خنقة وكركرة بعد ربع التنك بشوية

[M.Gamaledeen]

لما التنك يعدي الربع بشوية بلاقي العربية تقلت جدا
والسحب ضعف
وتفضل "تكركر" كل شوية
ومجرد ما التنك يتملي كل حاجة ترجع زي الأول

مع العلم اني باحطلها بنزين 92 على طول
ياترى ده بسبب رواسب في التنك ولا الفلتر عايز يتغير ولا إيه ؟؟؟؟؟؟

[M.Mostafa80]

أخر مره غيرت الفلتر كان أمتى
وهل جيبتو أصلى ولا لأ

[M.Gamaledeen]

أكتر من 7 شهور
بس كان الأصلي
وكنت ناوي أغير مع الservice الجاي (كمان أربع أو خمستلاف كيلو كده)

[M.Mostafa80]

هو أحتمال يكون التانك عندك مليان رواسب وخصتا لو الى قابلك كان بيحط 90
ووممكن يكون الفلتر أتكتم بسبب الرواسب ولما بتفول الضغط يحرك الرايش الى بداخل الفلتر فا يفوق العربيه تانى
نصيحه من ؟أخوك متخليش العربيه التانك بتاعها ينزل عن النص ودا هيكون لأأريحلك وأوفرلك فى حاجات تانيه كتير أنا مش عايز أفسر فى وشك بس وان شاء الله تبقى بصيته

[tmedhat]

غيرالفلتر و لوتقدرتنزل البنزين كلو من التنك وتملاة من جديد
دةممكن يغسل التانك من جوة

[M.Gamaledeen]

الحاجة الوحيدة اللي بتخليني أستنى لغاية لما يعدي النص و الربع كمان اني أثبت المحطة اللي بأمون منها

[M.Gamaledeen]

و لوتقدرتنزل البنزين كلو من التنك وتملاة من جديد
دةممكن يغسل التانك من جوة

كنت لسه هاسأل ؟؟؟
هو ينفع أفضي التنك وأملاة تاني زي طريقة تنظيف الرادياتير ؟؟؟؟؟؟؟؟؟؟

[aYaBooY]

غيرالفلتر و لوتقدرتنزل البنزين كلو من التنك وتملاة من جديد
دةممكن يغسل التانك من جوة

مظبووووووط

[M.Gamaledeen]

مظبووووووط

طيب يا جماعة انا معاكوا
بس حد يقولي إزااااااااااااااااي
التنك بتاع العربية مافيهوش مكان يتفضى منه
والي عندة طريقة يلحقني بيها

[samirayad]

التنك بتاع العربية مافيهوش مكان يتفضى منه
والي عندة طريقة يلحقني بيها

أنا سمعت أنهم بيشفطوا البنزين (زى نظام السرنجه بالظبط )........حقنه كبيره وبتدخل من فاتحة التموين (واعتقد ده مقبول منطقيا ....بحيث يتم التشفيط على أكثر من مره الى أن يتم أفراغ التنك ).............................بس الصراحه لم أرى هذا الموضوع من قبل ولكنه مجرد سماع .....وهو منطقى (بس لازم برضه حيكون فيه نسب رواسب بسيطه ).....وأهو نصف العماء ولا العماء كله....على أساس أن نسبة الرواسب حتقل خالص فى التنك عن الوضع الحالى......

[m_s_h_a]

على فكره انا كنت عندى المشكله وفضلت ماشى بالعربيه لحد ما اللمبه نورت وروحت ممون 95 والعربيه اكنك راكب عربيه تانيه وبعد كده حطيت 92 تانى ومبقاش فى مشكله خاصة ان الفورد اقل حاجه 92 خلى بالك فى بنزينات معندهاش فلاتر غير بقى الغش والمايه والذى منه الله يخرب ولا بلاش

[ameersaeed]

السلام عليكم
حصلت هذه المسألة لسيارة صديق لي
وكانت بمبة الوقود كهربائية بداخل خزان الوقود
والذي حصل أنها عندما تعطلت من قبل
قام الكهربائي غير الخبير يوضعها في غير مكانها الأصلي
فأصبحت أفقية والمفترض أن تكون عمودية
عمودية ليصل رأس البمبة إلى قاع الخزان فيشفط الوقود
فلما أصبحت عمودية أصبحت تسحب إلى نصف مستوى الخزان ثم تبدأ السيارات تنكتم وتهتز كأنها تختنق..
فأصلحناها له بكل بساطة بعد أن تبين لنا من خلال التفكير ماذا سيكون السبب المحتمل..
لأنه أحيانا يكون سبب ذلك اتساخ فلاتر الوقود
والفلاتر تكون بداخل الخزان وكذلك في كواسير الوقود وغالبا تكون في منطقة المحرك
ومسألة الفلاتر حصلت لي شخصيا فاستبدلت الفلتر
هذا بالنسبة لبمبة الوقود الكهربائية أي في حالة أن المحرك يعمل بالإنجكترات
لأنه في حالة الكربريتر غالبا يعمل بمضخة وقود تعمل عبر عتلة تستمد قوتها من عمود الكامة في هيد الماكينة.
وهنا يكون السبب المحتمل أن يكون هناك انقطاع أو تلف لبايب الوقود الذاهب للمحرك والذي يكون غالبا نازل من الأعلى للأسفل في خزان الوقود مما يؤدي إلى أنه لا يسحب كل الوقود من الخزان..
هذه احتمالاتي والله أعلم..
والسلام عليكم

[M.Mostafa80]

بص يا محمد موضع شفط البنزين مش صح لأن فى مصفه بفوهه البنزين بتمنع شفط البنزين من التنك فى نفس الوقت بتمنع دخول أى رايش بحجم كبير ولو شفطنا يبقى معملناش حاجه لأن الرواسب هتفضل مكانها
أما أحتمال طلمبه البنزين فدا ممكن يكون سبب فعلن لو عندك ميكانيكى كويس خليه يبص عليها
بص طبعا كل دا بعد ما تغير الفلتر لأن مومكن يكون كل الى بنحكى فيه دا مش هو السبب والسبب يكون الفلتر وممكن تفكو وتنفخ فيه لو حسيت أنو سالك يبقى تبص على الطلمبه لو مش سالك يبقى تغير الفتلر على طول
وعايز أشوف صحبى من أيام أبتدائى ياااااااااااااااااااااااااااااه
الدنيا صغيره قوى

[samirayad]

_ على فكره لو طلمبة البنزين عندك مغموره فى التنك وموجوده تحت الكنبه الخلفيه زى اللانوس عندنا (ممكن تطلع بالطلمبه بره وتشفط من المكان ده من داخل الصالون....حيكون أسهل وأفضل )

[M.Mostafa80]

فعلا الطلمبه فى الصالون من جوا وزى الانوس مع تقديرى ليك ياهندسه ودا الى بلاحظو من أشتراكاتك أنك راجل فاهم كويس بس التانك بتاع العربيه مش هينضف ألا أذا أتفك وأتفضى من البنزين وأتغسل وطبعا حضرتك سيد العارفين دا فيلم كبير وللأسف الصنيعيه عندنا مش مؤهلين أنهم يرجعو الحاجه تانى زى ما كانت وأسألنى أنا فى الموضوع ده ببقى واقف معاهم وعينى زى الصقر عشان لو جلت منهم حاجه وطبعا من هنا كانت بدايتى لفهمى الى بقول عليه لحد دلوقتى لسه محدود جدا فى العربيات والله المستعان وتكون بسيطه أن شاء الرحمن