صوت عالى مع الشد

[Pharaoh]

ازيكم يا جماعه

انا عندى صوت صغير كدة ملاحظو بس مش عارف من اية
والميكانيكى قال كلام مأقنعنيش

المهم
انا عربيتى لانسر 98 مانيوال

من اسبوع كدة ظبطت التاكيهات و الكهربا وغيرت اويل سيل كرنك

وانا ماشى بشد على الغيار التانى و التالت لما الغيار يجيب اخرة بسمع صوت فى الموتور كانه بينعر و كان فى حاجة بتلف على الفاضى بس مش نفس صوت الحرق ع الغيار العادى

ع التانى لما بجيب 45 و التالت عند 70
انا عارف انه مش المفروض احرق كتير ع الغيار بس الصوت دة مش طبيعى بردة و هى مكنتش كدة الاول

انهاردة بقيت احس ان الرابع و الخامس بدأوا يعملو نفس الصوت بس مش بالظبط


الميكانيى قالى متشدش ع الغيار لان دة ممكن تكون بدايات اسطوانه بس انا مش مطمن للصوت بردة


العربيه سحبها ممتاز و مش بترعش

يا ترى ممكن يكون اية السبب

[SAMEH_FOUAD]

روح اظبط التاكيهات كويس

[aYaBooY]

طيب لو اسطوانة ده معناه انها المفروض متعملش الصوت ده لو قرصت على الموتور و انت ممور يبقي جرب و قولنا
التكيهات على اد ما ظبطها يبان سهل خالص على اد ما هيا عملية فعلا صعبة جدا لو فيها اي حاجة مش مظبوطة برده تبرجل الدنيا
لو الباشا بعد ما غير اويلسيه الكرنك مظبطش الكاتينة كويس او لو فرقت منه حاجة بسيطة ممكن تعمل اعراض شبه ديه

[Ashraf_Ashraf]

اعتقد دا عيب تظبيط تاكيهات ومقفوله ياريت تراجع عليها

[samirayad]

المهم
انا عربيتى لانسر 98 مانيوال

من اسبوع كدة ظبطت التاكيهات و الكهربا وغيرت اويل سيل كرنك

روح للميكانيكى تانى وخليه يظبط التاكيهات مره تانيه .....لأنه شكله كده فتح التاكيهات شويه

[Pharaoh]

معلومة ممكن تفرق فى تقييم المشكله

لما بزود وانا ممور مبتعملش الصوت دة

دة ياكد انها اسطوانه؟ ولا تاكيهات

[Pharaoh]

معلومة ممكن تفرق فى تقييم المشكله

لما بزود وانا ممور مبتعملش الصوت دة

دة ياكد انها اسطوانه؟ ولا تاكيهات

لانها طبعا بتلف ع الفاضى

لكن هناك بحس ان الموتور مشحر وكانه المفروض صوته يعلى بسبب عدد اللفات لكن الصوت مختلف

[SAMEH_FOUAD]

اتاكد من ظبط التاكيهات لو اسطوانة مالهاش دعوة خالص باللى انت بتقولة دة ,ولو عايز تتاكد جرب العربية فى المطالع

[samirayad]

معلومة ممكن تفرق فى تقييم المشكله

لما بزود وانا ممور مبتعملش الصوت دة

يبقى المكنه حملها على الفاضى كويس وتمام

دة ياكد انها اسطوانه؟ ولا تاكيهات

لانها طبعا بتلف ع الفاضى

طيب وليه أنت بتقلق نفسك على الرغم أنك قولت الكلام ده

العربيه سحبها ممتاز و مش بترعش

يبقى نعمل أيه .............نسيبها على الله .....اللى أن نشوف سبب الكلام ده

لكن هناك بحس ان الموتور مشحر وكانه المفروض صوته يعلى بسبب عدد اللفات لكن الصوت مختلف

يعنى كده يبقى السبب مع تحميل المكنه والتاكيهات قافله زياده عن الازم بتبقى مشحره ....ومش ملاحقه فى الفتح والقفل (علشان الثغره بتاعة التاكيه ضيقه جدا مثلا ) وبكده مش ملاحقه على طلوع وخروج الشحنه سواء العادم اللى خارج أو الشحنه النضيفه اللى داخله تتحرق فى الغرف..........فكده ممكن تشحر ....يبقى نظبط التاكيهات الأول ونفتحها شويه برضه.........زى مايكون واحد عمال يأكل بسرعه .....ومش مدى لنفسه فرصه أنه يمضغ الأكل كويس .......تفتكر أيه اللى ممكن يحصله..............!!!!!!!!!!!:: حيزور ويشحر طبعا.............هههههههههههه

