مشكلة ممكن تحولها معايا

[SAMEH_FOUAD]

واحد صاحبى معاة عربية سيفيك vti 1998 لما بيجى يدوس فرامل عداد الاربى ام بينزل عندة جامد كانها هتبطل وساعات ماينزلش اوى بس بيرجع تانى لوضعة الطبيعى,دية مشكلة
والتانية لما جينا شغلنا التكييف والعربية كانت لسة راجعة من مشوار العربية بطلت لكن وهية باردة كابتعملش كدة
روحت شايلة فيشة الايدل وشغلت التكيف العربية مابطلتش وبقت مظبوطة جدا بس طبعا كانت لمبة الشيك منورة فهل لو مشي عليها كدة هضر فى حاجة لحد مايجيب ايدل لانى قولتلة ان كدة العيب منة بس قولت بردة اتاكد عشان مايغيروش على الفاضى
وهل كل الايدل بيختلف من ماتور لماتور لانى معايا هوندا بردة بس غير الماتور بتاعة فقولت اجربهولة عندى او اجرب بتاعى عندى بس ماحولتش اجرب الصراحة قلقت ليدخل تراب ولا حاجة فياريت الرد بسرعة لان زى مانتوا عارفين الايدل بتاعة تمنة حوالى 1000 تقريبا

[tmedhat]

انا عندى سيفيك 92 عملت كدة معايا
رحت للمي كانيكى بتاع الهوندا
زود لها الهوا شوية من مسمار فى جنب المانيفولد
والعربية بقت تمام
عربيتى اس اى رشاشات

[aYaBooY]

الحل بتاع tmedhatكويس اوي انك تروح لميكانيكي يفتحلك مسمار بوابة المنافول شوية زيادة
بس الموضوع ده هايخلي الموتور معاك دايما عالي
انا اعرف انك لما تفك اليدلر الموتور يبطل عندي كدة اعتقد انك فكيت ال tps
عموما
ممكن تفك الايدلر بتاعة و العربية بارده و تنظفة يا اما ببنزين او ب dw40
و تجرب و لو تعرف تفك البوابة بتاعت المنافول و تنظفها كويس هيا و ال tps يبقي فل ابل ما تقرر تغير الايدلر
و لو انت واثق ان المشكلة من اليدلر و الدنيا كدة كدة بايزة ممكن تجرب تلعب في المسمار بتاع الايدلر نفسه بس طبعا الموضوع ده ميتعملش غير لما يكون مفيش حل غير تغير الايدلر و كدة كدة الباكو هايندفع يبقي نجرب

[sab3aawy]

بص على خرطوم الفرامل والسيرفو وتأكد انهم مش مقطوعين او فيهم تسريب، وراجع خرطوم البى سى فى (الفايظ) وتأكد انه مش مقطوع، لو الحاجات دى مافيهاش مشاكل نضف بلف الأيدل ، لو ده محلش المشكلة راجع ضبط التى بى اس والأيرماس

[SAMEH_FOUAD]

انا ماعتقدش انة موضوع فرامل وبعدين انا شيلت الحساس اللى فوق البوابة على طول هو لونة رصاصى ومكتوب علية map sensor ولية فيشة رابطة بية يمكن الاخ مدحت يعرفة واول لما شيلتة العربية اتظبطت وادوس فرامل عداد الار بى ام مانزلش واشغل التكيف مظبوط جدا ووقف عند الواحد بس لمبة الشيك منورة
فانتوا اية رايكوا اخلية ينضفوا بالاسبراى الاول ولا اية وهل مثلا الاسبراى هيفرق عن لو نضفناة مثلا بهوا
بس انا اصلا شاكك فى الحساس دة وحاسس كدة انة مخرف والا لو ماكنتش شيلت الفيشة ماكنش التكيف اشتغل يعنى كدة هو بيدى قراية غلط للكمبيوتر لما بيكون الماتور سخن لكن وهو بارد مابيبطلش العربية وبيشغل التكيف عادى

[aYaBooY]

