إعـــــــلان

Collapse

.

,
See more
See less

تعديل الشاهين للقضاء علي الحرارة ....!!!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    تعديل الشاهين للقضاء علي الحرارة ....!!!

    وانا في تاكسي شاهين ...(تقريبا موديل 2005 او ما بعدها ) بصيت علي عداد الحرارة وكانت قرايتة علي الـ 90 او بعديها بحاجة بسيطة..
    سالت السواق الحرارة عاملة اية معاك ...والراجل كان عايز يعيط...وقعد يحكيلي علي مشاكل الترموستات وانة بيتحرق لما تجيب واحد علي درجة حرارة اقل من 80 وان المروحة بتشتغل علي طول ودة ايلي بيحرق الترموستات ..
    المهم قالي ان الكهربائي ركبلة كتاوت علي الوصلة بين الترموستات والمروحة .علشان يفصل الحمل من علي المروحة....المهم قالي برضة الحرارة ما بتقلش عن 90 اطلاقا ...وممكن تزيد مع الزحمة ووقت الضهر...

    في نفس اليوم كنت نازل المنصورة في مشوار...المهم الوقت كان الضهر والدنيا حر نار...وزحمة مووت....ركبت برضة تاكسي شاهين ....بابص علي عداد الحرارة ..لاقيتة علي 50 او اعلي حاجة صغيرة قوي....استغربت وافتكرت ان السواق فاصل تابلوة العربية ....
    المهم سالتة نفس السؤال ....قالي كويسة قوي ...يعني 50 او 52....قلتلة ازاي ...انا اعرف ان الشاهين اقلها 90.....قام ضحك وقالي دة قبل التعديل...

    المهم سالتةعن التعديل ....قالي الآتي :
    المروحة الكهربا دي مالهاش لازمة....وبتتغير بمروحة الومنيوم بريش اكتر واخف منها ...
    المروحة بتشتغل مع الموتور وبتبطل مع الموتور.....قلتلة ازي دي !!!؟؟؟
    قالي الطنبورة ايلي علي عمود الكرنك بتتغير ...وبيتعمل منها وصلة للمروحة ...يعني التحميل بيبقي ميكانيكي مش كهربي ....زي نظام سير الدينامو.....
    المهم قالي من يومها العربية حرارتها زي الفل ...وما بتجبش الـ 70 حتي ...

    قلتلة التعديل دة مين ايلي بيعملة ...قالي كل الشاهين ايلي في المنصورة ماشي كدة ...وكلة شغال 100%...

    اية رأيكوا يا جماعه في الحكاية دي ....وهل فعلا مالهاش اي تأثير سلبي....يعني حمل زيادة علي الموتور...
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------
    الكلمات الدلالية (Tags): 20, 2006, 50, 504, اداء, استهلاك البنزين, البنزين, الجديدة, الحرارة, الشاهين, المروحة, الي, بدون, بنزين, بيع, تاكسى, تركيب, تعديل, تكييف, حرارة, زيرو, سير, شارك, شاهين, صور, عايز, عداد, عربية, على, عن, في, كتاوت, كرنك, كل, للقضاء, مشاكل, مع, من, مواتير, موتور, موديل, مين, نار, نيو, هل, هي
  • #2
    بصراحة ياهيرو دى أول مرة أسمع الموضوع ده انا معايا شاهين برضو وفعلا مشكلة الحرارة دى محيرانى وبالذات فالصيف ولو الشوارع كانت زحمة فعلا بتعدى الـ 90 والمروحة بتفضل شغالة برضوا فلو واحد من الخبراء اللى معانا فالمنتدى شايف ان الحل ده كويس انا مستعد أعمله فورا عشان أرتاح من قصة الحرارة نهائى :roll:

    Comment

    • #3
      اللي اعرفة ان مواتير الفيات عامه حرارتها عالية و ان حرارة التشغيل بتاعتها بتبقى 90 درجة

