مشكلة كبيرة في نصر 127 ارجو المساعدة

[thegoodhacker]

العربية احيانا عند وضع مفتاح الكونتاكت و محاولة ادارتها اجد ان لمبات التابلوه بتنور معايا عادي و لكن لا يدور المحرك ولا اسمع حتي صوت اي استجابة من المحرك .......
جربت اشغل الكاسيت و انوار العربية وجدتها شغالة عادي جدا يعني كده المفروض ان البطارية سليمة .....
الغريب ان بعد كذا محاولة وجدت ان المحرك استجاب و دارت العربية..... تبقي المشكلة في ايه ؟

[samirayad]

تبقى المشكله فى المارش...................

[maka]

العربية احيانا عند وضع مفتاح الكونتاكت و محاولة ادارتها اجد ان لمبات التابلوه بتنور معايا عادي و لكن لا يدور المحرك ولا اسمع حتي صوت اي استجابة من المحرك .......
جربت اشغل الكاسيت و انوار العربية وجدتها شغالة عادي جدا يعني كده المفروض ان البطارية سليمة .....
الغريب ان بعد كذا محاولة وجدت ان المحرك استجاب و دارت العربية..... تبقي المشكلة في ايه ؟

تبقى المشكله فى المارش...................

بس مش المارش المفروض بيطلع صوت زى شحير لما يكون بايظ

[sweetheart_]

اعتقد ممكن شربون المارش عايز يتغير زى عندى بس انا لسه معملتهموش ودا اللى وصلت ليه من الاعضاء اللى هنا ولو عايز تتاكد انه شربون المارش لما تعلق معاك خبط على المارش لو اشتغلت يبقى هو ودا اللى عرفته .

[samirayad]

بس مش المارش المفروض بيطلع صوت زى شحير لما يكون بايظ

لالحظ أن العربيه دارت بعد كذا محاوله......يعنى البطاريه عشره على عشره.....

_ وبالتالى العيب من المارش هو أقرب حاجه (عاوز جلب_ ترس البندكس تعبان _ شربون عاوز يتغير _ عضوالتوحيد عاوز يتفلج ويتنظف _ محتاج رفع عزل ....وهكذا )...........

_ وربنا يستر ميكونش فيه عيب فى أسنان الفلام .....وده بنسيبه آخر عيب محتمل..............

_ وياباشا أنت الكهرباء كلها..........

[maka]

لالحظ أن العربيه دارت بعد كذا محاوله......يعنى البطاريه عشره على عشره.....

_ وبالتالى العيب من المارش هو أقرب حاجه (عاوز جلب_ ترس البندكس تعبان _ شربون عاوز يتغير _ عضوالتوحيد عاوز يتفلج ويتنظف _ محتاج رفع عزل ....وهكذا )...........

_ وربنا يستر ميكونش فيه عيب فى أسنان الفلام .....وده بنسيبه آخر عيب محتمل..............

_ وياباشا أنت الكهرباء كلها..........

الله يخليك

وهو شكله فعلا عيب فى المارش لانه لو عيب بطارية مكنتش العربية هتقوم خالص

[thegoodhacker]

الف شكر لكم جميعا علي الردود......
انا فعلا كنت مستبعد ان المشكلة تكون من البطارية لان ساعة المشكلة دي جربت انوار العربية و الكاسيت و لقيتهم شغالين تمام و لما المحرك بدا يلقط معايا العربية دارت بسرعة ...........
المهم رحت النهاردة للكهربائي قالي كده يبقي المارش بقي ضعيف وقام بتركيب كتاوت تقوية للمارش...... فهل الحل ده مضبوط ولا ايه النظام ؟

[newhansol]

السلام عليكم ورحمة الله وبركاتة

والله يا استاذ thegoodhacker
الناس الصنايعية دول بيشتغلونا احلى اشتغالات كتاوت اية راجل الى يركب على المارش الراجل دة عبيط يا اما عبيط ومعلش يعنى اكيد شافك قدامة افندى قالك حلو كبر دماغك منة دة شكلة افندى
بصراحة انا عمرى ما سمعت عن كتاوت للمارش يا راجل دة الكتاوت يولع انت عارف حمل المارش قد اية مش ممكن طبعا دة انت بتركب كتاوت على اللميات الى هية شبة الزينون 200/260 والله خالك الكتاوت اتحرق وهية يعنى مش جامدة للدرجة والكتاوت كان بتاع العربيات التويوتا اليابانى الى بقولو علية انضف حاجة ابو 30 جنية واية الى حصل اتحرق
بص يا سيدى العيب الى عندك دة يا اما شربون عايز يتغير لان الشربون هوة الى مسئول توصيل التيار على (الكوليكتور والروتر )بتاع المارش يعنى المارش لو اتغسل غسلة نضيفة واتغيرلة الشربون هايبقى مية مية
او ممكن يكون البوبينة بتاعتة ضعفت من كتر الشغل وممكن تتنضف و تتعزل حلو وتشتغل تانى
معلش سؤال اخير هوة انت بتصلح عند مين فى اسكندرية

