عايز مكان اشترى منه قطع غيار اصلية للكيا

[mhae20032003]

السلام عليكم اعضاء ومشرفى المنتدى العظيم
عايز حد يدلنى على مكان مضمون اشترى منه قطع الغيار الاصلية لعربيتى ( كيا برايد )
من غير ما يسرق فى السعر ولا يبيع قطع غيار مضروبة
فيه ناس قالت لى شارع دمشق وناس قالت لى سوق التوفيقية وناس تانيا قالت لى محل الجندى فى جسر السويس وانا بصراحة معنديش خبرة يعنى مش هاقدر الفرق الاصلى من المضروب
وياريت لو نحدد محل معين وشكرا مسبقا للردود

[mhae20032003]

ايه هو ما فيش حد عنده كيا غيرى ولا ما فيش حد بتبوظ عنده العربية !!!!

ممنوع الكتابه باللون الاحمر حيث انه مخصص لمداخلات الاداره فقط
مشرف عام 1

[A.Saad]

اللى اعرفه
محمد عاصم
56 ش دمشق
24541177
1446300/010
ده كاتب على كارت ليه انه موزع معتمد
وفيه الجندى
ده كنت قريت عنه فى اعلان لكيا
بس اتاكد من التوكيل انهم لسه معتمدين
انا ما اتعاملتش مع حد فيهم

[mhae20032003]

شكرا ل a.saad ومنتظر باقى الردود

[MoMohsen]

الجندى فى شارع دمشق كويس و بيقولك بأمانه اذا كانت كورى اصلى او كورى عادى
وفيه نافع فى شارع دمشق بردة
وفيه حلمى فى التوفيقية امام السنترال و كلهم بتوع كيا بس

[mezo2002]

انا والله بدور على غطاء فبر بتاع سير الكاتينه وطلمبه المياه وطمبورة الى راكبه فوقيه ومش لاقى نزلت شارع شملبيون قالولى بيبو هناك مش لقيت وفضلت ادور مش لقيت قالولى روح الوكاله روحت مش لقيت بردو والى لقيته واحد قالى ب 450 والتانى قالى افكه ليك من عربيه ب200ج

فبجد ياريت ياشباب الى عنده كيا برايد او كانت معاه ويقدر يدلنا ياريت مش يبخل علينا بخبرته فيها

[ashrafsadany]

يا اخى فى واحد اسمو المنير فى شارع فيصل محطة مدكور معاة مجموعة توكيلات انصحك بية بشدة لامانتهم واسعارهم الجيدة والله الموفق

[faron525]

عليك وعلي الحرفيين اكيد هناك هتلاقي كل اللي انت عايزه
وربنا يوفقك

[A.Saad]

يا اخى فى واحد اسمو المنير فى شارع فيصل محطة مدكور معاة مجموعة توكيلات انصحك بية بشدة لامانتهم واسعارهم الجيدة والله الموفق

المنير فى المساحة
لو جاى من الجيزة
على الشمال

[أبو_يوسف]

مش قطع الغيار الأصلية بتتباع في التوكيل بس؟!
اللي بيتباع بره ممكن يكون كوري ونضيف بس مش أصلي

[mhae20032003]

شكرا جدا على الردود الجميلة

[أبو صلاح]

بص ياباشا
الخلاصة عن تجربة مع 5 محلات كبيرة
هو الجندي اللي في ش دمشق
أرخص واحد

[Ahmed Nouh]

سامى وكرم

شارع رمسيس بعد التوفيقيه قصاد مستشفى الهلال الاحمر وقبل محطه الاوتوبيس على طول على اليمين

تليفونه : 25783118 - 25791742

عندنا برايد و بقالى حوالى 3 سنين مش بجيب حاجتها غير منه

احلى حاجه ان هتلاقى عنده اى حاجه بتاعت العربيه اللى هو نظام المسمار اللى جوا الجلده اللى تحت الغطا الفلانى هتلاقيه جابهولك على طول

واسعاره كويسه جدا جدا وهتلاقى عنده الصينى والكورى الاصلى واليابانى

[samersohry]

ya basha 3alek we 3ala الجندى fe share3 demeshk amam 2al sagan beta3 2al caset 2al ragel dah gamed gedan we 3ando kol 7aga 2asly we kory

[أبو_يوسف]

الناس دي بتبيع اصلي زي اللي في التوكيل بالظبط؟؟
لأني جبت قاعدة فتيس من نافع نفس الشكل الأصلي وبسعر مخفض كتير عن التوكيل بس كان الرقم اللي على القطعة مختلف في رقم واحد على ماأظن
وخصوصا ان لي تجربة مش كويسة مع طقم دبرياج فاليو.. فعلشان كدا عايز أتأكد ان الناس دي بتبيع زي التوكيل لأني اقتنعت ان مفيش أحسن من الأصلي