النور مش شغال!!!!!!!!!!

[sleepyhammer]

امبارح بليل جيت وانا ماشي ومرة واحدة بشغل النور مشتغلش ولا الواطى ولا العالى ولا الرعاش حتى مفيش غير النور الصغير بس الى شغال ؟؟؟؟؟

يا ترى ممكن يكون ايه ده وهل حلها بسيط وممكن اعمله لوحدى ولا لازم اروح للكهربائى؟
وشكرا

[أبو إياد]

طالما فى نور صغير شغال
يبقا 90% المشكله فى دراع النور

[lord23]

بص كدة علي الكتاوت ممكن تكور فردة مش واصلة كويس

[aYaBooY]

طيب ابل ما نقول دراع النور و ندخل في الدوشة
انت الاول تبص على الفيوزات كلها ممكن يكون بتاع النور ضرب
اتنين تبص على الكتاوت بتاعت النور واصلة ولا لا
و لو كل ده مجبش معاك تتبع السلوك الي رايحة للفوانيس مممكن يكون فيها حاجة مقطوعة او ملمسة و لو كل ده مجبش
يبقي معلش روح لكهربائي سيارات

[sleepyhammer]

انا حبوص عليهم واشوف ورربنا يسهل

وشكرا ليكم كتييييييييييير

[أبو إياد]

على فكره انا مذكرتش موضوع دراع النور الا لما عرفت انها 127 فيورا
ويارب فعلا تكون فيوز او مشكله فى الاسلاك اكيد هاتكون اهون

[sleepyhammer]

طالما فى نور صغير شغال
يبقا 90% المشكله فى دراع النور

الله ينور يا باشا المشكلة كانت عند الدراعات كان فى سلك مزنوق عند علبة الدريكسيون قعدت احركه وادخله مكانه اشتغل النور

بس هروح للكهربائى بردو الا يكون فى سلك مقطوع او عريان يعملى ماس لاقدر الله

وشكرا mohamedezat ولكل الى ساعدنى