استفسار عن اختلاف عرض الكاوتش بين الانواع

[uhlphp]

النهارد روحت اشوف انواع الكاوتش والاسعار وانا المقاس عندى 13 / 70 / 175 وكنت عاوز اجيب 13 / 70 / 185 لانه اعرض ولكن صاحب المحل قالى انه مش اعرض ولكنه اطول واستغربت جداً من الكلام ده وورانى كذا نوع من المقاسين ومكتوب عليهم المقاس وليتهم نفس العرض ولكن الاختلاف فى القطر الخارجى لانه ازيد فالفردة عالية عن التانية .

فارجو تفسير هذا الموضوع لانى الى اعرفة ان ال 185 ده عرض مدس الكاوتش على الارض

[Ahmed Selim]

أيوة يا باشا.....لو عاوز كاوتش مقاس 185 بس يكون نفس أرتفاع اللى عندك تقريباً يبقى تجيبه 65 مش 70 ( ده هيبقى أقرب حاجة للى عندك )

شوف اللينك ده هيساعدك

http://www.miata.net/garage/tirecalc.html

[blazer]

عرض المداس 185 اعرض من 175 انما ارتفاع ال 185 بيبقى اقل من 175 وغالبا بيبقى
(185/50)
(175/60)

[uhlphp]

اشكركم على الرد

ولكن يبدو انكم فهمتو استفسارى غلط وهاحاول اشرح الموضوع تانى

انا عاوز اشترى مقاس 13 / 70 / 185 والمفروض انه يكون اعرض من مقاس 13 / 70 / 175 لان فى 1 سم زيادة وكمان المفروض الفردة تبقى اعلى لان الرقم 70 هو نسبة من مقاس عرض الكاوتش .

اللى حصل انى لقيت المقاسين نفس العرض اذى وده 175 والتانى 185 وهو ده اللى عاوز استفسر عنه .

[Ahmed Selim]

نفس العرض ؟؟؟؟
المفروض يكون فى فرق بس أنت ممكن متكونش خدت بالك منه..........من 175 الى 185 الفرق واحد سنتيميتر

[ozy2026]

اشكركم على الرد

ولكن يبدو انكم فهمتو استفسارى غلط وهاحاول اشرح الموضوع تانى

انا عاوز اشترى مقاس 13 / 70 / 185 والمفروض انه يكون اعرض من مقاس 13 / 70 / 175 لان فى 1 سم زيادة وكمان المفروض الفردة تبقى اعلى لان الرقم 70 هو نسبة من مقاس عرض الكاوتش .

اللى حصل انى لقيت المقاسين نفس العرض اذى وده 175 والتانى 185 وهو ده اللى عاوز استفسر عنه .

انا فاهم قصد حضرتك هو فعلا فى فرق مابينهم بس مش كبير قوى وانت مش هتلاحظ الفرق ده غير لما الكاوتش يتركب على جنط
لأنك لو شفت الكاوتش لوحده كده من غير ما يكون راكب على جنط مش هتحس بفرق مابينهم

[uhlphp]

انا متشكر جداً و معلش انا تعبتكو معايا

ولكن لما بتاع الكاوتش حط الفردتين على الارض ودققنا النظر فيهم لقينا الفردتين نفس العرض .

طيب اية السبب اللى يخلى الكاوتش يظهر بشكل اقل من شكله على الجنط فى حين ان المقاس الاصغر باين علية العرض وهل فعلاً لما اركبو عرضه هايظهر .

ومعلش سئوال اخير هل الافضل احط مقاس 185 عشان ازود ثبات العربية ام اخلى المقاس الاصلى .

[blazer]

185 افضل فى ثبات العربيه وهتلاقى احساس ان الفرامل بقت اقوى شويه نتيجه زياده مساحه احتكاك الكاوتش بلارض عند استخدام الفرامل
اهم حاجه تشترى من موزع معتمد وتتاكد من تاريخ انتاج الكاوتش و انه يكون متخزن بطريقه سليمه

[sweetheart_]

يا جماعه انا عندى فيورا مقاس الكاوتش 135 ولما جيت اغير جبت كاوتشين قادم بس وجبتهم 155 /70/13 بس لما سافرت بالعربية حسيت انها مش ثابته زى الاول بالذات لما بيكون فى حته طالعة ونازلة فى الاسفلت العربيه بتعوم منى اوى ممكن عشان الكواوتش قدام غير ورا ؟؟ وكمان بحس ان العربية فى المطبات بتترج للجنب مش لفوق وتحت تحس انها بتيجى يمين وشمال هلى ال 70 مش مناسبة العربية ولا ازود ضغط الكاوتش عشان ميرجش العربيه للجنب

[blazer]

يا جماعه انا عندى فيورا مقاس الكاوتش 135 ولما جيت اغير جبت كاوتشين قادم بس وجبتهم 155 /70/13 بس لما سافرت بالعربية حسيت انها مش ثابته زى الاول بالذات لما بيكون فى حته طالعة ونازلة فى الاسفلت العربيه بتعوم منى اوى ممكن عشان الكواوتش قدام غير ورا ؟؟ وكمان بحس ان العربية فى المطبات بتترج للجنب مش لفوق وتحت تحس انها بتيجى يمين وشمال هلى ال 70 مش مناسبة العربية ولا ازود ضغط الكاوتش عشان ميرجش العربيه للجنب

حضرتك اولا لازم كل كاتزتشات العربيه يكونوا نفس المقاس
ثانيا :جرب تعمل ترصيص و ضبط زوايا لو معملتهاش بقاللك فتره

[sweetheart_]

انا عملت زوايا وترصيص ممكن يكون عشان الكاوتشات اللى ورا رفيعة وقديمة ومقاسهم اقل من اللى قدام تكون العربيه بتعموم
بالذات فى الاسفلت اللى طالع ونازل