ما مدى ارتباط الترصيص بضبط الزوايا؟

[Imhotep]

كنت عملت موضوع قبل كده انى عندى رجة فى الدركسيون بعد ال 100..... وافاد الاخوة الافاضل بان الحل هو الترصيص اللى عملته مع الصيانة الدورية و الحمد لله اتحلت المشكلة..... سؤالى هذه المرة عن مدى ارتباط الترصيص بضبط الزوايا لانهم فى التوكيل لم يذكروا انهم عملوا ضبط زوايا....... ايضا كيف اكتشف احتياج السيارة لضبط الزوايا بدقة؟
سيارتى تريوس 2009..... عاملة 5200
و شكرا مقدما لكل من يتفضل بالافادة.......

[Ahmed Selim]

الترصيص مرتبط بالزوايا عشان اللى بيقوم بالمهمة دى عادة بيبقى شخص من نفس المكان.....يعنى كل بتوع الزوايا تقريباً بيبقى عندهم مكن ترصيص.
بس فعلياً انت ممكن تروح تعمل ترصيص بس أو ظبط زوايا بس.

ظبط الزوايا فعلياً مرتبط بضغط الهواء فى الكاوتش بمعنى أن بعض الأعراض بتبقى واحدة فى الأتنين.
الأعراض بتاعة الزوايا ممكن تكون حاجة أو أكتر من الأتى
1- العربية بتحدف يمين أو شمال لو أنت ظبطت الدركسيون فى النص وسبته من غير ما تمسكه و الشارع مستوى و مفيهوش مطبات.
2- العربية بتصفر مع الملفات و خصوصاً العنيفة زى ال u turn
3- ممكن تحس أن العربية عايمة.
الحاجات دى كلها برضه ممكن تنتج عن ضغط هوا قليل داخل الكاوتس و لذلك ينصح بظبط الضغط أولاً قبل ظبط الزوايا.

[Imhotep]

هو من الاعراض اللى حضرتك ذكرتها يا ا/احمد اللى موجود عندى هو الحدف اللى بيكون لجهة اليمين و اللى لو على سرعة عالية- 80 مثلا- بيبان اوى لكن على السرعات القليلة 40 او 50 مش بيبان اوى...... ضغط الهوا بقى ده حكاية..... ناس تقول 28 و ناس تقول الكتالوج فانا قررت امشى على الكتالوج اللى بيقول 32...... و بقالى بتاع اكتر من شهر ماشى على 32........ هى نقطة الحدف يمين دى بس هى الى مضايقانى حاليا........

[Ahmed Selim]

لو واثق من ظبط الهوا يبقى تروح تشوف الزوايا سواء فى التوكيل أو عند حد تانى بيفهم ( بريدجستون مثلاً )

[Imhotep]

لو واثق من ظبط الهوا يبقى تروح تشوف الزوايا سواء فى التوكيل أو عند حد تانى بيفهم ( بريدجستون مثلاً )

هو يمكن عشان بقالى اكتر من شهر مشيكتش يكون الضغط محتاج تظبيط، غير كده مش هعرف اظبط القصة دى غير مع الصيانة الدورية القادمة اللى هتكون بعد ما يقرب من 3 شهورلضيق الوقت...... بس ما هى خطورة عدم تظبيط الزوايا سواء على المدى القصير او الطويل؟ وهل هى مشكلة تحتاج الى الحل السريع ولا يمكنها الانتظار للصيانة الدورية القادمة؟

[Imhotep]

ما هى خطورة عدم تظبيط الزوايا سواء على المدى القصير او الطويل؟ وهل هى مشكلة تحتاج الى الحل السريع ولا يمكنها الانتظار للصيانة الدورية القادمة؟(بعد 3 شهور)

مازال هذا التساؤل قائما......

[Dr_Smart]

مازال هذا التساؤل قائما......

لو ال error حاجه بسيطه مفيش مشكله ممكن تستنى

بس يفضل تشيك على ضغط الاطارات وتظبط الزوايا عند بريدجستون مثلا عشان مايحصلش تآكل في الاطارات

[Ahmed Selim]

لو ال error حاجه بسيطه مفيش مشكله ممكن تستنى

بس يفضل تشيك على ضغط الاطارات وتظبط الزوايا عند بريدجستون مثلا عشان مايحصلش تآكل في الاطارات

تمام...........

[yahyaelsirafy]

لو زوايا العربية مش مظبوطة .... الكاوتش هيتاكل بسرعة عشان بيكون في فرق في درجات انحناء العجل و بالتالي احتكاك غير مطلوب ..
ضيف على كدة عدم الثبات و انها ممكن تحدف يمين او شمال بقوة لما تيجي تفرمل فجأه .... يعني السيطرة على العربية بتبدأ تقل ...
بس انا عندي سؤال ... اظبط زوايا الاول ولا ارصص الاول ... ؟؟؟

[Dr_Smart]

لو زوايا العربية مش مظبوطة .... الكاوتش هيتاكل بسرعة عشان بيكون في فرق في درجات انحناء العجل و بالتالي احتكاك غير مطلوب ..
ضيف على كدة عدم الثبات و انها ممكن تحدف يمين او شمال بقوة لما تيجي تفرمل فجأه .... يعني السيطرة على العربية بتبدأ تقل ...
بس انا عندي سؤال ... اظبط زوايا الاول ولا ارصص الاول ... ؟؟؟

مش هتفرق انهي الاول