عايز استشاره فنيه لموضوع الزيت

[khalid_adel]

انا دلوقتي العربيه عندي وصلت ل 70 الف كيلو وبستعمل زيت موبيل وان من الاول
المهم ان عندي في التوكيل بيغيرو الزيت وفلتر الزيت كل 5000 كيلو عشان قال الموتور تقيل وبيستهلك زيت وكلام كده مش فاهمه
المهم روحت محطه شل عشان اقيس اللزوجه قالي فعلا الزيت عايز يتغير واخره امشي بيه 1000 كيلو كمان يعني يبقى عمل كده 6000 كيلو كله
هل فعلا بقى كده كلام التوكيل صح في موضوع الزيت مع ان الكتالوج بيقول غير زيت وفلتر كل 12500 كيلو
وكمان لو كده انا ناوي اغير نوع الزيت سواء شل 7000 واغيرو كل 5000 كيلو اللي تمنه ب 139 مع العلم انه نص تخليقي ( مش عارف كده صح ولا )
ولا شل الترا واغيره برضه كل 5000 كيلو يعني 215 جنيه كل شويه ( مستحرم )
ولا توتال 9000 واغيره كل 5000 كيلو برضه
افيدوني افادكم الله عشان مفروض اغير الزيت خلاص وهل صحيح لازم اجيب فلاش موتور قبل ما احط الزيت الجديد
معلش اسئله كتيره وانا بجد محتار اوي ساعدوني

[PRO-DRIVE]

شوف يا خالد انا زيك بصراحه في الحيره بس انا كنت بستعمل كاسترول و مستريح عليه لاقصي درجه بس للاسف الشديد مش لاقي
كاسترول هنا خالص :x :x :x لما رحت غيرت حطو موبل ون زيك بالظبط بس انا في 25 الف
المهم انا مش مقتنع بيه بصراحه :x :x فأول تغيير زيت حسعمل يا شيل الترا او احاول الاقي كاسترول ( صعب اوي )

بس عموما هما كلامهم صح في التوكيل يعني 7 الاف كيلو علي زيت 10000 حلو اوىىىىى

بس انا برضه متمسك بأمل اني الاقي كاسترول :| :|

[FASTER]

جرب زيت الامارات بيتغير كل 5000 كيلو ممتاااااااااز جدا

[Abdallah]

انسى كاسترول فى مصر يا ريس, لو لقيته هتلاقيه مستورد ويا عالم قعد فى البحر والمخازن قد ايه وهتلاقى سعره معدى جدا, للاسف كاسترول مش حاططنا على خريطته فيه نوع قريب منه شوية اسمه ارال Aral على ما اعتقد, جرب تشوف الموقع اونلاين.

[PRO-DRIVE]

حسب اللي انا فهمته من المواقع دي ان ارال و كاسترول كلهم تبع BP

طيب بقي دلوقتي السؤال في زيت من BP بيقعد 10000 ؟؟

[khalid_adel]

خلاص انا ان شاء الله حاجيب شل الترا مع اني مستحرم اني اغيره عند 5000 دي
يعني افهم من كده بلاش شل النص تخليقي ده ( العبوه الزرقاء ) اللي بيقعد 7000 كيلو ؟؟؟

[أبو_حمزة]

فى BB Visco5000 بيقعد 10000
تلاقيه فى كارجاس

[ymoniem]

جرب اللينك دا للمساعده في اختيار نوع الزيت من شل مع مراعاه ظروف القياده

http://www.shell.com/home/PlainPageServlet?FC=/lubricants/tailored/shell_for_motorists/oils_lubricants/helix_new/app_choose_ga_0312.html