أخر فاتيه للميكانيكيه فى الأبيزا

[M.Mostafa80]

قولولى ياجماعه يمكن انا اللى ما بفهمش ميكانيكى عايز يشيل من موتور الأبيزا ال98 الألف سى سى حساس الحراره المسئول عن رفع عدد لفات الموتور فى حاله الجو البارد والباشا بيقول دا ملهوش أى لزمه شركه فولكس حطه فى عربيتها حاجه ملهاش لزمه منظر بس ومش هيأثر على حاجه فى العربيه والنبى دا كلام ناس عاقله لأ وأيه كان مسافر وقاعد فى النمسا

تم نقل الموضوع من قسم سيات الي قسم الورشة بواسطتي

مشرف فرعي 1

[M.Mostafa80]

بعد أذن الأداره عايز أنقل الموضوع فى الورشه عشان نسمع أراء الخبراء فى الميكانيكه

[EslaM_NagY]

الخواجة مش عبيط ومش حيحط حاجة ملهاش لزمة


سيبك من الميكانيكى دا خالص

[Mohamed_Ibiza]

اه انت بتتكلم عن السخان يا محمد ... صح . ؟

ده فيه ناس كتير جدا بتفصله وبتشيله مش عارف ليه

مع انه مفيد في الشتا بتدور العربية وبتسيبها تسخن مع نفسها ولا تدوس بنزين ولا بتاع

معلش يا محمد هو ده حال الميكانيكية عندنا

طيب محاولتش تعرف وجهة نظره ايه من انه يشيله وعايز يشيله ليه ؟

[Morieno]

الفكره هنا بس والسؤال المهم
هو الجو البرد الى تقصده فولكس كام تحت الصفر
يمكن يكون فعلا مالوش فايده فى الجو بتاعنا مش مالوش فايده عموما

مع مراعاة ان درجة الحرارة فى المانيا 20 جوا الفرن
ودمتم

[M.Mostafa80]

والله حضراتكم لو الحساس دا مش موجود أتفرجو على العربيه هتعمل ازاى فى الشتا أنا معايا بولو 98 تمام والعربيه اللى بتكلم عنها ملك صديق لى
الحساس دا لو أتشال من العربيه ودخلنا فى الشتاء لو شفنا أرنبه وددنا من غير ما نبص فى مرايا مش هتسخن وصباح الخبط والرزع اللى فى الموتور ولو تفتكرو فى أكثر من شخص فى منتدى السيات وفى الفولكس كانو بيعانو الأمرين من الموضوع ده لما كان الحساس بايظ عندهم ومجرد ما غيروه
شدو اللحاف ونامو وأرتاحو وأولهم أنا أستحاله شركه هتحط حاجه فى عربيه ملهاش لزمه والشركه لما العربيه أتعملت واتحط فيها الموتور الألف كانت عارفه العربيه دى رايحه الشرق الأوسط وبالذات مصر فى أكيد مش هيفتو ولا هيقلفو

[aYaBooY]

لو كنت شوفت الموضوع ده من سنة تقريبا كنت قلت طبعا زي البيه الميكانيكي انه ملهوش لازمة علشان الجو عندنا هباب طول السنة
بس طبعا بعد ما ركبت عربية الماني و شوفت الناس ديه بتفكر ازاي يبقى ممكن اقولك اوعي تسمع كلام الاخ الباشا الميكانيكي
علشان العالم ديه ابل ما تحط مسمار مش حساس بيعرفوا يحسبولوا كويس اوي هايعمل ايه
عموما الحساس ده زي ما بيخلي العربية تسخن الصبح بهدوء بيوفر و بيساعد في تحديد كمية البنزين الي داخلة الموتور حسب حرارتة و بيساعد
في تحديد سرعة المروحة لو العربية سخنت مع الحساس بتاع الحرارة الي بيكون راكب في المنافولد و طبعا ايدي المصري الكريمة لما تتمد على منظومة
زي ديه يبقي النتيجة معروفة مسبقا

[SAMEH_FOUAD]

