ازالة دهان حوائط على صاج العربية

[cody02]

السلام عليكم

كيف يمكن ازالة رذاذ دهان حوائط من على صاج العربية .. بدون الاضرار بدهان العربية .. مع العلم أن الدهان ميتالك

وشكراً مقدماً

[eslamspirit]

التينر هو الحل الامثل
قطنة نظيفة و شوية تنر و هتلاقي الدهان تمام

[cody02]

يعني التنر مش مؤذي لدهان العربية .. لأن في واحد صاحبي خوفني من التنر

[bmw323]

يانهار أبيض تنر اية ياعم متروح عند أى واحد بتاع دوكو وهم أكيد ليهم طريقة

[Sameh]

التنر هيضيع بوية العربية - بص لو البوية اللى وقعت على عربيتك بلاستيك يبقا المياه بس كافية تطلعها ، أما لو بوية زيت (لاكيه) يبقى لازم ما يطلق عليه عند النقاشين (نفط) ، هتلاقيه عند بتوع الحدايد والبويات سعرها رخيص ، بس مش متأكد من تأثيرها على بوية العربية ! إنما غالباً هى أضعف بكتير من التنر ، ممكن تجرب بنقطة صغير على الإكصدام من تحت مثلاً أو على غطا التنك أو الشنطة أو الحوض من جوا ، نقطة صغيرة بس وشوف ، لو مافيش تأثير يبقا تمام شيل بيه البويه
وتقبل تحياتى

[cody02]

شكراً يا شباب على الافادة

[أشرف فتحى]

بص انا جربت التنر وجربت الكيروسين
التنر فعلا بيشيل البويه بس بيبهت اللون مكان ما بتمسح اما الكيروسين فمتعب عشان اضعف من التنر بس مبيعملش حاجه فى الدهان
تحياتى
اشرف فتحى

[zeyad1810]

جرب بنزين او تينر

[ahit]

قطنة ببنزين و إن شاء الله تطلع
اما التنر فاهيطلع بوية العربية