إزاى العربية تترفع؟

[hanyeltonsy]

معايا افيو 2009 وعايز أرفعها عشان مسافر لمدة سنة على الأقل.
ممكن حد يقولى على الحاجات اللى لازم أعملها قبل ما أرفع العربية.

[samirayad]

http://www.nilemotors.net/Nile/showthread.php?t=78001 وطبعا لايفوتنى أن أقول لك تروح وتيجى بالسلامه أن شاء الله .............

[SAMEH_FOUAD]

تروح وترجع بالسلامة ان شاء الله

[nada12]

انا باسافر من 9 سنين معايا ريجاتا وفيه طريقة احدتها من كتاب صيانة وهى تفك البوجيهات وترش داخل مكان فتحاتهم شوية زيت موتور يعنى بالمزيتة تضغط مرتين بس داخل كل فتحة بعدين تركب البوجيهات تانى وتفصل سلك البوبينة او عندك تخلى المارش يلف والموتور لا يدور لمدة 3 ثوانى تقريبا بكدة الزيت اللى رشيته يتوزع على الداخل ولايحصل صداء داخل غرفة االاحتراق ولما ترجع بالسلامة دور عادى هتدور ومافيش اى مشاكل وسيب ماء الرادياتير عادى وياريت يكون ماء مقطر وارفع العربية على خشب اوحجر بحيث الكاوتش يكون منفوح عادى ولا يلامس الارض وافصل البطارية ولو هية جافة هاتدور حتى لو بعد سنة وترجع بالف سلامة وادعيلى احوك د.علاء

[hanyeltonsy]

الف شكر يا باشا

[yahyaelsirafy]

احب اضيف للأخ صاحب الريجاتا....
كلامك صحيح 100% ... بس انا كنت بعمل حاجة تانية في ال 132 .... كنت بفتح العمه و اصب زيت في الكاربيراتير و العربية دايرة لحد ما يطلع من الشكمان .... و اطفي العربية على كدة .... و كنت لما برجع في اي وقت بدورها كأني طافيها امبارح...
لكن بالنسبة للانجيكشن متهيألي موضوع فك البوجيهات ده افضل...
شكرا على الافادة...