البطارية ضربت

[dr_abooody]

النهاردة نازل الصبح ادور العربية ابص كدا الاقي مفيش صوت مارش

ادوس كلاكس الاقي مفيش صوت


قولت البطارية نامت

قومت مدورها زق بس دارت بعد وقت طويل

المهم سيبت العربية دايرة اكتر من تلت ساعة اجي اقوم ادور

الاقي بردة نفس المشكلة صوت كلاكس ضعيف و مفيش مارش

دلوقتي انا البطارية نوعها فارتا النسر الالمانية صناعة مصرية كنت جايبها من شهر 9 اللي فات يعني ماكملتش سنة


و انا على طول بعملها صيانة و بزودلها مية اخر صيانة كانت من اسبوعين و كان شحن الدينامو مظبوط تمام 14

هل فعلا البطارية ممكن تبوظ بسرعة كدا بدون سابق انذار

و هل الضمان ممكن يغيرها لو باظت

[M.FOUAD]

ممكن البطارية تتغير عادي لو لسة في الضمان
البطارية بتبوظ من غير سابق انذار عادي لكن تبوظ بسرعة صعبة الا لو انت شاريها و كانت مركونة في المحل فترة
اهم حاجة تراجع شحن الدينامو و تتاكد انة شغال مش شوية شتغل و شوية يعلق

[samirayad]

فى الغالب النوعيه دى وحشه طالما الدينامو كويس ............ومن حقك تغيرها .....بس حتاخد ضمان شهر فقط على الجديده ....لأنك أستفدت من القديمه 11 شهر........

[dr_abooody]

انا جيبت بطارية كوري نوعها indigo
و جبتها كمان 70 امبير مش 55

و الراجل قالي عمرها الافتراضي 3 سنوات

لكن للأسف البطارية القديمة ضمانها خلص على 5 ايام البطارية القديمة كملت سنة بالعافية اللي هي النسر فارتا الالمانية طلعت تعبانة مووت قبليها كانت بطارية turbo 40 امبير و اعدت سنتين

الحمد لله على كل شئ

[medo980]

باشا انا حصلى نفس مشكلتك مع بطاريةالنسر فارتا دى من اسواء انواع البطاريات فى مصر لأنها تجمع فى مصر بترخيص من فارتا الألمانية وانا قابلتى نفس مشكلتك ولكن بعد 3 شهور فقط من شرائها وكانت 70 امبير وذهبت للتوكيل و الفنى قال لى ان البطارية لا تستبدل مجانا الا فى شهر من الإستخدام بعد ذلك يتم دفع استهلاك عن كل شهر زيادة بعد اول شهر واستبدلتها ودفعت 50 جنية واخذت واحدة جديده وبعد 6 شهور ضربت تانى نفس الأعراض التى ظهرت معاك وذهبت مرة اخرى لهم وطلبو من 150 جنية استهلاك و اخذت واحدة جديدة وبعد 4 شهور ضربت للمرة الثالثة وهذة كانت القشة التى قسمت ظهر البعير وذهبت للتوكيل و عليت صوتى وهددت انى هعملهم محضر و هشتكى وهعملهم مصيبة اخدوا البطارية وغيروها من غير ما ادفع فلوس وهى دلوقتى بقالها 10 شهور ملحوظة انا كل مرة بجبها من التوكيل مش من محل عشان ابقى مطمن انها تمام الخلاصة انتا تروح وتزعق وتتخانق معاهم وتوريهم الضمان ان انتا بتروح تعمل الصيانة فى مواعيدها وبكدة هينزلو شوية من شهور الإستهلاك وممكن تدفع نصف تمنها بس واسف اذا كنت طولت عليك

[dr_walid]

يعنى الفارتا دى مش كويسة اصلى كنت ناوي اجيب واحدة
طيب اية افضل نوع ياجماعة
ياريت حد يدلنا على الانواع الكويسة

[samirayad]

الدنيا دى عامة كلها حظوظ ..........وعندك أكبر مثل .....شعبله ......أى شعبان عبد الرحيم ........فممكن تشترى نوع الكل بيشكر فيه ويطلع حظك مش قد كده ....وتكون دى اللى فيها العيب .....وعلشان كده توكل على الله وهات نوع شغال كويس معانا ( سواء الac - delco ....أو الفارتا ) ........والبركه من عند الله...............

[dr_walid]

شكر يا باشا
بس سياتك تعرف توكيل AC-delco
بس اتا فاكر انك قلت ان AC-delco
مش جافة دى تعديل السائلة
فهل فية نوع منها جاف
الاقية فين او حتى رقم التليفون

[samirayad]

أنا زيك بالضبط على قدى فى معرفة الأماكن ......أى حد بيبيع بطاريات هات منه وخلاص يادكتور ..........والac- delco راكبه فى العربيه عندى وشغاله بقالها أكتر من سنتين ونصف وآدائا تمام .....وتنمها فى حدود 250 ج بكتيره

[dr_walid]

أنا زيك بالضبط على قدى فى معرفة الأماكن ......أى حد بيبيع بطاريات هات منه وخلاص يادكتور ..........والac- delco راكبه فى العربيه عندى وشغاله بقالها أكتر من سنتين ونصف وآدائا تمام .....وتنمها فى حدود 250 ج بكتيره

بس دي جافة ولا سائلة

[samirayad]

سايله بس مقفله .....ومش حتعمل فيها حاجه ( ولا ميه ولاغيره ) .....وكل اللى حتابعه قزازة بيان على البطاريه من فوق وجنبها 3 دواير ( أخضر يعنى الشحن تمام - أسود يعنى البطاريه عاوزه تتشحن - أبيض يعنى البطاريه باظت ودى بعد الشر نادره وبتحصل لما البطاريه بتشيع ....قول بعد 3 أو 4 سنوات ...ربنا يدينا ويديك طولة العمر )

[dr_abooody]

انا جيبت نوع كوري اسمة indigo ب 340 70 امبير هي كوري

هل حد جربة قبل كدة