حكايتي حكايه بعد الحادثه وعاوز رايكم

[boing]

السلام عليكم ورحمة الله وبركاته
ازيكم ياشباب انا بقالي فترة طويله مدخلتش المنتدى لاني كنت مشغول مع العربيه بقالي 5 شهور تقريبا
انا كنت كتبت موضوع في المنتدى وكنت محتاج رايكم فيه زمان بخصوص حادثة كورولا 2006 كنت عملتها
وفيه شباب كتر الف خيرهم اتصلو بيا ووقفو جنبي وادوني معلومات افادتني بصراحه في عملية التصليح لاني قمت بيها برا التوكيل وكلفتني مبلغ كبير لاني اضطريت اجيب كل القطع يابانيه اصليه واستغنيت عن البديل التايواني لان العربيه غاليه عليا شويتين

المهم العربيه الحمد لله خلصت من شهر تقريبا.. بس طبعا لاحظت فيها عيوب كتيره لان طبعا الماكينه طلعت برا وركبت تاني والعفشه والتابلوه الداخلي كل الكلام ده اتحل من العربيه وركب تاني علي ايدي مهره مصريين ههههههه
فبصراحه انا اكتشفت ان الصنايعيه كلهم ما بيفهموش في البطيخ ولا بذرو حتى لاني دخت بيها وحاولت اظبطها من ميكانيكي لتاني علما اني بروح لناس سمعتهم انهم دكاااااااااتره وشغالين على ابوه والله
وكلو طلع كلام والشعب المصري بيمشي ورا الكلام وخلاص وانتم عارفين

بصراحه ياجماعه فيه كم مشكله والله دوختني وهما يظبطوها يوم وترجع لوحدها تاني يوم

انا حبيت اسالكم وهعرفكم المشاكل دي بالتفصيل ومخلي موضوع التوكيل في الاخر لاني صرفت كتير وعارف ان التوكيل هيدفعني تااااااني عشان يظبط الكلام
فقلت اشوف رايكم الاول يمكن تفيدوني وتاخدو فيا ثواب
العربيه كورولا 2006 عامله لدلوقتي 92000كم مانيوال
المشاكل هيا(كتير ياريت اللي يفهم في الميكانيكا يدلني)18 مشكله ظهرت بعد الحادثه ومحدش عارف يظبط الكلام هقولكم على اهمهم باختصار
1-العربيه مش ثابته وتحس انها ماشيه على الاض وكل نقرة او مطب تحس بيها
2_تحس ان الطاره مهويه تحت ايدك ودي بيتهيالي ظبطة اسكاتره
3_رجه في الطاره عند ضغط الفرامل مع ضعف ملحوظ في كفاءة الفرملة
4_ارتفاع صوت النحرك بطريقه ملحوظه عن ما قبل الحادثه
5_رجرجه السيارة واهتزازها ليلا عند تشغيل الانوار والكاسيت
6_عدم استجابة الماكينه لضغط البنزبن المفاجي ع الغيار التاني زمان كانت بتطير ع النقله التانيه هههه
7_اغرب موضوع بقا ان اعادة وانا ماشي قالي الكاسيت طفا وموشرات السرعه والبنزين وقعت واديت اصفار يعني كلهااااا واختفاء طبعا عداد المسافه وترجع بعد ثواني تطلع 3 صفارت وتشتغل تاني كل ده والعربيه ماشيه
8_عومان ملحوظ على الطريق مع اني ظبطت الزوايا ورحت الحرفيين وعملت زرنجيات وظبطت الدنجل وكل الكلام ده عملتو وجبت فردتين كاوتش امماميين جداد وبردو العربيه مهخبوله لسه عالطريق
مستني ردودكم وتفاعلكم معايا عشان انا تعبت والله

وجزاكم الله خيرا
اخوكم د عمرو الشعراوي

[horas3000]

يا باشا اولا حمد الله علي سلامتك
ثانيا انا راي انك تاخدها من قاصرها و روح التوكيل او مركز خدمة معتمد. مهو مش معقول تكون بتشتكي من الصنايعية و عايز تروحلهم تاني و لو كنت رحت للتوكيل من الاول كنت وفرت او علي الاقل كنت هتاخد ضمان علي الشغل بس قدر الله و ما شاء فعل . توكل علي الله و روحلهم و عوضك علي الله

[faroukahafeez]

انا رأى كده بردوة أطلع على التوكيل الأول شوف الكلام ده ممكن يكلف كام

[SAMEH_FOUAD]