[Maged_Samy]

العيب ده فى الغالب بيكون من الكلبس الصغير اللى راكب فى اتوماتيك المارش حركة يمين وشمال هيشتغل وحاول تغيره بواحد جديد ده تمنه 10 صاغ

[aimangorg]

العيب ده حصل معايا كتير وانا كنت باصلحه بنفسى
والحل زى ما قال الأستاذ ماجد وده الكلبس ابو 10 صاغ بتاع سلك اللقط الى بيركب فى الأتوماتيك وده هاتلقيه اسفل المارش

[gouda]

على فكره انا عندى نفس العيب فى الماروتى
وناس كتير قالولى انه الشربون عايز يتغير بس انا منفض على الاخر
بقيت كل ماجى ادور العربيه افتح الكبوت
وارزع على المارش بطوبه تقيله
وادور الاقى العربيه زى الفل

[thegoodhacker]

المارش ده طلع حوار كبير اوي لانه ممكن يعطل من كذا سبب زي ما انتم وضحتولي ........ ومن الواضح انه كان المفروض اني اسيب ا لمارش علي الحال ده لغاية ما يعطل خالص و ساعتها ابقي اروح للكهربائي و ساعتها حيحط ايده علي العطل الحقيقي بدل ما يخترع ........ علي العموم الواحد ما بيتعلمش بالساهل و انا بدات اتعود ما اروحش للصنايعي غير لما العربية تقف خالص احسن ما يطلعلي شغل علي الفاضي.......

[sab3aawy]

السلام عليكم ورحمة الله وبركاتة

والله يا استاذ thegoodhacker
الناس الصنايعية دول بيشتغلونا احلى اشتغالات كتاوت اية راجل الى يركب على المارش الراجل دة عبيط يا اما عبيط ومعلش يعنى اكيد شافك قدامة افندى قالك حلو كبر دماغك منة دة شكلة افندى
بصراحة انا عمرى ما سمعت عن كتاوت للمارش يا راجل دة الكتاوت يولع انت عارف حمل المارش قد اية مش ممكن طبعا دة انت بتركب كتاوت على اللميات الى هية شبة الزينون 200/260 والله خالك الكتاوت اتحرق وهية يعنى مش جامدة للدرجة والكتاوت كان بتاع العربيات التويوتا اليابانى الى بقولو علية انضف حاجة ابو 30 جنية واية الى حصل اتحرق
بص يا سيدى العيب الى عندك دة يا اما شربون عايز يتغير لان الشربون هوة الى مسئول توصيل التيار على (الكوليكتور والروتر )بتاع المارش يعنى المارش لو اتغسل غسلة نضيفة واتغيرلة الشربون هايبقى مية مية
او ممكن يكون البوبينة بتاعتة ضعفت من كتر الشغل وممكن تتنضف و تتعزل حلو وتشتغل تانى
معلش سؤال اخير هوة انت بتصلح عند مين فى اسكندرية

اسمحلى اقول رأى تانى، كتاوت المارش مش بيتركب علشان بيشيل حمل المارش الأساسى (اكثر من 100 امبير) لأن الحمل ده بيشله سلك اللقط الممدود من البطارية للمارش مباشرة، الكتاوت بيركب علشان يشيل حمل اوتوماتيك المارش(السولينويد اللى بيشد البندكس ويقفل دايرة سلك اللقط مع بوبينة المارش) ، اللى بيحصل ان ممكن تكون الملامسات بتاعه كونتاكت السيارة ضعفت ومبقتش قادرة تشد اوتوماتيك المارش، فبيتحط فى سكتها كتاوت يقدر يشيل حمل الأوتوماتيك الذى لا يتعدى امبيرات محدودة، لكن لا الكتاوت يقدر يشيل حمل بوبينة المارش ولا كونتاكت السيارة الأصلى يقدر يشيلها ولا توجد وسيلة لنقلها سوى سلك اللقط، وبالتالى ممكن برضه يكون الكهربائى على حق فى تركيبه لكتاوت يشيل حمل اوتوماتيك المارش وش بيشتغل اخونا ولا حاجة، عموما الايام هى اللى هتبين اذا كان الكتاوت حل العيب وللا لأ

[thegoodhacker]

جزاك الله خيرا يا استاذ sab3awy علي التوضيح ...... وزي ما قلت الايام هي اللي حتحدد ان كلام الكهربائي ده صح ولا غلط ....... و لو طلع غلط حيبقي هو الخسران لان فيه صنايعية غيره كتير