[SAMEH_FOUAD]

كلام جميل جدا يا بشمهندس سمير ,هو مقتنع ان السبب اسطوانة وديسك
وماتسمعش كلام الميكانيكى لانة هو تقريبا اللى عاملك التاكيهات يبقى مش هيطلع نفسة غلطان ويقولك معلش اصلى ظبطهالك غلط

[Pharaoh]

الف شكر يا بشمهندس سمير

على فكرة
انا اى حاجة بيقولها البشمهندس بقتنع بيها بس انا بحاول اقوم بدور الميكانيكى عشان اعرف ارد عليه ازاى


انا عندى سؤال صغير

هى لو التاكيهات مقفوله شويه دة حمل على الموتور؟ علما بانى ممكن اظبط الغيارات بتاعتى عشان مسمعش الصوت دة
لانى بجيب بالتانى 40 من غير صوت و التالت 60 من غير صوت

انا بقول كدة ليه
لانى لاحظت بعد ظبط التاكيهات ان استهلاك البنزين اتظبط معايا

قبل التاكيهات كانت الصفيحة بتعمل 170 180
الاسبوع دة الصفيحة عملت 220

فلو دة حمل ع الموتور اقوله يفتحها شويه (مع انى خايف يبوظها بردة)
لو مش حمل وانا مش هقرص اوى ع الغيار يبقى نخليها احسن اهى موفرة معايا فى البنزين

شكرا جزيلا

[samirayad]

كلام جميل جدا يا بشمهندس سمير ,هو مقتنع ان السبب اسطوانة وديسك
وماتسمعش كلام الميكانيكى لانة هو تقريبا اللى عاملك التاكيهات يبقى مش هيطلع نفسة غلطان ويقولك معلش اصلى ظبطهالك غلط

الله يخليك يا أخى .........ماهو لازم الصنايعى مايطلعش نفسه غلطان ..........لسببين وده حسب ضميره طبعا ( الأول : علشان سمعته ---------------السبب التانى : فى بعض الأحيان ممكن يعمل شىء مش مظبوط علشان الزبون يرجعله ويعمل عليه شغل ) ودول كتير للأسف الا من رحم ربى

[samirayad]

الف شكر يا بشمهندس سمير

الله يخليك

على فكرة
انا اى حاجة بيقولها البشمهندس بقتنع بيها بس انا بحاول اقوم بدور الميكانيكى عشان اعرف ارد عليه ازاى

يا أخى الله يخليك ......هو فيه حد بيعرف كل حاجه .....دا الكمال لله بدون أدنى شك .....وجل من لايسهو ......وكويس أنك بتسأل برضه .....وبآرائنا كزملاء فى المنتدى ...........أكيد حيكون رأى الجماعه أفضل كتير من رأى الصنايعى لوحده ..........وبالذات لما تتفق الآراء

هى لو التاكيهات مقفوله شويه دة حمل على الموتور؟ علما بانى ممكن اظبط الغيارات بتاعتى عشان مسمعش الصوت دة
لانى بجيب بالتانى 40 من غير صوت و التالت 60 من غير صوت

نعم لما بتكون التاكيهات محمله بتشكل حمل على الموتور .......وأفتكر كده الكلام بتاع الزغطه اللى قولت عليه فى التعليق السابق ليا .............لما الواحد بياكل وميلاحقش فى الأكل وعمال يلهط مثلا ( هههههههههههه ) دا مش بيبقى حمل عليه وممكن يزور ويحشرج ويموت لاقدر الله .............أهى نفس الفكره بالظبط مع الفارق طبعا .................وكلامك عن نعومية الصوت أكدتلى أن التاكيهات محمله فعلا عندك .....لأن ده أول عرض للتاكيهات المحمله (لأن بيكون المسافه ضيقه جدا بين غراب التاكيه وقمة الصباب .....ومع السخونه بتقفل كمان ......................لأن الصبابات بتتمدد مع الحراره كمان ).............دا غير أن مع التاكيهات المحمله (السحب بيقل وده ممكن يشكك فى الأسطوانه برضه بتاعة الدبرياش على أساس أن السحب قل بسبب التاكيهات - وعندك كمان المكنه حتسخن بسرعه وممكن محتاجش تسخن بعد الدواره كمان _ وحتحس فعلا بنغمة صوت ناعمه عن ماتكون مفتوحه أو مضبوطه ) ..............