عايز اخلى العربيه تشم البنزين يعنى توفير استهلاك لاقصى حد

[MR.CAR]

ايه هوه افضل تعديل لتوفير البنزين على محرك كربراتير

[modux]

سمعت قبل كده علي تغيير فونية البنزين بواحده اصغر
الموضوع ده كان في عربية لادا

سحب البنزين اتظبظ

[ahmed1981]

طقم الكهرباء يكون مضبوط تماماً
الكربيراتير يكون مضبوط
القيادة الهادئة أفضل الأساليب لتوفير البنزين

[eng_mkhalaf]

طب فى الأنجيكشن يبقى أزاى

[Abonora]

Re: عايز اخلى العربيه تشم البنزين يعنى توفير استهلاك لاقصى ح

ايه هوه افضل تعديل لتوفير البنزين على محرك كربراتير

هو افضل تعديل بالنسبة لك تشتري مقياس ضغط الكاوتش ديجتال وتحافظ علي ظغط الكاوتش في المعدل الطبيعي دايما ( لو حطيت نيتروجين هيسهللك المهمة )

وطبعا تشيل ايه حاجة بارزة من العربية

[Nader]

ضبط كهربة العربية
السير بسرعة لا تتجاوز الـ80 ميل او الـ100 كيلو تقريباً

وطبعا تشيل ايه حاجة بارزة من العربية

زي الاسبويلر الخلفي والكساحات

غلق النوافذ اثناء السير... لو اتخنقت انا مش مسؤل

ضبط ضغط الاطارات

عدم استخدام جنوط بحجم اكبر من المقاس الاصلي المسموح باستخدامة

ضبط الزواية

عدم استخدام الفرامل بدون داعي.... يعني هدي قبل المطب بشوية مش لازم تيجي قبلة وتكبس فرامل

عدم التعجيل في تسارع العربية

التخلص من الاوزان الزائدة... مش قصدي تعمل رجيم يعني، لا اي حاجة مش محتاجها في العربية شنط مثلاً او صبات "صب ووفرس"

عدم التحرك بالسيارة قبل وصول الموتور الي درجة حرارة التشغيل....الكلام دة للكربياتير

انزل الكباري والمنازل على وضع المور .... للمانيوال مش الاوتوماتك

بس كفاية كدة دول اللي جم على بالي حالياً

[tutankhamoun]

أستاذ نادر ........
رمضان كريم هل تسمح لي بأن أقول رأيي في بعض النقاط
السرعة المثالية لاستهلاك البنزين هي 55 ميل في الساعة أي 87.5 كم في الساعة
وضع المور و السيارة في حالة حركة هو خطر جدا جدا و بالذات في نزول الكباري لأن الفرامل بتقل قوتها نظرا لاندفاع السيارة في النزول أما لو كانت في وضع الغيار و خصوصا أقل من الخامس فيسهل توقفها نظرا لاستخدام التروس في توقيف السيارة
ثالثا وضع المور فيه استهلاك للبنزين زيادة
و هذا ما قيل لي عند استخراج رخصتي في أوروبا
على فكرة انا لست بخبير و لكن هذه كانت تعليمات إدارة المرور التابع لها
و شكرا
و أرجوا أن تتقبل تحياتي و رمضان كريم

[Nader]

اهلاً بك اخي الكريم وبمشاركاتك معنا :)

اولاً بالنسبة لوضع السيارة على وضع المور وان في ذلك صعوبة في التحكم في السيارة فهذا يرجع إلى السائق.. فلو كان جديد في القيادة.. فلا علية نزول المنازل او الكباري بسرعة لعدم تمكنة من التحكم في السيارة. اما بالنسبة لسرعة الـ80 ميل فهذه هي السرعة المعروفة عالمياً، التي إذا زادت يزيد معها استهلاك البنزين بشكل ملحوظ... اما الـ87 كيلو فمن سيسير بهذه السرعة على طريق سريع؟؟ سيعرض حياتة شخصياً للخطر وحياة من بالسيارات الاخرى للخطر.

[tutankhamoun]

أخي الكريم ...... كل سنة و أنت طيب >>>>>>>>>> شكرا على تقبلك كلامي
و أرجوا أخي أن تتقبل كلامي على أنه مناقشة حرة لتوصيل أصح المعلومات للجميع و أنا فيهم لأنني كما ذكرت لست بخبير في السيارات و خصوصا الميكانيكا
و لكن 80 ميل في الساعة !!!!!!! أشك ......... لأنها تساوي 128 كم في الساعة ........ و ليست 100 كم في الساعة كما ذكرتم في تعليقك السابق
فالسرعة و استهلاك الوقود تزداد تزايد طردي بعد سرعة 55 ميل في الساعة
فإذا زادت السرعة عن 55 ميل في الساعة يزداد استهلاك الوقود -- أي يكن بنزين أو ديزل -- لأن مقاومة الهواء تزداد
و أقل من 55 ميل في الساعة تستهلك السيارة أكثر للوصول للسرعة المثالية ....... أي أنها تستهلك أكثر و هي بطيئة و أقل من 55ميل
و أيضا يزداد استهلاك الوقود إذكانت السيارة في وضع المور لأن المحرك يحاول على البقاء في وضع الدوران فيستهلك أكثر إذا كانت السيارة واقفة أو في وضع المور حتى و هي تسير
فالقيادة على سرعة 70 ميل = 112 كم تستهلك ما يعادل 9% أكثر من القيادة على 60 ميل = 96 كم

