مفيش نقطة زيت فى الموتور

[Pharaoh]

ازيكم يا جماعه

انا عربيتى لانسر 98

انا عندى مشكله طلعتلى ع الصبح كدة

امبارح رحت الشغل بالعربيه بعد ما كانت مركونه اسبوع كدة وبروح بيها مشاوير صغيرة

المهم رحت عادى و رجعت تقريبا 60 كم

وانا راجع حسيت بالسحب اقل من وانا رايح وكنت ساعات بحس ان صوت الموتور عالى شويه

المهم رجعت بردة عادى و الصبح وانا نازل قلت اشوف الزيت (على غير عوايدى) لانى بشوفه مرة كل اسبوع او 10 ايام كدة

المفاجاة كانت ان مفيش نقطة زيت فى الموتور ولا حتى اقل علامة و اتاكدت تانى
بصيت من تحت لقيت الترشيح بس بصراحة معرفتش منين

طبعا كان ستر ربنا انى قلت الاحظ انهاردة

المهم عشان مطولش عليكو
انى مغير الزيت من شهلا مثلا موبيل xhp
وكنت مغير جوان الكرتيرة بتاعة الزيت

بس مرة رحت لهمام الميكانيى بتاع صقر و قالى ان دى مش بيركبلها جوان و الكرتيرة بتتعمل ب بلاك عشان متسربش لان كان فيها تسريب بسيط

تفتكروا العيب منين و دى ممكن تكون اثرت عليا العربيه فى اية؟


معلومة
لما جيت الدور الصبح حطيت تقريبا ربع كيلو كان فاضل معايا و استنيت 5 دقايق و زودت بنزين حسيت كان العربيه هتفصل
زى بالظبط لما تزودلها و هى لسة باردة

مستنى ردودكم

[Ashraf_Ashraf]

العيب فى تركيب الجوان اكيد لانه عمل فرق بين الكارتير والبلوك والحمد الله انك اخدت بالك
بس انت حاسس ان صوت الموتور اخشن او فى خبط
لو سامع حاجه زى كده الافضل تركح تكشف عليها وانشاء الله سليمه

[Pharaoh]

معلومه كمان ان العربيه مسخنتش امبارح مع ان الجو كان حر جدا بس مؤشر الحرارة كان فى النص زى ما هو

واخر حاجة كمان
ان لمبة الزيت منورتش امبارح و حتى الصبح لما خت بالى بردة مكنتش منورة

[Ashraf_Ashraf]

طيب دا مؤشر كويس جدا انه محصلش شئ
عموما انت محتاج تراجع على ظبط العربيه

[samirayad]

يجب أولا غسيل المكنه كويس .....وضبط منسوب الزيت .....وتشغيل المحرك مع المراقبه المستمره لتحديد مكان التسريب بالضبط ( فقد يكون من جوان الكرتير ......أو من حول الفلتر أو من طبة الزيت أو من سيلات الكرنك مثلا )............أو تحاول حاليا التعرف على مكان التسريب بالكشف الظاهرى (من أعلى وأسفل المحرك ).............

[Pharaoh]

يجب أولا غسيل المكنه كويس .....وضبط منسوب الزيت .....وتشغيل المحرك مع المراقبه المستمره لتحديد مكان التسريب بالضبط ( فقد يكون من جوان الكرتير ......أو من حول الفلتر أو من طبة الزيت أو من سيلات الكرنك مثلا )............أو تحاول حاليا التعرف على مكان التسريب بالكشف الظاهرى (من أعلى وأسفل المحرك ).............

الف شكر يا بشمهندس

بس سؤال
يعنى ليه لمبه الزيت متنورش مع ان مفيش زيت فى الموتور

وهل دة ممكن يكون ليه علاقة بطنبورة الكرنك

حضرتك فاكر الموضوع دة انا حطيته هنا من فترة


وفى فترة تجريب زى دى تفتكر احط زيت نوعه اية؟؟؟

[samirayad]

وانا راجع حسيت بالسحب اقل من وانا رايح وكنت ساعات بحس ان صوت الموتور عالى شويه

طيب جاوبنى حضرتك على السؤال ده .........التاكيهات عندك من النوع الميكانيكى ولا هيدروليك (نظام كستبانات بزيت المكنه )

معلومة
لما جيت الدور الصبح حطيت تقريبا ربع كيلو كان فاضل معايا و استنيت 5 دقايق و زودت بنزين حسيت كان العربيه هتفصل
زى بالظبط لما تزودلها و هى لسة باردة

