تحديد سرعه

[Dr_Mido]

السلام عليكم ورحمه الله

انا اديت عربيتى ال 128 لاختى الصغيرة تروح بيها الجامعه
السؤال انا عايز العربيه دى لو مشيت على الحيطه حتى سرعتها لاتتجاوز ال 90 اعمل فيها ايه

[samirayad]

هو التحكم فى سرعة السيارات الكربوراتير .....بيتم من خلال فتحة باب الكربوراتير ......والحل للتحكم فى السرعه بيكون من خلال قدم السائق ......أو تحاول من التفكير فى وسيله يمكنك بها تقليل مشوار الحركه الزاويه للباب ......بتزويد قوة مقاومة سوستة باب الكربوراتير مثلا .....بحيث تيجىء عند حركه زاويه معينه أثناء الضغط على الأكسراتير ومتقدرش تشد سوستة الباب عن الوضع ده ......وممكن تجربة تزويد طول واير الأكسراتير بتغييره لواحد أطول بحيث عندما تيجىء الدواسه على الأرضيه يكون باب الكربوراتير لم يصل الى الوضع المحورى تماما ..................بس غريبه أوى ( طيب وليه كده )

[Dr_Mido]

علشان متجريش بيها خاص لانها مبتعرفش تسوق كويس و العربيه دى معايا من فوق ال 100 غير مضمونه التحكم فمبالك باللى بتتعلم جديد

[samirayad]

ممكن تحاول برضه تغيير الكاوتش لكاوتش أعرض .....ده حيقلل السرعه الى حد ما .....بدل موضوع اللعب فى المكنه ......وبرضه بخبرتك كأخ أكبر تعرفها مخاطر السرعه وبالذات وهى لسه تعليم جديد فى السواقه

[نور العمر]

طب أنا عندي فردة كاوتش عريضة ورا ... بتاعة 128 وركبتها لإني ملقتش غيرها ساعتها .. ده يأثر على أداء العربية

[aymansaad]

ممكن تعمل قاعدة تحت دواسة البنزين او تعمل مسمار تحت الدواسة يمكن انه يتحكم فى مدى الضغط على الدواسة وده طبعا تحت اشراف ميكانيكى

[otefa]

السلام عليكم ورحمه الله

السؤال انا عايز العربيه دى لو مشيت على الحيطه حتى سرعتها لاتتجاوز ال 90 اعمل فيها ايه

في حل من اثنين
- تظبط سلك الاكساليتير من عند الكربريتير في ريجلاش ليه بحيث يفتح بوابة الكربيراتير 3/4 تقريبا ومتهيئلي ها تلاقي طول في السلك الاصلي من غير ما تحتاج تعديل
-طريقة ثانية كان بيعملها الجماعة الي بياجروا عربيات وهي بيجي علي الاسبرلتير وياخر كهربة العربية شوية فتتقل في السحبة والسرعة النهائية بتقل
او تعمل الاثنين مع بعض تديلك نتيجة احسن

[samirayad]

طب أنا عندي فردة كاوتش عريضة ورا ... بتاعة 128 وركبتها لإني ملقتش غيرها ساعتها .. ده يأثر على أداء العربية

هو طبعا مش صح أن يكون فيه أختلاف فى عرض فرد الكاوتش ......لأن ده بعملل خلل فى توزيع الأحمال خفيف بتاعة العربيه على الفرد الأربعه .....وبيبان برضه أثر الخلل وقت أستعمال الفرامل ....وممكن تحصل غربله خفيفه مع السرعه لأن تلامس الأربع فرد مع الطريق مش زى بعضه ................

