مسألتين جامدين؟؟؟؟؟ظ

[haitham2008]

1- التابلوة مشروخ كدا شرخ وعايز الحقة قبل مايكسر.
2- المؤشر بتاع درجة الحرارة بيجي لحد النص وبعدين المروحة تشتغل ازاي اخلي المروحة تشتغل بدري عن كدة.
انا عربيتي كيا برايد 99
وهل هيا فيها 2 ترموستات للحرارة ام واحد لان بتاع الريداتير قالي 2
وانا شيلت واحد بس اللي في الموتور بس لسة المروحة بتشتغل علي نصف المؤشر

[SAMEH_FOUAD]

بالنسبة لموضوع التابلوة معرفش فيها
لكن بالنسبة للترموستات او عايزها تشتغل قبل كدة يبقى تجيبها 80-70
لان اكيد هاتلاقى اللى عندك 90-80 وبكدة هتشتغل عند درجة حرارة اقل بس دية ممكن تريحك فى الصيف وفى الشتاء تتعبك شوية فى التسخين لانها هاتاخد وقت

[أشرف فتحى]

التابلوه ممكن حد بتاع فيبر يلحمهولك
وبالنسبه للترموستات ممكن تجيب الترموستات اللى بتشتغل على 80 زى الاخ سمسم ما قال وتزود عليها انك تعمل زرار للمروحه بيبقى فى التابلوه ممكن تشغل بيه المروحه فى اى وقت وبينفع لو لا قدر الله الترموستات باظت . بس اوعى تنساه مفتوح وتبطل العربيه وتمشى لحسن هاترجع هتلاقى البطاريه فاضيه!

[mrghost]

التابلوه ممكن حد بتاع فيبر يلحمهولك
وبالنسبه للترموستات ممكن تجيب الترموستات اللى بتشتغل على 80 زى الاخ سمسم ما قال وتزود عليها انك تعمل زرار للمروحه بيبقى فى التابلوه ممكن تشغل بيه المروحه فى اى وقت وبينفع لو لا قدر الله الترموستات باظت . بس اوعى تنساه مفتوح وتبطل العربيه وتمشى لحسن هاترجع هتلاقى البطاريه فاضيه!

+11111111111111111

[m_s_h_a]

بالنسبه لموضوع الترموستات انصحك متغيرش السيستم بتاع العربيه هى مصممه كدا اكيد طالما ان المروحه بتشتغل والترموستات سليم دى درجة حرارة مصمم عليها الموتور وايه المشكله ان المؤشر يشتغل فى النص