مش عارف ليه ....أنت بتقول مفيش نقطة زيت على المقاس .....وحطيت بس ربع كيلو زيت وحاولت تدور .............طبعا ده غلط ...........والمفروض تحط زيت كامل وتشوف المقاس الأول قبل ماتدور

بس سؤال
يعنى ليه لمبه الزيت متنورش مع ان مفيش زيت فى الموتور

ممكن تكون كانت مستوره لحد مابطلت ومع الركنه الزيت نزل من جوان الكرتير أو من الطبه مثلا أو من حول الفلتر وأنت على وشك تبطيل المكنه ............وكده يبقى التسريب الكامل حصل وأنت واقف ومبطل ..............وده فضل من الله

وهل دة ممكن يكون ليه علاقة بطنبورة الكرنك

حضرتك فاكر الموضوع دة انا حطيته هنا من فترة

ياريت تفكرنى بيه وتحوله فى نفس الموضوع ..........يمكن يكون ليه علاقه ....والزيت نزل من سيل كرنك مثلا ...........وده حيبان مع الموضوع ( آه أفتكرت ......اللى كنا أتكلمنا فيه عن موضوع خابور الكرنك وأثره على الرفه اللى فى الطنبوره ) ........كده بقه أنصحك تكشف تحت حافظة غطاء سير الكاتينه (لأن ممكن يكون السيل باظ مع الرفه بتاعة الطنبوره ) ولو كان كده حتلاقى الحافظه من تحت غرقانه زيت ..............تمام كده

وفى فترة تجريب زى دى تفتكر احط زيت نوعه اية؟؟؟

مش مهم زيت أيه دلوقتى .........عاوزين نعرف السبب الأول .........ومتحركش العربيه نهائى الا بعد معرفة السبب وعلاجه .........لو حكمت هات ميكانيكى عندك يشوف الوضع معاك

[samirayad]

أنا جبت الموضوع معانا أهو ......................http://www.nilemotors.net/showthread.php?t=75734

[Pharaoh]

بس للعلم مفيش بقعة زيت تحت العربيه
انا هتجنن

[samirayad]

طيب فضى شوية الزيت اللى فى المكنه دلوقتى( الربع لتر ).............ومون زيت عادى ( رخيص شويه للتجربه ) وظبط المقاس وخليه حتى فوق الmax حاجه بسيطه (ا سم مثلا )....علشان نشوف التسريب منين وانت واقف ودور .....وخللى حد معاك يراقب لمبة الزيت وبعد شويه بطل وبص تحت العربيه كويس ......وممكن تنزل تحتها .....وتشوف مكان التسريب منين بالظبط وقولى................ولو ان لو كشفت كويس على جسم المكنه من تحت بالذات....حيكون فيه برضه أثر للزيت اللى تسرب

[Pharaoh]

الاويل سيل بتاع الكرنك طلع هو اللى بيسرب
ومكنش بيسرب غير وهى دايرة و لما تزود بنزين جامد
غير كدة مش متلاحظ

ولنا فكيت الاويل سيل طلع حتت منه متاكله نتيجة الرفة القديمة كانت عامله شفة فى طلمبة الزيت

الراجل ساواها وركببه كويس و هنلاحظ

متشكر جدا على المساعدة القيمة

[ابو حسين]

يجب أولا غسيل المكنه كويس .....وضبط منسوب الزيت .....وتشغيل المحرك مع المراقبه المستمره لتحديد مكان التسريب بالضبط ( فقد يكون من جوان الكرتير ......أو من حول الفلتر أو من طبة الزيت أو من سيلات الكرنك مثلا )............أو تحاول حاليا التعرف على مكان التسريب بالكشف الظاهرى (من أعلى وأسفل المحرك ).............

مشكوووووور والله

[samirayad]

الاويل سيل بتاع الكرنك طلع هو اللى بيسرب
ومكنش بيسرب غير وهى دايرة و لما تزود بنزين جامد
غير كدة مش متلاحظ

ولنا فكيت الاويل سيل طلع حتت منه متاكله نتيجة الرفة القديمة كانت عامله شفة فى طلمبة الزيت

الراجل ساواها وركببه كويس و هنلاحظ

متشكر جدا على المساعدة القيمة

:b4_388:

ألف مبروك لوصولك للعيب ............وحاول بقه تتخلص من عيب الرفه برضه لو كان موجود لسه .......لأنه للأسف ممكن يعملها تانى ويبوظ السيل وتحصل نفس المشكله تانى ..................وطبعا أنا بأدعو الله أن يفرحك كمان وكمان ....ويهيىء لك ولجميع الزملاء كل الخير ...............

مشكوووووور والله

الله يخليك يا أحمد باشا