مش عارف اعمل ايه ؟ دلونى يا جماعة

[mhae20032003]

انهارده الميكانيكى كشف على العربية بتاعتى ( كيا برايد هاتش باك موديل 1998 ) وقالى ان الموتور عايز طقم شنبروانا مش عارف اعمل ايه
معنى كده ان الموتور بيودع ولا لوغيرت طقم الشنبر ده ها يرجع الموتور كوبس ويا ترى يتكلف كام طقم الشنبر وكام المصنعية عشان انا من اعضاء نايل موتورز ولازم اروح فاهم كل حاجة عشان ما يستكردنيش
وايه رأيكوا يا جماعة ابيع العربية واجيب واحدة جديدة احسن زى برايد سايبا الجديدة ولا اغير طقم الشنبر وخلاص والعربية هاتكمل معايا من غير ما تفتح بقها قريب؟
شكرا مقدما على الردود

[M.FOUAD]

مفيش فيها حاجة سلعة ما تغير طقم شنبر ما هي دية ضريبة الاستهلاك و بعدين حتى لو المكنة كلها باظت انت ممكن تروح تشتري مكنة استيراد و تريح دماغك و تبفى راكب عربيتك و عارف مشاكلها بنفسك

[ramezbw]

طقم شنبر يعني 2\1 عمره و داه ميش وحش
بس المهم يكون الميكانيكي شاطر

و لو تقدر تغيرها هتريح دماغك من الدخول مع الصيانه و الكلام داه رغم انو حل اقتصادي
نص العمره ممكن تعمل في حدود 1000-1500 بما فيها المصنعيه , المصنعيه ممكن تعمل 300

بس المشكله لو فتح وطلع عندك عتب او صبابات بيظه ممكن التكلفه تزيد

[mhae20032003]

شكرا لنور ورامز للردود
منتظر باقى ردود الاعضاء الكرام

[Ahmed Nouh]

الموتور ال 1100 الكربراتير استيراد عامل 1200 قبل الفصال و ال 1300 انجكشن عامل 2000 من غير التكييف قبل الفصال برده

انا راى ان البرايد متتعوضش وعربيه تحفه تحفه بكل المقاييس وصدقنى هتزعل قوى لو غيرتها خصوصا لو يعنى مش هتطلع فئه اعلى وتحس بفرق كبير

كفايه ان حاجتها برخص التراب وشغلها سهل جدا وموفره فى التشغيل

كان معاى واحده وجبت عربيه جديده ومهنش على ابيعها ابدا

انا راى ان قدرت تغير الموتور يبقى توكل على الله لو مش هيكمل معاك اعمل نص العمره وبعدين ابقى غير الموتور كله لما يعوز شغل تانى

[mhae20032003]

شكرا استاذ احمد

[aYaBooY]

الموتور عامل 1200 جنيه قبل الفصال يعني ممكن يخلص 1000 او 1100 و ديه حاجة ممتازة انا مكنتش متوقع ان العربية ديه حاجتها رخيصة كدة
نص العمرة ممكن يدخل معاك في 800 جنيه او اكتر و العمرة في حدود 2000 بس طبعا موضوع السيبيا انا عموما مش بحب العربية التقليد يعني انا شايف ان البرايد الكوري انظف مليون مرة من الايراني
انت كدة ادامك حلين انا شايف انهم كويسين تعمل طقم الشنبر بس ممكن لو الصنايعي غلط في حاجة انت الي هايخسر و بردوا تعمل حسابك ان ممكن لما يفتح الموتور يفتح على البحري و تلاقي نفسك في عمرة
محترمة مووت يعني ديه حاجة مش مضمونة
و الحل التاني انك تستخدم زيت تقيل و معاه زيت شنبر مع كل غيار زيت و تسيب الموتور الحالي لحد ما يقولك ابوس رجليك ارحمني و تجيب موتور استيراد و تشيل و تحط و تجرب و تروح تقيس الكبس لو تمام خلاص
مش تمام يتغير يعني يرجع للتاجر و تجيب غيرة بس برده لو عربيتك 1100 تجيب موتور زي الي فيها متجيبش الانجكشن

[ابو حسين]

الموتور ال 1100 الكربراتير استيراد عامل 1200 قبل الفصال و ال 1300 انجكشن عامل 2000 من غير التكييف قبل الفصال برده

انا راى ان البرايد متتعوضش وعربيه تحفه تحفه بكل المقاييس وصدقنى هتزعل قوى لو غيرتها خصوصا لو يعنى مش هتطلع فئه اعلى وتحس بفرق كبير

كفايه ان حاجتها برخص التراب وشغلها سهل جدا وموفره فى التشغيل

كان معاى واحده وجبت عربيه جديده ومهنش على ابيعها ابدا

انا راى ان قدرت تغير الموتور يبقى توكل على الله لو مش هيكمل معاك اعمل نص العمره وبعدين ابقى غير الموتور كله لما يعوز شغل تانى

[SAMEH_FOUAD]

النص عمرة مش مكلفة ابدا واخرها 800 جنية لو غيرت طقم شنبر وطبعا بتغير سير كاتينة والزيت واى حاجة شايف انها حتى بدات تتعب ,وبيتعمل وبيرجع الماتور كويس طبعا وكبسة حلو وكل حاجة
ولو هاتجيب ماتور استيراد خد معاك ميكانيكى شاطر جدا وماتجيبش ماتور اتفتح قبل كدة واسمع صوتة وتدويرتة