      غير الياباني اللي حرارة تشغيلة منخفضة في حدود ال 68 درجة

      انت ممكن تخفض حرارة الشاهين او اي عربية عن طريق تركيب ثرموستات واطي بتاع ياباني و تركب مروحة على طنبورة الكرنك و ممكن تزود مروحه كهرباء إضافية تركب ورا الشبكة زي بتاعه التكييف كمان بس الفكرة ان موتور الفيات متصمم يشتغل على حرارة تشغيل 90 درجة زي ماقلتنا و لو انت خفضت حرارة التشغل و بردت تبريد اعهلى الموتور مش حايبقى مظبوط وحاتاكل بنزين زيادة و تلاقيها بتقطع و تشرق كتير منك على ما أعتقد و الله أعلم

      Comment

      • #4
        دا كدة عمل زى النظام الموجود فى العربيات البيجو ال 504
        [URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]

        Comment

        • #5
          يا جماعة حد يعرف درجة حرارة التشغيل للالماني كام ؟

          Comment

          • #6
            الحل بتاع المروحة ده حل سهل جدا لكن مهواش اعظم حل فى الدنيا

            يتم تركيب مروحة على طنبورة طرمبة الماء ، او عمل مروحة مثبت على جسم الموتور وربطها بطنبورة الكرنك بسير اضافى لكن

            1- الحل دة بيضيف حمل اضافى على المحرك وبالتالى ياكل بنزين اكتر
            2- حمل المروحة دى بياخد كتير من مجهود الموتور وبيأثر على السحب والسرعة القصوى
            3- صوت المروحة دى بيكون عالى جدا وطول ما السيارة اشية تلاقيها بتقول ووووووووووووو بصوت عالى
            4- برودة السيارة المبالغ فيها تؤدى الى سرعة استهلاك البنزين وعدم كفاءة المحرك

            انا كانت معايا الشاهين لفترة طويلة جدا وبتشتغل شتا وصيف وعلى طول حرارتها على 90 ، هى نظامها كدة وكل الفيات نظامه كدة ، اهم حاجة ان الردياتير يكون نضيف مع استعمال مياه خضراء، اما لو انت مش مكتفى بهذا ففيه حل اشيك بكتير من حل المروحة الصاج بتاع التاكسجيه ده، تشترى مروحة سربنتينة تكييف يابانية، اللى هى النوع اللى بيركب على اى تكييف باستخدام تاى راب (زى اللى بنربط بيه الطاسات)، وركبها على الردياتير من الامام(لأن اتجاه خروج الهواء منها عكس اتجاه مراوح الردياتير) وركب ثرموستات واطى فى الردياتير وخليه يشغل مروحة الردياتير والمروحة الجديدة ، الإتنين مع بعض عن طريق كتاوت ، هتلاقى العربية بقت تلاجة بدون تحميل على المحرك وبدون صوت عالى
            [SIZE=5][COLOR=navy]سبعاوى[/COLOR][/SIZE]
            _______________________________________________

            Comment

            • #7
              تعديل المروحه مع المحرك عملى جدا مع الحراره والى قالك دا سواق تاكسى يعنى عربيه شغاله طول النهار واكيد التعديل دا مفعوله كويس مع حرارة الصيف العاليه وطبعا كلنا عرفين الصيف عندنا باه شكله ايه فالافضل انك تستغنى عن جزئ صغير من قدرة المحرك مقابل انك تحافظ عليها من الحراره العاليه

              Comment

              • #8
                الشاهين طول عمرها هي دي درجة حرارتها - ما أظنش دا في حد ذاته مشكلة جامدة.
                م / محمد حماد
                =========

                بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)

                Comment

                • #9
                  يا جماعة هاقولكو تجربتي
                  انا معايا شاهين 2004 كنت شاريها زيرو وكنت بحس انها من مشاوير بسيطة بتوصل 90 والمروحة بتشتغل وده كان مضايقني
                  المهم عرفت ان التاكسات عاملين حركة حلوة (زي ما قولتو) مروحة تركب على طرنبة المية
                  ومن حوالي 3 سنين رحت لميكانيكي وعمل اللازم بس شال الترموستات وقاللي انه بيعمل مشاكل اما بيصدي ويسد دورة المياه