طيب بس انا عايز اقولك العيوب اللى عندك دية سببها اية واللى انا نتاكد منة هو بس اللى هاقولة:
1:رجة فى الطارة مع الفرملة:سببها الطنابير الامامية لازم تتغير هية وتيل الفرامل
2:كل نقرة بتحس بيها :شوف القواعد كويس قوى وراجع على الكبالن الداخلية كويس وطبعا اتاكد من المساعدين والسوست والبارات علبة الدركسيون
3:ارتفاع صوت المحرك: اكشف على الاسطوانة والديسك
4:رجرجة السيارة وموضوع الانوار :اللى ركبلك ضفيرة العربية ركبها غلط حاول تراجع عليها ويستحسن تعملها فى التوكيل دية بالذات
5:عوامان على الطريق :يبقى انت كدة عندك عجلة مفتوحة او مقفولة وبردة اتاكد من المقصات سواء امامية او خلفية
بس على فكرة انا واحد صاحبى مان معاة تويوتا ستارلت واتقلبت فى النفق والعربية قولنا مش نافعة والحمد لله رجعت زى الاول وبردة كل حاجة اترفعت من العربية حتى الماتور والكراسى وكل حاجة ورجعت زى الاول ,انت بس ممكن تكون وديتها عند ناس مش محترفين عامة ربنا يعوض عليك وبردة اعرضها على التوكيل شوف هايقولك اية بس التوكيل غالى جدا جدا وممكن تدفع فية اكتر من الى انت دفعتة بس روحلهم حتى خليهم يعملولك ضفيرة العربية لان دية اهم حاجة عشان تظبطلك العربية واى حاجة تانية ان شاء اله تتحل وحمد لله على سلامتك اهم حاجة من اى عربية فى الدنيا وربنا ان شاء الله يسهلها وترجع زى الاول واحسن بس انت اتاكدت انت بتوديها لميين

[boing]

يعين موضوع الرجرجه بتاعت العربيه وهيا واقفه وتشغل النور العالي تلاقي الكهربا بترجرج جاااااااااامد العربيه ممكن يكون من الظفيرة؟؟؟
بس هعرفك حاجه الموضع ده م نقبل الحادثه بالامانه وقبل مالظفيرة تتحل بس انا قلت المشكله دي مع اخواتها بالجمله وخلاص
علفكرة البطاريه بتاعت العربيه بقالها 3 سنين ونص وداخله على 4 سنين ما غيرتهاش هل ليها علاقة بالموضوع ده
ولو سمحتم حد يديني رقم توكيل تويوتا العباسيه او رقم تويوتا ابورواش

[otefa]

طيب بس انا عايز اقولك العيوب اللى عندك دية سببها اية واللى انا نتاكد منة هو بس اللى هاقولة:
1:رجة فى الطارة مع الفرملة:سببها الطنابير الامامية لازم تتغير هية وتيل الفرامل
2:كل نقرة بتحس بيها :شوف القواعد كويس قوى وراجع على الكبالن الداخلية كويس وطبعا اتاكد من المساعدين والسوست والبارات علبة الدركسيون
3:ارتفاع صوت المحرك: اكشف على الاسطوانة والديسك
4:رجرجة السيارة وموضوع الانوار :اللى ركبلك ضفيرة العربية ركبها غلط حاول تراجع عليها ويستحسن تعملها فى التوكيل دية بالذات
5:عوامان على الطريق :يبقى انت كدة عندك عجلة مفتوحة او مقفولة وبردة اتاكد من المقصات سواء امامية او خلفية
بس على فكرة انا واحد صاحبى مان معاة تويوتا ستارلت واتقلبت فى النفق والعربية قولنا مش نافعة والحمد لله رجعت زى الاول وبردة كل حاجة اترفعت من العربية حتى الماتور والكراسى وكل حاجة ورجعت زى الاول ,انت بس ممكن تكون وديتها عند ناس مش محترفين عامة ربنا يعوض عليك وبردة اعرضها على التوكيل شوف هايقولك اية بس التوكيل غالى جدا جدا وممكن تدفع فية اكتر من الى انت دفعتة بس روحلهم حتى خليهم يعملولك ضفيرة العربية لان دية اهم حاجة عشان تظبطلك العربية واى حاجة تانية ان شاء اله تتحل وحمد لله على سلامتك اهم حاجة من اى عربية فى الدنيا وربنا ان شاء الله يسهلها وترجع زى الاول واحسن بس انت اتاكدت انت بتوديها لميين

+111111111

[sha2e]

يعين موضوع الرجرجه بتاعت العربيه وهيا واقفه وتشغل النور العالي تلاقي الكهربا بترجرج جاااااااااامد العربيه ممكن يكون من الظفيرة؟؟؟
بس هعرفك حاجه الموضع ده م نقبل الحادثه بالامانه وقبل مالظفيرة تتحل بس انا قلت المشكله دي مع اخواتها بالجمله وخلاص
علفكرة البطاريه بتاعت العربيه بقالها 3 سنين ونص وداخله على 4 سنين ما غيرتهاش هل ليها علاقة بالموضوع ده

البطارية مهمتها الوحيدة انها تدور العربيه بس فى الاول
بعد كده العربية بتستمد الكهرباء من الدينامو مش من البطاريه