ماهو المعدل الطبيعى لتزويد مياه الريداتير و .. ؟

[Lion_Heart]

ماهو المعدل الطبيعى لتزويد مياه الريداتير ؟
و ايه الافضل هل انى ازود من القربة ؟؟؟ ولا افتح الغطا و ازود منه و العربية دايرة ؟

و هل لو انا زودت الميه عن الــ max و الريداتير نفسه مملوء للآخر فى حاجة زى الفايز مثلا تطلع الزيادة دى عشان ما تعملش حاجة فى الموتور ؟؟ و لو مفيش ايه اللى هايحصل ؟؟؟

[sayedafandy]

بالنسبة لموضوع الردياتير وفى حدود معلوماتى فهو كالتالى :
اذا قمت بغسيل الردياتير او تسليكه عند اى حد فهو بيقوم بملئه بميه خضرا علشان متعملش صدا وتسد مواسيره وبيقفله كويس ، حضرتك بعد كده بتقوم بعمل متابعة دوريه وتبص كل فترة اسبوع مثلا على القربة وهتلاقى فيها حد ادنى وحد اقصى والافضل طبعاً انك متعديش الحد الاقصى فى حالة تزويدها بالمياه ، وذلك يعنى انها لو نقصت شوية تقوم بتزويدها هى ولا تقوم بفتح الردياتير من الاساس لانك لو فتحته ممكن متقفلوش جامد فيحدث تسريب بالمياه اثناء دوران العربية
والقربة على ما اعتقد طالما فيها مياه فهذا يعنى ان الردياتير مليان وبالتالى لا حاجة لفتحه الا فى حالة واحدة فقط ان العربية سخنت معاك لاقدر الله ولقيت القربة فاضية خالص وفى هذه الحالة اوعى تفتح الردياتير الا لما العربية تبرد تماماً او تكون ماسك فوطه كبيرة فى ايدك لان ممكن لو فتحت البخار بتاعه ممكن يأذيك لاقدر الله وفى تلك الحالة يتم تزويد الردياتير نفسه بالمياه بشرط ان تكون العربية دايره خلى بال سيادتك دايرة حتى لا تؤذى العربية ايضاً او تكون بردت خالص
وبخصوص وظيفة القربة دى فهى ان الميه لما بتغلى فى الردياتير بتروح لمية القربة اللى بتكون بردة طبعا تتخلط معاها وتبرد وترجع تانى للردياتير وده معناه الاتى
لو القربة فاضية عن الحد الادنى مية الردياتير مش هتلاقى ميه باردة تتخلط فيها علشان تبرد وترجع للردياتير
لو القربة مليانه على الاخر مية الردياتير مش هتلاقى مكان فى القربة من الاساس
وعليه فالافضل عدم تجاوز الحد الاقصى عند تزويدها
واذا سخنت كمان مية القربة فبيتم اخراج السخونه والصهد والبخار منها عن طريق الغطاء الخاص بها لو بصيت حضرتك فيه هتلاقى فيه ثقوب عشان تخرج البخار والصهد وده السبب ان مية القربة بتلاقيها بتنقص كل شوية فى حالة عدم وجود اى تسريب فى دورة مياه التبريد وارجو ان اكون قد وضحت وافدت والله اعلم

[Lion_Heart]

شكرا لتوضيحك بعض النقاط الهامة فى عملية تزويد مياه الريداتير

[dr_walid]

طيب فى حد يعرف مكان كويس ممكن اغير فية مية الريداتير

[3omer]

طيب فى حد يعرف مكان كويس ممكن اغير فية مية الريداتير

إتكل على الله ووفر فلوسك ومصاريفك حطلها من المايه اللى نازله من التكييف صدقنى عن تجربة انسى أي حاجه اسمها صدأ بعد كده بس بشرط بعد ما تفرغ المايه القديمة اللى عندك بصداها نهائى وصدقنى عن تجربة ونصايح من أصدقائى شغالين على الموضوع ده من قبلى