و القيادة على على نفس السرعة يزداد فيها استهلاك الوقود بنسبة 15% بالمقارنة ب 50 ميل = 80كم
و القيادة على 80 ميل = 128كم يزداد فيها استهلاك الوقود بنسبة 25% بالمقارنة بسرعة 50 ميل = 80كم

أما بالنسبة لنزول الكباري و المنازل فهنا يتساوى السائق الماهر بالسائق الجديد ....... لأنه زي ما بيقول المثل البلدي .... السواقة ملهاش كبير
لأنك لا تضمن الفرامل و لا تضمن ماذا سيقابلك و من سيقطع عليك الطريق و خصوصا في مصر نظرا لعدم وجود أداب و قوانين لحفظ حقوق السائقين المحترمين
أما عن السرعة 87 كم في الساعة ......... أتفق معك أنها سرعة قليلة نسبيا و لكن الطرق المصرية ليست مجهزة للسير بالسرعات العالية التي تتكلم عليها ما عدا طريق العين السخنة و خصوصا لعدم وجود مبدأ الحارات و احترام الأخرين على الطريق فيضطر السائق المسرع بتخطي السيارات التي أمامه و هو ما نسميه في مصر بالغرز و هي أخطر ما يمكن فعله لأنها تضع أرواح الناس في خطر ........... و عمل مثل تلك الأفعال يضع صاحبه في السجن و الحرمان من القيادة في الولايات المتحدة و أوروبا و اليابان و أعتقد دول الخليج ........... أما في مصر فالجميع مستعجل و مش طايق يصبر مع أنه ليس مشغول بشئ و لكنها أصبحت ثقافة عدم أحترام الغير ووضع حياة الناس في خطر
و أنا في اعتقادي أن سائقي التاكسي و الميكروباص هم المسئولين عن دخول هذه الثقافة في مصر بالاضافة للشرطة المرورية التي لا تفعل أي شئ ايجابي لايقاف نزيف الدم على الطرق المصرية
و هذا ليس كلامي و لكن كلام الخبراء في الولايات المتحدة و بريطانيا
00 منقول من كتيب تعليمات القيادة في دول الاتحاد الأوروبي 00

[Nader]

هذا رأيك وهذا رأيي والاختلاف في الرأي لا يفسد للود قضية

بس انت كلامك صح هي 60 مش 80 ميل بس بتساوي برضة 100 كيلو تقريباً لان العدادات عندنا كها باكيلو مش بالميل..................انا كنت غلطان فعلاً بالنسبة للميل

واللينك دة بيقول زيك على 55 ميل:

http://www.sfgate.com/cgi-bin/article.cgi?f=/c/a/2005/10/19/MNG3NFAOF11.DTL

اشكرك اخي العزيز على التنبية وحسن الحوار :) واهلا بك مرة اخرى وبمشاركاتك :)

[tutankhamoun]

شكرا أخي الكريم على الرد الجميل
و مرة أخرى أحب أن أوضح نقطة أخرى .........
سير السيارة على سرعة عالية لا يزيد أستهلاك البنزين فقط و لكن تقليل عمر الموتور أيضا
يعني خسارة على المدى القريب و خسارة على المدى البعيد
يعني مثلا ...... لو هناك سيارة تقطع 50 كم في اليوم و سرعتها تقريبا 100 كم
و أخرى تقطع نفس المسافة و لكن على سرعة 90 أو 87.5 كم
فنجد أن استهلاك البنزين في الحالتين يختلف و تفوز الأقل سرعة
و عمر الموتور يزداد للأقل سرعة
يعني مثلا بعد أول 100000 كم بيكون حالة الموتور بتاع السيارة الثانية أفضل من حالة الموتور بتاع السيارة الأولى
و شكرا
و كل سنة و أنت طيب

[شريف]

يعني مثلا ...... لو هناك سيارة تقطع 50 كم في اليوم و سرعتها تقريبا 100 كم
و أخرى تقطع نفس المسافة و لكن على سرعة 90 أو 87.5 كم
فنجد أن استهلاك البنزين في الحالتين يختلف و تفوز الأقل سرعة
و عمر الموتور يزداد للأقل سرعة

يا باشا على 100 لسة بدرى و ال RPM بيبقى على 3 و مش هو دة اللى هيخلية يفرق عن سرعة 90 أو 87.5 كم

[Nader]

لا مش السرعة بوجة عام الفيصل هنا بيبقى عدد لفات الموتور... يعني لو مش قارص علية يبقي مفيش مشاكل... دة سبب تزويد صناديق التروس بغيارات زيادة...لراحة الموتور.

[Abonora]

tutankhamoun اسمحلي احييك انت ومشرفنا الجااااااااااااامد نادر علي حواركوا المتحضر ده

بس حبيت اضيف حاجة وانت نازل علي الكوبري دوس علي الدبرياج لاخرة وريح رجلك علي الفرامل وبكده تبقي فاصل الدبرياج كانك ممور وفي نفس الوقت جاهز لانك تاخد اي غيار او تفرمل

[MR.CAR]

انا بشكر كل الردود الكويسه بس انا كان قصدى ايه الى ممكن اغيره فى العربيه يخلى استهلاكها فى البنزين يبقى قليل بعيدا عن اسلوب القياده طبعا مع مراعاة ان اسلوب القياده له دور كبير فى توفير البنزين جداومره تانيه مشكورين