الموتور مفوت

[dr_abooody]

السلام عليكم

معايا 128 مو 85

الموتور سحبة كويس و الفتيس ممتاز دة اول حاجة

الفايظ اللي من قدام بيطلع دخنة بيضا جامدة بس الشكمان ممتاز و مفيش اي دخان

الموتور صوتة مش اللي هو كدا هادي لكن تحس ان النخمة بتاعتة تك تك تك زي العربيات القديمة كدا مع ان صوتها مكنش كدا خالص و كانت هادية و مش بسمعة

الدوارة الصبح طبعا بتطلع عيني و حتى لما تكون سخنة بردة بتاخد وقت عشان تدور مع اني مغيلر طقم الكهربا كلة و المارش سليم و الدينامو كلو شغال

استهلاك البنزين عالي شوية ال 25 ليتر بيعملوا 200 كيلو

الموتور بينزل زيت من كل حتة و غطا التيكيهات بيسرب بسبب ضغط الهوا الشديد اللي جي من الموتور


هل دة اعراض طقم شنبر مع العلم ان العربية عاملة 98 الف كيلو مش عارف شكلها اول مرة تصفر العداد عشان طول عمرها مرفوعة و مش بتمشي خالص و معانا من سنة 90 و هي موديل 85

بس روحت لميكانيكي قالي انها طقم شنبر بس قالي انه هيفتح و يشوف اية اللي عايز يتغير و يقولي التكلفة هتكون كام


اللي انا خايف منة ان العربية كويسة و مش بتسخن خالص

خايف ان حد يلعب فيها تبوظ و تسخن

هل دوران العربية انها بتاخد وقت حتى و هي سخنة دة من اعراض تلف طقم الشنبر ؟؟؟؟

انا عايز اعرف اية تعليقاتكم عن الموضوع و اية اللي اخلي بالي منة كويس في الموضوع دة

شكراااا

[samirayad]

طيب ماتعمل أختبار كبس للموتور وتريح نفسك .....وأنت حتعرف حالة الشنابر والصبابات من طريقة أختبار الكبس...........وياترى العربيه بتاكل زيت ولا لا ......ولما بتفتح غطاء التاكيهات بتحس بنفخ جامد من عند غطاء تغيير الزيت

[dr_abooody]

بتنفخ جامد و بتطلع زيت جامد و ممكن بخار كمان

و بتاكل زيت كتير و بنقط زيت كمان

[samirayad]

طيب بتلاحظ عادم كتير بيخرج من مقاس الزيت .....ومن خط الفايظ مختلط ببخار زيت

[dr_abooody]

كتبر جدااا و لدرجة ان العربية و الكبوت اتملت زيت بسبب البخار دة

[samirayad]

خلاص الحق وأعمل طقم شنبر وروديه ...........حفاظا على تفاقم الحاله والموتور......................