مساعده ضرورى ضرورى

[KIA_SEPHIA_2001_K]

ازيكوا يا جماعه واتمنى الكل يكون بخير

انا عندى سؤالين بالنسبه لسياره كيا سيفيا هل ممكن حساس الهوا يكون السبب فى خنقه العريبه لما بشيل رجلى من على البنزين

لان الى بيحصل ندى سواء ماشى براحه او بسرعه بيكون فى خنقه بتحصل واول مشيل الاقيها نطرت مع العلم انى مغير بوجيهات وفلاتر ونظفت بوابات وبرضوا فده عيب حساس هوا مثلا ولا كهربا وايه هيه الكهربا ومين يعملها لو كده

وعندى العريبه بتحدف يمين والدركسيون بتهز بعد 100 وفى الملفات لا

حاجة اخيرا عربيه اوبل استرا 1200 الميه بتنقص فيها مع العلم اخر مره اتمشى بيها م غير مية واذوتت ميه بس بتنقص ديما فايه الى حصل

[KIA_SEPHIA_2001_K]

يا جماعه طب حد يفدنى خنقه العريبه ديه من ايه

[tmedhat]

العيب غريب شوية
انت بتقول لما اشيل رجلى بحس بخنقة فى العربية
طب منت اصلا بتشيل رجلك من على الدواسة لازم التسارع يتراجع طبيعى
يا اما انا مش فاهم بقى السؤال كويس

[samirayad]

وعندى العريبه بتحدف يمين والدركسيون بتهز

أكشف على الكاوتش والجنوط وأبقى رصص وظبط زوايا ......وجرب

حاجة اخيرا عربيه اوبل استرا 1200 الميه بتنقص فيها مع العلم اخر مره اتمشى بيها م غير مية واذوتت ميه بس بتنقص ديما فايه الى حصل

شوف غطاء القربه كده محكم ومربوط كويس وبرضه راجع على رباط كل خراطيم التبريد (ولو ده ماجابش نتيجه يبقى شوف كده فيه ميه مرشحه تحت الموكيت بتاع الكرسى اللى جنبك ...لأن ممكن تكون سربنتينة التكييف مخرومه لو كانت السياره مكيفه )

بيكون فى خنقه بتحصل واول مشيل الاقيها نطرت مع العلم انى مغير بوجيهات وفلاتر ونظفت بوابات

دى ممكن تكون بسبب عدم الأستجابه الجيده بالنسبه لحساس وضع الخانق throttle positioning sensor (tps ....يعنى فيه تقل لأستجابة الحساس للتغير الفجائى لوضع البوابه.............وممكن برضه تراجع على بكرة وواير الأكسراتير

[KIA_SEPHIA_2001_K]

دى ممكن تكون بسبب عدم الأستجابه الجيده بالنسبه لحساس وضع الخانق throttle positioning sensor (tps ....يعنى فيه تقل لأستجابة الحساس للتغير الفجائى لوضع البوابه.............وممكن برضه تراجع على بكرة وواير الأكسراتير

شكرا ليكوا كلوكوا بس ده حلوا ايه ؟ وشكلوا اعرفوا ازاى وبكام؟

[samirayad]

أنت مش حتعرف تتأكد من خط الأتصال بين البوابه والحساس..............يعنى لازم مركز خدمه محترم أو التوكيل (لأن ده موضوع حساس )......وأنا مجرد بأقولك على الأحتمالات

[TOOLA]

أحد أفضل الورش الشغالة فى الكيا عموما هى ورشة الأصدقاء فى الزيتون, و انا عارف ان كان فى موضوع عنهم هنا فى المنتدى, عموما انا أول شغل هعمله معاهم الاسبوع ده.

خلى بالك هوا لما بيلاقى حاجة مش مضبوطة بيقولك غير علطول عشان يطلع شغل نضيف, أنا أول ما جبت عربيتى قالى على حاجات كتير تتغير (بليتين عجل امامى - اربع مساعدين - قعدتين موتور - و شوية حاجات تانية) عموما انا مصدقتش و بعد كده كول ال قلى عليه لاقيته فعلا لازم يتغير, عشان كده روحتله يظبطلى الفاضلى ان شاء الله (رقم تليفون الورشة: 0100209293)

[KIA_SEPHIA_2001_K]

اه منا عارف مركز الاصدقاء ده بس فى حدائق القبه باين وسعتها شخصلى عيب غلط

واشكركم

[aYaBooY]

انت في حد عمل عندك شغل في التيكيهات ابل كدة
و ممكن البوابة تكون محتاجة مزيل صداء dw40 مش بس تنظيف و سلك الاكسراتير محتاج يتنظف ببنزين او جاز

[max_ziro]

ولله يا عم عصام الى عندك دة ف الاغلب وسوسة
انت عربيتك زى الفل
انت بس الى موسوس حبتين
و بعدين قولى انت العيب دة من ساعت مشوفتك ولا من قبلها عشان انا لما شوفتك مكنش فيها حاجة كانت تمام
و قولتلك على حل جميل تعلالى نظبط كل حاجة و سوق عربيتى و لما تلاقى اختلاف يبقى دة عيب عندك لو مفيش حاجة يبقى انت موسوس
و لو انت عايز تنضف الحساسات بتاعتك انا لسة منضفها و هقولك الطريقة
هات منظف بتاع بوردة الكمبيوتر اسمة اكاى و ب 5 جنية و نص دة ميزتة انة بيشيل الرواسب و مبيسبش اى فضلات مش زى الdw40بيسيب زيت و بعدين دة مش حامى زى منظف الكربراتير عشان ميضرش الحساسات و بردو نضف بية البوابة و كدة تبقى تمام و إن شاء الله العيب الى مس باين انة عيب دة يروح ..
ابقى طمنى
..

[KIA_SEPHIA_2001_K]

واللهى يا ماكس انا نفسى اجيلك او اشوفك فى اى مكان بس المشكله بينا المسافه وظروف كل واحد بتبقى صعبه

بالنسبه للوسوسه انا فعلا كدا بس انا بحب العربيه تكون مفهاش غلطه انا قبل كده نظفت البوابه وكانت تقيله اوى لما بفتحا بايدى بس زهقت بسرعه