عداد السرعة مأخر 20 كيلو

[pro_samir]

سلام عليكم

العربية تويوتا ستارليت 91

المشكلة ان عداد السرعة مأخر فى القراية 20 كيلو

بمعنى ان لو ماشى على 100 العداد بيكون على 80 فقط

يا ترى المشكلة دى من اية ؟

مش عارف لسة العداد كهربا ولا واير لأن لسة جايب العربية انهاردة ، بس مفتكرش الواير ممكن يلخبط كدة

[Fadi Ezzat]

طيب هو مركبلها جنوط كام بوصة ؟؟؟؟؟؟

[Maged_Samy]

كان عندى نفس المشكلة وكان برضه مأخر 20 ك بالظبط ، فكيت المؤشر وركبته تانى وخليته يبدأ من تحت الصفر عشان يدينى قرايه مظبوطة .

[pro_samir]

طيب هو مركبلها جنوط كام بوصة ؟؟؟؟؟؟

كنت ناسى موضوع الجنط دة خالص بس مفتكرش منة لأنة مش كبير
، مش فاكر والله المقاس كام بالظبط بس تقريبا كان 175-70-13
هبص علية تانى اتأكد ان شاء الله

[pro_samir]

كان عندى نفس المشكلة وكان برضه مأخر 20 ك بالظبط ، فكيت المؤشر وركبته تانى وخليته يبدأ من تحت الصفر عشان يدينى قرايه مظبوطة .

من تحت الصفر المفروض هيأخر أكتر لأنة اساسا مأخر 20 مش مقدم 20
بس دى مش مشكلة مؤشر لأنة طالما وانت واقف بيكون على الصفر يبقى بدايتة صح ،، ولا قصدك خليتة على 20 والعربية واقفة ؟

[tananybasha]

طيب انا عندى مقدم 10 كيلو

[SAMEH_FOUAD]

محدش يلعب فى عداد العربية بالذات لانة بيتاثر باى لمسة وممكن تكلفكوا تمن عداد تانى العيب كلة هيبقى من الكاوتش هو اللى هيديك قرايات غلط

[DELL]

بص يا باشا هو لو انت مركب جنوط عريضة هتفرق في العداد يعني لو جنط العربية 13 وحضرتك مركب جنط 14 العداد هياخر 10 ك وكل ما يبقي الجنط اعرض بيفرق في العداد ولو الجنك نفس المقاس يبقي تروح لبتاع العدادات وهو هيفك العداد و يقيسة خارج العربية علي الشنيور وتعرف العيب من العداد ولا من العربية