يا جماعه حد يفيدنى عربيتى السيفيا هاتجننى

[م/محمد صلاح]

ارجوكم المساعده يا جماعه
انا معايا كيا سيفيا 99 فول اوبشن اوتوماتيك
العربيه كانت ماشيه زى الفل لغاية شهرين فاتو وبعدين اتجننت
اللى حصل ان لمة الاوفر درايف (O/D OFF) دايما بتولع وتطفى وده كان مصاحب لعدة حاجات
اولا سحب العربيه بقى بطئ وحاسس انها مابتنقلش يعنى الار بى ام مابيغيرش ومش حاسس باى نقله مع العلم انى كنت بحس بالنقله من سرعه للتانيه وكمان لما بتكون السرعه 80 كم الار بى ام بيكون على 3000 ولما بتوصل السرعه 100 كم بيكون على 4000 ومش عارف اجرى بيها اكتلر من كده علشان خايف يكون فى حاجه
انا رحت لواحد قاللى هاتحتاج عمرة فتيس ب 5000 جنيه مع العلم بان سعر الاستيراد 3500 جنيه
ممكن حد يفيدنى علشان ماخسرش كتير؟
خصوصا انى ناوى ابيعها
ولو حد عارف مشترى يقوللى

[الريس]

بص يا باشا
انا كان معايا سيفيا و حصل فيها زي اللي حصل معاك بالظبط

الحلول المتاحة
1- عمرة فتيس في التوكيل(ابعد عنها لانها غالية و مش مضمونة )
2- فتيس استيراد (3000 جنيه و انت و بختك)
3- طقم اصلاح عند مجدي اوتوماتيك(1300 جنيه كلاتشات و جلب و تجهز لبيعها) ده لو الفالف بادي سليم
4-تغيير قلب فتيس بس (1900)و برضو من عند مجدي اوتوماتيك ارخص

و على فكرة انصحك بالبيع لانها مش هتقعد كويسة حتى بعد العمرة لفترة طويلة

و اسف للاطالة

[amr elkady]

eltawkeel adman 7aga we se3ro 23la men ay 7eta tanya bas 7aterga3 zay el 2wel bas byethy2ly ana 2enha 2estwana debryaj

[م/محمد صلاح]

طيب فين مجدى اوتوماتيك ده وانا اوديهالو وهو ممكن يعرف العيب بالظبط فين؟

[الريس]

مجدي اوتوماتيك ده في احمد سعيد
يعني العباسية
وخد الراجل بالراحة اصله كده دماغه غريبة
لازم تحسسه انك فاهم انه دكتور
و رئيس قسم كمان
و طبعا هو بيعرف العيب بالظبط

[Adham]

أياكح و مجدي اوتوماتيك دة

دة نصاب و لا بيفهم حاجة

انا فتيس عربيتي الهوندا باظ من 3 سنين لما قعدت اكتر من 30 الف كيلو ماغيرتش زيت فتيس
وديتهالة كلفني الف و نص و غير كلاتشات و بلوف و اويلسيلات
و خدتها زي ما هي بالضبط بدون اي تغيير برضة الرابع بيفلت و مابيسحبش

رجعتلة تاني قاللي معلش انا عملت الصح و غيرت ما يلزم طيب امال اية يا عمنا قاللك يبقى البادي فالف عاوز يتغير كمان هاتهولي و انا اركبة طبعا بينفض المهم انا رحت اشتريت نص حلة فتيس استيراد من الحرفيين و رجعتلة و سيبتلة العربية يوم و خدتها زي ماهيه تاني

الله اعلم بقى ان كان ركب البادي فالف و لا سابها زي ماهيه و حاسبني على مصنعية 200 جنية غير تمن زيت الفتيس حوالي 80 جنية تانيين

انا اقولك لو حاتولع في العربية اشتري فتيس استيراد و لا تروحش للنصاب دة

و ربنا يعوض عليك

[الريس]

ربنا يعوض عليك يا اخ ادهم
بس و الله انا تجربتي كانت معاه كويسة
عموما ممكن برضو لو حد اتعامل معاه تاني يقولنا

