوتش محترم و حيستعدلوا الجنوط و كل حاجه حترجع زي الفل

اهم حاجه ان الكاوتش لو تيوبلس ما يكونش اضرر

لو ما فيش سواق بعد الشغل روح ضبط الموضوع

كان لينا اخوه كاتبين عن الموضوع ده في المنتدي دور حتلاقي مواضيع كتير مفيده عن الموضوع ده

[Islam_galal]

أي بنزينة محترمة فيها ضبط زوايا و اتزان حيظبطلك الجنط و ماعتقدش انه حيحتاج تغيير الا لو فيه شرخ

[noureymo]

شكرا يا جماعة على ردودكم بس هو فعلا الكاوتش تيوبلس
يا ترى كده هاضطر اركب داخلي ولا ايه رأيكم

[محمد المصرى]

بس يا باشا

من احسن الناس الى بتعدل جنوط واحد اسمه اشرفكو تقريبا امام محطة متر الانفاق بتاع المطرية
هو مشهور جدا هناك ومحترم جدا

وهو هيكشف على الكاوتش برده بس نصيحة بلاش تركب داخلى

[Nader]

لا مش هتحتاج يركب داخلي ان شاء الله بس انت وادي الجنوط عند واحد كويس يستعدلهملك

[Abdallah]

لو الكاوتش ضرب متركبش داخلى, حذارى من تركيب الداخلى لان الكاوتش التيوبليس مش مصمم لكى يتحمل فردة داخلية وبالتالى سهل انفجاره , كفانا الله واياكم شر الطريق.

[Nader]

لو الكاوتش ضرب متركبش داخلى, حذارى من تركيب الداخلى لان الكاوتش التيوبليس مش مصمم لكى يتحمل فردة داخلية وبالتالى سهل انفجاره , كفانا الله واياكم شر الطريق.

هو في حل مؤقت للحكاية دي انهم بيلبسوا الكاوتش من جوة جلبية :D او بمعني اخر بيجيبوا تيوب قديم ويحطوة جوة وبعدين يحطوا التيوب السليم.

[noureymo]

صباح الخير جميعا
أولا انا عاوز اشكر كل الي رد عليا امبارح في الموضوع ده وعاوز اقول ان انا رحت امبارح عند بتاع الكاوتش ودق على الجنطين كل واحد تقريبا 3-4 دقات وبعدين نفخهم وركبهم .وكل الى اخده 4 جنيه بس
هل ده كافي ولا لازم اروح ارصص واظبط زوايا كمان .
شكرا يا جماعة

ملحوظة:-
الراجل بتاع الكاوتش قال امبارح ان الاستعدال مع الترصيص للفردة من 25-30 جنيه ؟ ده صح ولا سعر مبالغ فيه

[AlmAhAtmA]

صباح الخير جميعا
أولا انا عاوز اشكر كل الي رد عليا امبارح في الموضوع ده وعاوز اقول ان انا رحت امبارح عند بتاع الكاوتش ودق على الجنطين كل واحد تقريبا 3-4 دقات وبعدين نفخهم وركبهم .وكل الى اخده 4 جنيه بس
هل ده كافي ولا لازم اروح ارصص واظبط زوايا كمان .
شكرا يا جماعة

ملحوظة:-
الراجل بتاع الكاوتش قال امبارح ان الاستعدال مع الترصيص للفردة من 25-30 جنيه ؟ ده صح ولا سعر مبالغ فيه

في اي مركز بريدجستون
الترصيص 20 جنيه
ضبط الزوايا 20 جنيه
الاسعار دي للاربع فرد و الاربع اتجاهات
يعني كله كله مش فرده واحده

[Nader]

الاسعار دي للاربع فرد و الاربع اتجاهات

+1

[noureymo]

شكرا جزيلا يا نادر على اهتمامك بالرد

[Nader]

أهلاً بك يا nour في اي وقت.

[hazem_khidr]

دا كافي فعلا و المفروض بتاع الكاوتش بيجيب ميه و بينزلها عند الحتت اللي استعدلها و يشوف في تسريب ولا لاء لكن الموضوع بسيط فعلا .
بالنسبه للترصيص الفرده بتترصص ب 5 جنيه و بالنسبه لضبط الزوايا انا ببط الاتين الاماميين ب 15 جنيه