أرجو الرد سريعا هلي يوجد لحام للردياتير الالومنيوم؟

[FASTER]

عندي الردياتير مغيره من سنة الاصلي بتاع العربية وحاليا لاحظت نقص بسيط في المياه رحت لبتاع الدياتيرات قالي في خرم بسيط أوي في الردياتير بس مشكلته أنه الومينيوم ومالوش لحام ونصحني أني أعمل واحد نحاس بس لقيته غالي جدا رأيكوا أيه يا جماعة ممكن يتلحم ولا أيه وخصوصا أنه لسة جديد خسااااااااااااااارة
وشكرا جزيلا

[Nader]

كل انواع الردياتير تقريباً بتتلحم ما عدا الفايبر ودة كمان ممكن يتغير اجزاء منة بدل تغير الردياتير كلة اما الالومينيوم فانا مش متاكد بس انت روح لواحد تاني ولو قال لك مش بيتلحم يبقى روح لواحد بتاع شبابيك الوميتال وهو هيلحمهولك بس بتاع الردياتير يركبهولك في الاخر.

[modux]

في واحد بتاع رادياتير اسمو محمد عبد المقصود

في الشارع اللي جنب الشيخ احمد مكاوي بتاع الاوبل ( محل الاصدقاء )

ادخل الشارع هتلاقيه علي ايدك الشمال

ولد عشرة علي عشرة

روحلو يشفهولك

طبعا انا المكان ده في الحرفيين

[sab3aawy]

لو خرم صغير جدا زى ما قال لك الفنى له حل سريع وعملى وانا مجربه

فيه سائل بيتباع فى محطات البنزين وكارفور وسبينيز إسمه رادياتور ويلد radiator weld (ده اسم السائل وليس ماركته، يعنى هتلاقى فيه ماركات كتير للرادياتور ويلد ده) وفيه منه نوعين مصرى، واحد فى عبوة بلاستك خضراء والتانى فى عبوة بلاستيك سوداء والنوعين كويسين جدا

كل ما هنالك انك نتقص مية الردياتير شوية بس يكون الردياتير دافى ، وترج الزجاجة كويس جدا لأنه فيه مادة عاملة زى اللبان كدة، وتدور العربية وتضيف المادة دى للردياتير واتاكد ان الزجاجة فضيت بالكامل حتى آخر نقطة ، وبعدين كمل الردياتير مية، واديها فرصتها يوم ولا اتنين وهتلاقى الخرم اتسد والمية بقت مش بتنقص، البتاع ده بييجى على الأخرام ويلزق فيها ويتجمد وبيسدها تماما

[FASTER]

شكراااااااااااااااا جزيلا يا رجالة علي الردود المفيدة هاحاول أجرب السائل ده يا أستاذ سبعاوي لأن الموضوع مش مستاهل أني أهد الردياتير