[khalid_adel]

بص ياباشا العيب ده حصل عند واحد صاحبي معاه فيكترا 94 كشف عند واحد وقاله ده سينسور ان بوت او اوت بوت وفيه زي بورده كده حتتغير وده كلفه بتاع 1000 جنيه كله بالمصنعيه وكدا
بس برضه العربيه والفتيس مرجعش زي زمان بس اهي ماشيه

[SAbuhashem]

that means that the electric board controlling the Overdrive for the gear may be broke and needs to be changed in this case the car gets up to the third gear only so thats why you have high rpm on low speed . so i think it's electric problem
wallah a3lam

Best thing go to the Agency and Find where is the problem first then decide what is the solution because may be you don't need to change the hole gear and it's small problem .

Also How much you want as price ?
thanks
Eng.Sherif Shaker

[Adham]

والله عالعك و النصب اللي عملهم في عربيتي و كمان عالتناكة اللي بيتعامل بيهم ماأعتقدش ان دة يطلع من تحت ايدة شغل كويس

يا عك...... يا نصب..... مالهاش تالت

[limo]

طب انا بقترح علشان نساعد الراجل ده ان كل واحد يقول تجربه مع اعطال الفتيس الاوتومتيك وافضل مكان صلحه فيه نظرا لان موضوع تصليح الفتيس الاتوماتيك فيه عك كتير ونصب

انا سمعت عن واحد فى الحرفيين اسمه بليه كان الميكانيكى بتاعى بيشكر فيه اوى بس الصراحه انا معملتش عنده حاجه فانتو ايه رأيكوا فى الراجل ده للى اتعامل معاه قبل كده

وشكرا لحسن تعاونكم :D

[Adham]

انا رايي ان الفتايس الاوتوماتيك في مصر بتبقى انت و بختك في الاصلاح

و ان الصنايعية اللي شغالين دول شغالين بإجتهادات شخصية

يفتح و ينفخ في البلوف و يجيب طقم كلاتشات و اولسيهات يركبة زي ماهوة شايفهم راكبين و خلاص

و ان اي اصلاح نتيجتة مش مضمونة ولا حتى 70%

بس برضة ارجع و اقول ان مجدي اوتوامتيك اللي جنب الكنيسة في احمد سعيد ناس كتير صلحت عندة و العربيات ضبطت
برغم ان بعض الناس اشتكت انة ماعرفش

و فية واحد اسمة الونش في الحرفيين في اليمين اللي بعد المزرعه بعد فرن صابر الأسمر ناس كتير جربوة و قاللوا علية استاذ
و صلح فتيس ليجانزا بتاعه جوز واحدة صاحبتي و قعدت العربية معاه سنين بعدها وماشتكاش من فتيسها تاني
وهو راجل امين جدا

انا رحت لة ب BMW دبانة بتاعه واحد صاحبي فيها حاجة مش مضبوطة في الفتيس قاللنا روحو الاول لحد يشوفلكم الاعطال عالكبيوتر ممكن ال Error يكون من الكونترول و يتفك عالكمبيوتر الأول

و فعلا دة بالضبط اللي حصل

يعني حللنا المشكلة في كلمتين و من غير اي تكلفة وماخدش عليها مليم, راجل فعلا أمين جدا و محترم

في برضة واد في الوراق جنب مصنع اضاءة طلعت مصطفي اسمة محمد بيقولوا علية كويس

و فية واحد اسمة يوسف عبد الحكيم في ارض اللواء تحت المحور في شارع اسمة أنس بن مالك ميكانيكي و بيصلح فتايس اوتوماتيك كمان
بس مش قوي و نصاب بيحاسب على حاجات بزيادة و بيعمل مصالح و ممكن تسيبلة عربيتك يشغلها مشاوير
(انا عمل بعربيتي 900 كيلو في يوم و هي مفروض متسابة عندة يشتغل فيها) وممكن كمان يبدل اي قطعه غيار من عربيتك بغيرها تالف
لذا وجب التنوية,