اشترى نوع كاوتش ايه

[Esam Mosaad]

ممكن من غير دوخه تقولولى اجيب انهى نوع
من انواع الاطارات مقاس 14 185/65
انا سالت على الكومهو عامل 270 هل كويس ولا فى احسن منوا وسعروا
يكون معقول؟

[samirayad]

الكومهو نازل فى عربيتى وبقاله 3 سنين تقريبا .....ومستعمله قبل كده فى سياره أوبل ..........وشغال زى الفل ........بس خللى بالك من تاريخ أنتاج الكاوتش ........يكون أنتاجه جديد بقدر الأمكان

[SAMEH_FOUAD]

شوف ياباشا لو هاتجيب المقاس دة يبقى هاتة 185/60 r14 لان على 65 هيفرق معاك وهيتقل العربية لكن على 60 هيبقى تمام ودة اللى هايديلك القراية صح على العداد ولو هندك كتالوج شوف كاتبلك اية ,
وعندك الكومهو كويس ,والنانكنج احسن منة واهدى واطرى فى المطبات ,وعندك البيريلى بس هيبقى غالى هيعمل حوالى 480 للمقاس دة وبردة البريدجستون بس عيبة انة ناشف فى المطبات بس بيستحمل

[Esam Mosaad]

هوا بتفرق ايه 60 من 65 فى السماكه ولا ايه
اصل انا ممكن اغير فرديتن بس فلازم كلو زى بعضوا ولا ايه

[Esam Mosaad]

واحد صحبى بيقولى هات مقاس 195 على 60 ده احسن ايه رايكوا

[M_Nabil]

يفضل طبعا الفرد كلها تكون ذى بعضها طيب المقاس الاصلى بتاع العربية كام ؟

[Esam Mosaad]

لا اعلم صراحه بس الى راكب فيها 185 على 65 معليها شويه عن اى سيفيا تانيه

[Esam Mosaad]

المهم نوع الكاوتش هل اجيبوا بيردجستون ولا كومهو
فى بيرجستون شكل شجره جامد اوى عامل 320
ولا ايه النظام

[momomania22]

هات 14
60/ 195
هيبقى جامد اوي
والانواع :
الكومهو
المارشال وده كوري بس ممتاز وسعر الفردة 310
وبعد كده الميشلان بس ده ب 500 الفردة
والبريدجستون اللي بتقول عليه ده مش ياباني، هتلاقيه تايلاندي
بس ماعرفش حد استخدمه
بس في نوع منه اسمه my-01
بيقوله عليه حلو وكان في ناس هنا مركباه وبيشكروا فيه

[mohameduoser]

المقسات دة محددة لكل عربية و جيب المقاس الاصلى افضل و كمهو كويس بس لو تقدر البريدجيستون افضل و انعم

[SAMEH_FOUAD]

شوف ياباشا الكاوتش مقاساتة بتشير الى :
195 دة عرض الكاوتش
60 دة ارتفاع الكاوتش عن سطح الارض
r14 :القطر بتاع الجنط

نقسم بقى الدنيا دية:
اولا:لازم تجيب كاوتش متناسب عشان مايلخبطش قراية العداد ,وكمان ماياثرش على عزم العربية

2:كل لما بترفع فى الكاوتش لازم تجيب جنط اكبر
3:لو عايز تجيب كاوتش عالى يبقى لازم تقلل الجنط,والا الكاوتش هايحك فى الكارتيرة
4:كل لما الكاوتش يرفع بيخلى العربية ثابتة اكتر وسحب اسرع بس بيقلل العزم والسرعة القصوى هاتزيد,وبتبقى العربية ناشفة فى المطبات شوية
5:كل لما تجيب كاوتش عالى عن الارض هتلاقى العزم زاد لكن هتلاقى السحب بقى بطىء شوية

ودة كل حاجة عن الكاوتش
المقاسات بقى اللى تجيبها :
195/60/r14
185/60/r14
195/55/r15
دول تفضل مقاسات لاى سيارة ومش بياثروا فى السحب او العزم الا فى حاجات بسيطة جدا هاتروح بعد اول 2000 كيلو يكون الكاوتش استهلاك وعن تجربة

بالنسبة للكاوتش البريدجستون turanza ودة ب520 وفية اندرلين بريدجستون سوبر سايلنت ودة غالى ومافيش منة غير من اول مقاس 15
وهات النانكنج او البيريلى والكومهو اخر حاجة فكر فيها

[Esam Mosaad]

شكرا اوى بجد المعلومات جميله جدا وكتر الف خيركوا والتنظيم جميل

انا سالت واحد قلى gt نقشه الشجره مقاس 195 /60 يعمل 325
وقلى برضوا بيردجسوت نقشه شجره مقاس 195/60 يعمل 350
وقلى برضوا الكومهو نقشه عاديه مقاس 195/60 يعمل 310

لو مقاسات 185/65 بيقلوا مثلا من كل نوع 50 جنيه
ايه رايكوا

[ashouhdy]

the best in r14
HANKOK
R15
ACHELLIES,BRIDGESTONE,MICHLAN
R13
KUMHO

[Esam Mosaad]

يعنى ابعد عن الجى تى
بس انا مش لاقى هانكوك بصراحه خالص غير انها بتجرب
بالنسبه للنوع ده بصراحه achellies اول مره اسمع عنوا ومش عاوز حاجة مش مضممونه ومحدش مجربها كتير
ايه رايكوا فى البيردجستون الشجره ولا اجيب العادى وخلاص
وهيا ايه اصلا بين الشجره والعادى

[SAMEH_FOUAD]

شوف ان الاشيلى كان عندى فى العربية كانت ناشفة شوية فى المطبات ثباتها ممتاز ,توزيع للمياة جامد جدا بتحسسك ان العربية جامدة فى الفرامل اوى ,عيبها انها بتشقق بعد 30 الف كيلو ,وكمان بتلقط اى مسامير فى الارض او ازاز ,لان سطحها لان الكاوتش درجة سماكتة مش عريضة
عندك النانكج جميلة جدا هية والسونار