مشكلة السخونة

[EHAB TAHER]

يا جماعة معايا كورولا 92 1300 مانيوال
لاحظت ان العربية بتسخن جوه البلد وبتزيد لما اطلع ع السريع "المؤشر بيوصل النص ودى مش طبيعته من ساعة ما اشتريتها ع الطريق بيبقى تحت خالص وجوه البلد بيطلع للتلت
المهم بصيت ع المية والمروحة كله تمام
روحت للميكانيكى قاللى روح سلك الرادياتير
وفعلا روحت سلكته العربية مشيت 6 شهور زى الفل
وبعد ين رجعت تسخن تانى
روحت للميكنيكى
قاللى كده احسن تغير الرادياتير
ونصحنى بنوع مصرى نحاس غير اللى ف العربية "تفصيل يعنى"
تنصحونى اجيب ايه انا سالت ف التوفيقية لقيت التايوانى والصينى

[lada2010]

هات البستانى حلو وهيمشى معاك لو عايز عنوانة انا تحت امرك

[Samir Elshahawy]

طيب هل المروحة بتلف بعدد لفاتها الطبيعية و لا أقل ؟
و بعدين أكشف علي الثرموستات اللي موجود في كوعة الميه الداخلة علي الردياتير أو علي الكوعة نفسها

حسب ما أعرف أن فيه نظام (by pass) علشان لو العربية باردة يفوت المياه من خارج الردياتير علي الموتور مرة أخري بدون تبريد و لو درجة الحرارة مرتفعة يقفل و يدخل المياه علي الردياتير , اكشف عليه قبل ماتغير الردياتير و شوف عدد لفات المروحة و تأكد من ان الدائرة خالية من الهواء

[tananybasha]

ممكن طلمبة الميه ضعفت و اغسل الردياتير و النحاس مش حلو فى اليابانى عن تجربة خليك فى الألومنيوم بتاعها ان استدعى الامر و شوف بلف الهواء بتاع الماية لو فيها هوا بردوا هتسخن - لو خرطوم منفس هتسخن - لو الغطا مكتوم هتسخن - لو الكهرباء مش كويسه هتسخن - لو المروحة او البطارية او الشحن ضعاف هتسخن - وممكن نقول للصبح اسباب السخونة - و بالمرة بص على الزيتن و اللزوجة بتاعته عامله ايه و قولنا