اوعى تشيلة وتسمع كلامة دة كان قاعد فى خرابة مش فى النمسا ,كل حساس فى السيارة لة وظيفة بتكمل بقيت الحساسات التانية وكلها بتساعد بعضها ,وبعدين دة مش موجود عندك بس دة موجود فى كل سيارات الانجكشن الحديثة ,يبقى كان ممكن اى شركة تتفلسف بعد كدة وتقول مالوش لازمة واهية وفرت مكان ,
ماتسيبش عربيتك عند حد انت مش واثق فى شغلة عشان العربيات الجديدة لما الميكانيكية بيشتغلوا فيها مش بيبقوا عايزين بس سرعة وشطارة ,لأ لازم يكون عندهم كمان دراية بكل حاجة فى الحاجات دية بالذات لانها من غيرها ممكن تبرجل الدنيا كلها
وربنا يكفينا شر الكفتجية

[M.Mostafa80]

على فكره ياجماعه ما بتكلمش عن عربيتى دى عربيه صديق ليا طبعا كلى أيمان بقيمه الحساس ووظيفته بس كنت عايز اورى الناس عينه من الناس اللى بتفتى وعامله فيها البورم كله

[shamyy]

انا الي اتعمل فيا الحركه دي يا جماعه انا مكنتش راضي اشيلها بس كان في قبلي لانسر 2007 جايه تشيلها وبيقولي الترموستات دي بتسخن العربيه وكانت حتولع مني في طريق السفر وجو مصر غير جو بره والميكانيكي قالي العربيات الزيرو بتيجي تشيلها اول حاجه بس مش عارف ليه مش مقتنع بالكلام ده معأن كل مروح لميكانيكي يقوي احنا كلنا بشيلها علشان هيا فايدتها ترفع درجه حراره العربيه في الجو البارد المتلج انت بس في الشتا تسخنها قبل متمشي وانا اصلا كده كده لازم اسخنها الصبح مع ملاحظه ان عداد الحراره قل شويه لما شلتها

[shamyy]

وصحبي بتاع النمسا ده معاه سوبارو 2009 وشيلها :)

[ابو حسين]

اوعى تشيلة وتسمع كلامة دة كان قاعد فى خرابة مش فى النمسا ,كل حساس فى السيارة لة وظيفة بتكمل بقيت الحساسات التانية وكلها بتساعد بعضها ,وبعدين دة مش موجود عندك بس دة موجود فى كل سيارات الانجكشن الحديثة ,يبقى كان ممكن اى شركة تتفلسف بعد كدة وتقول مالوش لازمة واهية وفرت مكان ,
ماتسيبش عربيتك عند حد انت مش واثق فى شغلة عشان العربيات الجديدة لما الميكانيكية بيشتغلوا فيها مش بيبقوا عايزين بس سرعة وشطارة ,لأ لازم يكون عندهم كمان دراية بكل حاجة فى الحاجات دية بالذات لانها من غيرها ممكن تبرجل الدنيا كلها
وربنا يكفينا شر الكفتجية

[SAMEH_FOUAD]

دة اسمة سخان العربية وهية باردة او بيقابل زرار الشفاط اللى موجود فى الكربراتير ,وبيفصل تماما بعد مالعربية بتسخن ومابيشتغلش غير والعربية باردة عشان يرفع حرارتها والا بقى طول مانت ماشى هاتسمع صوت العربية عالى ودرجة الحرارة عمالة بتزيد ,يبقى فايدتة بس وهو بيسخن العربية غير كدة مالوش اى تاثير ولا على ارتفاع درجة حرارة او انة يزود سخونة الماتور زيادة عن اللزوم ,

[shamyy]

دة اسمة سخان العربية وهية باردة او بيقابل زرار الشفاط اللى موجود فى الكربراتير ,وبيفصل تماما بعد مالعربية بتسخن ومابيشتغلش غير والعربية باردة عشان يرفع حرارتها والا بقى طول مانت ماشى هاتسمع صوت العربية عالى ودرجة الحرارة عمالة بتزيد ,يبقى فايدتة بس وهو بيسخن العربية غير كدة مالوش اى تاثير ولا على ارتفاع درجة حرارة او انة يزود سخونة الماتور زيادة عن اللزوم ,

وفي مصر امته يعني العربيه بتكون بارده وهيا ماشيه

[alzelafy]

فى الشتاء يا باشا لما بتدور العربيبه بتلاقى صوت الموتور عالى و بيوطى شويبع بشويبه لحد ما يبوصل للصوت الطبيعى لما يسخن و كل دة بواسطه حساس الحرارة اوعى اوعى تشيلو