                  المهم من ساعتها انا ماشي بالنظام ده في الصيف ومع دخول الشتاء بركّب المروحة الاصلية واخلع الجديدة
                  الحرارة في الصيف بتبقى دايا 60 او اقل وتوصل 70 في الحر والزحمة والوقفة آخرها 80
                  طبعا بتحس ان السحب مش اد الطبيعي
                  غير ان العربية طول ما هي اقل من 60 بتفضل عالية وانا ماشي ودي حاجة تضايق

                  ايه رأيكوا في الكلام ده؟ انا بفكّر جديا اركب الترموستات تاني
                  :S_thum1[1]:فتح الشنطة بالريموت بطريقة دراماتيكية!:[COLOR="Blue"]www.nilemotors.net/Nile/392122-a.html[/COLOR]
                  موسوعة الشاهين وأخواتها!:[COLOR="blue"]www.nilemotors.net/Nile/399252-a.html[/COLOR]
                  دليل المواصفات والصيانة للماروتي عربي:[COLOR="blue"]www.nilemotors.net/Nile/98669-800.html[/COLOR]

                  Comment

                  • #10
                    المشاركة الأصلية كتبت بواسطة prsameh
                    انا بفكّر جديا اركب الترموستات تاني
                    ركبه تاني ومتقلقش من الحرارة لما تكون 90 لأن ده طبيعي
                    [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                    [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                    Comment

                    • #11
                      ركبه تاني ومتقلقش من الحرارة لما تكون 90 لأن ده طبيعي
                      +11111111111111111
                      العربيه الشاهين قاعدت معانا 14 سنه و حرارتها على 90 عادى جدا و متلعبش فى حاجه ومتسمعش كلام من بتوع تاكسيات لانهم كتير قوى بيفتوا وعلى فكره درجه الحراره 90 هيه ديه اللى بتديك احسن اداء فى الشاهين
                      sd

                      Comment

                      • #12
                        المشاركة الأصلية كتبت بواسطة yahyanaabil
                        ركبه تاني ومتقلقش من الحرارة لما تكون 90 لأن ده طبيعي
                        +11111111111111111
                        العربيه الشاهين قاعدت معانا 14 سنه و حرارتها على 90 عادى جدا و متلعبش فى حاجه ومتسمعش كلام من بتوع تاكسيات لانهم كتير قوى بيفتوا وعلى فكره درجه الحراره 90 هيه ديه اللى بتديك احسن اداء فى الشاهين
                        +1

                        Comment

                        • #13
                          شكرا يا شباب ع الافادة
                          :S_thum1[1]:فتح الشنطة بالريموت بطريقة دراماتيكية!:[COLOR="Blue"]www.nilemotors.net/Nile/392122-a.html[/COLOR]
                          موسوعة الشاهين وأخواتها!:[COLOR="blue"]www.nilemotors.net/Nile/399252-a.html[/COLOR]
                          دليل المواصفات والصيانة للماروتي عربي:[COLOR="blue"]www.nilemotors.net/Nile/98669-800.html[/COLOR]

                          Comment

                          • #14
                            شكرا لكل من شارك فى هذا الموضوع المفيد جدا
                            [CENTER][sor2]http://www2.0zz0.com/2012/03/20/06/448963560.jpg[/sor2]
                            [FONT=Book Antiqua]TAHOE THE LEGEND[/FONT]
                            [/CENTER]

                            Comment

                            • #15
                              سيب كل حاجة ذى ماهى

                              انا معايا شاهين 2006 اول مجبتها لاحظت ان صوت موتورها عالى وان المروحة شغالة علطول.قرأت الكتالوج لاقيت السرعة الخاملة800 لفة /دقيقة.والترموستات بيفتح على حرارة 92 درجة ويقفل على 87 درجة.حاولت اغيره الكل قالى بلاش.كده هتاكل بنزبن.ودى طبيعة الفيات

                              Comment

                              السابق template التالي
                              Working...
                              X