التنظيف لمنظومة الحقن لن يضر بس كتير بيكون الاتربة و الاوساخ ليها عامل جرب نظف الاول
و زي ما قالك المعلم الكبير سبعاوي باشا شيك على الخراطيم ديه علشان لو فيها تسريب الحساسات كلها هاتشتغل غلط

[SAMEH_FOUAD]

التنظيف لمنظومة الحقن لن يضر بس كتير بيكون الاتربة و الاوساخ ليها عامل جرب نظف الاول
و زي ما قالك المعلم الكبير سبعاوي باشا شيك على الخراطيم ديه علشان لو فيها تسريب الحساسات كلها هاتشتغل غلط

لو انت زى مابتقول عيب خراطيم اكيد كان هيقول وبعدين انا سوقت العربية فراملها بس الله ماشاء الله وبعدين اشمعنا بتعمل كدة لما التكييف يشتغل بس لكن طول ماهية ماشية عادى سحب وكل حاجة غير بس لما تيجى بتدوس فرامل بتحس ان الاربى ام بينزل شوية وبعد كدة بيطلع ودة عرفتة انة عادى لان طبيعى السيرفو بياخد هوا من الماتور فلازم ضغط الماتور يقل شوية وبعد كدة بيظبط عادى وحتى لو احنا واقفين فى اشارة العربية ولا بتعمل اى حاجة ولا بتبطل كل دة حصل اول لما جينا شغلنا التكييف

[SAMEH_FOUAD]

هو احنا انهاردة شيلنا فيشة الايدلر العربية قعدت 10 ثوانى وبطلت وبعد كدة مش عايزة تدور روحت ركبتها تانى و خليت صاحبى يسيب الكونتاكت مفتوح عشان الكمبيوتر يعرف الايدلر وبعد كدة اشتغلت بس بطلت تانى برة اول لما شغلنا التكيف لكن طول ماحنا مش مشغلين التكيف العربية تام بس بردة مؤشر الارى ام مش مظبوط شوية يطلع فوق وشوية تحت مش عارف دة بقى عيب حساس الهوا ولا الايدلر ولا عايز يتنظف انا احترت معاة اوى وطبعا لو روحنا لاى حد مش هيبقى عارف حاجة وكل دة وهية واقفة
واللى اكتشفتة انها مابتعملش كدة غير لما بتبقى سخنة بس لكن وهية باردة التكيف بيبقى شغال كويس لحد مالعربية بتسخن انا نازل معاة دلوقتى هاجيب اسبراى تنظيف للماب والفيش وربنا يسهل

[samirayad]

وبعدين انا شيلت الحساس اللى فوق البوابة على طول هو لونة رصاصى ومكتوب علية map sensor

هو ده سبب اللخبطه دى كلها...........والأيدل مالوش دعوه بالموضوع ده كله...................................

واللى اكتشفتة انها مابتعملش كدة غير لما بتبقى سخنة بس لكن وهية باردة التكيف بيبقى شغال كويس

والنقطه دى من كلامك بتؤكد أن الأيدل سليم .......والمشكله فى ال MAP SENSOR ......وياريت تنظف الفيشه كويس الأول ( الدكر والنتايه من الداخل ....بمزيل الصدأ وبعد كده هواء مضغوط للتجفيف وأزالة أى رواسب )....وركب الفيشه تانى بأحكام وجرب........لو الأمور ما أتحسنتش أعتقد حتحتاج تغير الـــــ MAP SENSOR

[SAMEH_FOUAD]

الحمد لله جيبت امبارح منظف الانجكشن وددينها للميكانيكى ودورنا العربية ورشينا السائل دة جوة الماتور وقعد يكبس بنزين متقطع عشان السائل ينتشر جوة وبعد كدة بنفس السائل نظفت فيشة الايدلر والماب وحساس الهواء والاكسجين والشكمان وكلة بقى تمام والدنيا اتظبطت الحمد لله متشكرين جدا جدا على تعبكوا معانا ياراجلة وعلى فكرة انتوا مش محتاجين wd40 لان ممكن منظف الانجكشن دة يشيل اى حاجة ويتجفف كويس جدا بالهواء المضغوط وكل هيبقى تمام

[samirayad]

الحمد لله ....وألف مبروك