_ ولكن لاداعى للقلق .......وملوش لزمه التغيير طالما ماشيه .....على ماتغيرى العربيه أن شاء الله قريبا..........وأهى ماشيه وخلاص وبلاش تكاليف طالما ماشيه -[gdwl] وبرضه ممكن تخللى الفرده دى الأستبن .....وتركبى الأستبن مكانها لو كان نفس أبعاد الفرد التلاته التانيه............[/gdwl]

[نور العمر]

شكرأ .. لحضرتك .. بس هو الاستبن في سلك مقطوع ... مش عارفة يعني إيه ... بس ما ينفعش غير استبن

[samirayad]

لا ماهو كده مش صح ................حاولى بقه تجيبى فردتين كاوتش (واحده للأستبن وواحده بدل العريضه )..... وركبيهم قدام وخللى اللى قدام وراء .....وحتخللى الفرده الرفيعه اللى وراء هى الأستبن وبكده كل الكاوتش حيبقى تمام .............لأن الكاوتش أهم حاجه فى العربيه فعلا

[mrghost]

لا ماهو كده مش صح ................حاولى بقه تجيبى فردتين كاوتش (واحده للأستبن وواحده بدل العريضه )..... وركبيهم قدام وخللى اللى قدام وراء .....وحتخللى الفرده الرفيعه اللى وراء هى الأستبن وبكده كل الكاوتش حيبقى تمام .............لأن الكاوتش أهم حاجه فى العربيه فعلا

+11111111111111111

[ameersaeed]

السلام عليكم

في السيارات القديمة وعلى نظام الكربريتر
كان يأتي من الوكالة تحت دواسة الوقود -برغي-مسمار ملولب
يمكن لفه للأسفل أو الأعلى ويمكن نزعه
كان هدفه الحد من سرعة السيارة..

وفي السيارات الحديثة أصبح يمكن التحكم بذلك من خلال الجهاز الإلكتروني للتحكم بأدء المحرك
من خلال التحكم بتوقيت وكمية تدفق الوقود للمحرك..
بعض السيارات ممكن تصل إلى سرعة 350 كم في الساعة
ويتم تحديد سرعتها إلى 180 أو 200 أو 250 كم في الساعة
حفاظا على المصلحة العامة ..للسائق والناس والمجتمع
يمكن عمل مسألة المسمار تحت دواسة الوقود
أو التحكم في مسمار شد سلك دواسة الوقود والموجود في عندالكربريتر أو فتحة دخول الهواء للإنجكتر بحسب تصميم السيارة
لكن يجب الملاحظة إلى أمر هام..
هو أننا نحتاج أثناء إقلاع السيارة من الفتحات الفرعية إلى الطرق الرئيسية إلى قوة وتسارع للسيارة
كيلا تصدمنا السيارة السريعة القادمة..
ونحن ندعس دواسة الوقود كاملة لأجل هذا التسارع عند مثل هذا الإقلاع أو عند ضرورة التجاوز
فإذا كان هذا الإجراء الذي تطلبه ..وكما نصحناك ..يؤدي ‘إلى عدم تحقيق تسارع مقبول للسيارة عند هذه الضرورات
فسنكون نحن أمام خطر حقيقي..
لأن المتجاوز أو الداخل من شارع فرعي إلى رئيسي يعتبر مسؤولا عن ذلك
والناس يفترضون أن السيارات التي تعمل مثل ذلك تكون مقبولة الأداء
بحيث أن الإنسان القادم بسيارته من شارع رئيسي ومسرع ..إما أن يمسك فرملة خفيفة لتخفيف سرعته
أو أنه لا يحتاج لذلك لأن المسافة لا تستدعي ذلك
لكن لو كانت السيارة بطيئة الإقلاع فقد يتفاجأ الشخص الآخر القادم في شارعه مسرعا
وقد يمسك بريك قوي..ويسقط قلبه أو يقف من الصدمة..
وقد لا ينفع البريك فيحصل اصطدام ..هذا الحادث قد يؤدي إلى نتائج مخيفة..في الأرواح والممتلكات
لذلك يا أخي
البريك أو الفرامل الحقيقية التي أنصحك بها..هي فرامل العقل والثقة والأمانة ورقابة الله
وأختك يفترض بها حسن العقل والإدراك..
فانصحها وأمرها بأن لا تتجاوز سرعة التسعين 90
وبإذن الله هي تطيعك وتسمع كلامك..
فإن كنت متيقنا أنها لن تسمع أو أن وسواس النفس والشيطان قد يغريها فلا تعطيها السيارة
فكر بالأمر جيدا..
واختر الحل الأفضل والأنسب
والله يوفقك ويرعاك