اعمل عمرة ولا اجيب ماتور استيراد

[el_hagrasy]

[IMG]file:///C:/DOCUME%7E1/sherio/LOCALS%7E1/Temp/moz-screenshot.png[/IMG] السلام عليكم ورحمة الله
يا ريت يا جماعة حد يفدنى لانى لسة معنديش خبرة
يا ترى اعمل عمرة ولا اغير ماتور مع العلم ان العربية اونو مو 99 انجيكشن
هو الماتور ابتدى ياكل زيت على خفيف يعنى كيلوا زيت كل 2000 كيلو فى ناس نصحتنى انى اعمل عمر او نصف عمرة حسب الحالة وفى ناس قالتلى غير وهات ماتور استيراد احسن
يا ريت حد يفدنى ويقولى اعمل ايه
ولوا جبت ماتور استيراد اية المشاكل الى ممكن اقابلها واشتريه منيين وبكام
ولو حد يعرف ميكانيكى موسوق فية ويفهم كويس فى الاونو يقولى على مكانوا فين مع العلم انى من سكان فيصل

[samirayad]

هو الماتور ابتدى ياكل زيت على خفيف يعنى كيلوا زيت كل 2000 كيلو فى ناس نصحتنى انى اعمل عمر او نصف عمرة حسب الحالة

خليك مع دول ............وعجل بتغيير الشنبر وعمل الروديه وتغيير جلد الصباب

[el_hagrasy]

بس الميكانيكى الى انا روحتلو قالى انها اتعملها عامرة ابل كدة وهوا الى نصحنى انى اجيب ماتور استيراد

[samirayad]

طيب هو عرف منين ..........دا العربيه موديل 99

[el_hagrasy]

معرفش هو فتح الكبوت وبص على الماتور وقالى ان الماتور عامل طقم شنبر قبل كدة انا معرفش عرف ازاى منغير ميفك الماتور
وكنت عايز اعرف لمبة الحرارة امتى تبقى سخنة ع العلم انها منورة على طول بس مشنور جامد تقريبا منورة او زى مابيقولوا مشعرة

[samirayad]

معرفش هو فتح الكبوت وبص على الماتور وقالى ان الماتور عامل طقم شنبر قبل كدة انا معرفش عرف ازاى منغير ميفك الماتور

لا يبقى متصدقوش .....وبعدين برضه ماتقولنا على الكيلومترات بتاعة العربيه

وكنت عايز اعرف لمبة الحرارة امتى تبقى سخنة

هى لمبة الحراره ماتبقاش سخنه ولا حاجه ...........دى بتنور فقط معاك فى التابلوه علشان تعرفك أن المكنه حرارتها حرجه وخطر

ع العلم انها منورة على طول بس مشنور جامد تقريبا منورة او زى مابيقولوا مشعرة

طيب أوصفلنا برضه شدة وميض اللمبه ( هل نفس الشده أول مابتفتح الكونتاكت قبل الدواره ) ولا الوضع واحد مسرى مثلا على طول ونفس شدة الضوء من البدايه مع فتح الكونتاكت قبل الدواره........ ....ولا بتيقى كويسه مع فتح الكونتاكت وبعد كده بتسرى شدة وميضها معاك

[el_hagrasy]

اول لما بفتح الكونتكت بتبقى مطفية وبعدن بتنور ضعيف او مسرية لما بمشى شوية وفى الزحمة ممكن تزيد شوية لاكن مبتبقاش منورة جامد
ولو ماشى فى طريق مفتوح مبتنورش خالص

[samirayad]

نظف الردياتير من بره ومن جوه .................

[el_hagrasy]

تعرف حد بتاع ريداتيرات كويس انا ودتها لواحد فى شبرا قالى ان الكربتير كان مسدود وسلكة كانت الاول بتنور على طول اول مامشى بيها حبة صغيرة لكن دلوقتى بتنور بعد فترة وبالزات فى الزحمة
وهو قالى ان الكربرتير الى راكب مشبتاعها لانة مصنوع من النحاس والاصلى بتعها بيتعمل من الالمنيوم

[samirayad]

هو أنت دخلت الردياتير فى الكربرتير ......هههههههه .....وبكده أعتقد أن عربيتك هاف أنجكشن ( طالما جبت سيرة الكربرتير ) ...........وللأسف مش حقدر أفيدك عن حد عندك لأننى مقيم بالأسماعيليه ..........وأكيد حنلاقى زملاء كتير يدلوك على بتاع ردياتيرات كويس بالقاهره

[el_hagrasy]

شكرا يا بشمهندس على تعبك معايا

[samirayad]

ياباشا ....لاتعب ولا حاجه .......كلنا أخواتك وتحت أمرك .....وبالتوفيق أن شاء الله

[el_hagrasy]

شكرا لتعبك معايا يا بشمهندس سمير

[el_hagrasy]

بس ياتريت حد يفدنى فى موضو السخونة ودرجة اضاءة اللمبة علشان اعرف امتى اتوقف بالعربية وامتى امشى بيها

[samirayad]

مبدئيا ......وأنت واقف بالعربيه وهى لسه بارده قبل ماتدور .....هات خرطوم ميه بضغط شديد وأغسل الردياتير من بره كويس ....من حول زعانف التبريد لتحسين كفاءة الأنتقال الحرارى للميه اللى فى الردياتير للهواء الخارجى