هو في ايه !!! العربيه مش بتاخد الغيار التاني

[ahmed elsherif]

انهارده فجأه العربيه لقيتها مش بتاخد الغيار التاني كل الغيارت شغاله ما عدا التاني
انا خايف تكون حاجه كبيره في الفتيس والعمليه مش ناقصه فتيش خالص اليومين دول

[samirayad]

شاهين 2007 .......ومبدره ليه كده ......لأن كده أحتمال يكون العيب من غويشة الأول والتانى......أو مجموعة التانى نفسها ( عاوزه تتغير ) عموما ........أرجو أن أكون مخطىء فى التقييم.........................................وأ تمنى أن تكون مجرد زوبعه فى فنجان ...........!!!!!!!!!!!!!!

[ahmed elsherif]

طب والزوبعه في الفنجان دي بتيجي ازاي يا هندسه انا كده مش فاهم حاجه هي الغويشه دي تعملها كام ودي ححاجه كبيره ولا ايه

[SAMEH_FOUAD]

انت كدة هاتفك الفتيس وهاتكشف علية وغالبا هتغير مجموعة التانى ,زى مالاستاذ سمير قال ,وهية مش غالية قوى

[x_gomgom]

انا بس عايز اقول حاجه عم واقع التجربه:
لو فعليا الغيار التاني فقط هو اللي مش بيجي معاك و لو شديت هليه بيعمل زي صرخه و مش بيرضا يحجي معاك و انت ناشي و لو مبطل العربيه و جربيته لاقيته بيجي معاك عادي دا بنسبه كبيره غويشه الترس التاني...
علي حسب معلوماتي مهمه الغويسه هي تثبيت اسنان الترس اثناء التعشيق ولو بايض متجيبش غيار معاك غير لما تكون العربيه واقفه...
اناا حصل معايا الموضوع دا بس في الاول (عربيه بولونيز) و نطر الغويشه و اشتغل عادي بس لازم اجيب الاول و العربيه متوقفه تماماً ( حظي انها جت في الغيار الاول)
لكن في حالتك الغيار التاني الخيار دا مستبعد و لازم تغير الغويشه (هي على ما اتذكر ب حوالي 30 جنيه) هو عيب الموضوع كله انك مضطر انك تنزل الفتيس....
و نصيحه من اخ بلاش اي ميكانيكي يلعبلك فيه في ميكانيكيه متخصصين في الفتيس فقط (الغلطه فيه بجير بوكس كامل )
يا رب اكون افدتك

[samirayad]

طب والزوبعه في الفنجان دي بتيجي ازاي يا هندسه

دى مجرد أمنيه منى ليك لأنك بتقول

انهارده فجأه العربيه

.....لأننى زعلت فعلا ....على تعرض الفتيس لعيب بسرعه كده ......وبرضه شوف النظام مره وأكتر كده معاك فى النقل ......وأكشف على زيت الفتيس أو غيره بزيت خفيف ........يعنى جرب كل حاجه الأول....حتى شيك مع ميكانيكى على وضع دواسة الدبرياش ... .....يمكن ربنا يسهل ويحصل خير وتلاقيها أتحلت من عنده .........!!!!!!!!!!!

[ahmed elsherif]

يالا وبالمره هغيرلها طقم دبرياش بما اننا هنحل الفتيس ويارب تكون اخر الاعطال انا لسه طالع من عطل كان مدوخني انا وميكانكيه طنطا عشان العربيه كانت بتعلق في الدواره

[samirayad]

وميكانكيه طنطا عشان العربيه كانت بتعلق في الدواره

ميكانيكية الغربيه .....كويسين عن اللى عندى هنا .....وصدقنى !!!!!!!!!!!

[jojooo]

بص ياسيدى 95% دى عيب مجموعة التانى هو عبارة عن برميل و غويشة وترس المجموعة
حاجة فى دى او كلهم هما اللى غير سليمة هما مش غلين كلهم بحوالى 100 جنية
التكلفة فى اية!!!! ثمن فك وتركيب الفتيس من العربية ......... و الراجل بتاع الفتيس بياخد لوحدة 80 جنية؟
انا حبيت اوضحلك علشان تكون على نور قبل ما تفك
نصيحة بلاش الميكانيكى يعملك الفتيس لان الشغل دى محتاج مهارة

[ahmed elsherif]

.وأ تمنى أن تكون مجرد زوبعه فى فنجان ...........!!!!!!!!!!!!!!

وبعديين بقي ياهندسه انا نزلت الجراج انهارده وراكنها من اول امبارح لقيت العربيه بتاخد الغيار تاني عادي هي دي زوبعة فنجان ولا في ايه انا مش فاهم حاجه

[samirayad]

على فكره أنا غرباوى زيك برضه ..........هى لسه نوة الزوابع مجتش ....ههههههههههههه......بس هقولك على حاجه .....ماتكشف على زيت الفتيس ......وغيره بزيت فتيس 90 وظبط مقاسك كويس .......وجرب كده ..........يمكن ربنا يهديها .....وخللى تجاربك كلها فى نطاق طنطا .....ومتسافرش بالعربيه أسبوع مثلا بره طنطا .........على ماتطمن على كل حاجه .........يمكن الزوبعه تهدى برضه وربنا يقدم الخير ..........أصل العربيات دى أفلام بجد .....

[ahmed elsherif]

على فكره أنا غرباوى زيك برضه

خلاص يا هندسه هستناك تنور عندنا في محلة مرحوم لو تعرفها

[samirayad]

ياباشا ....أنا من بسيون .....وطريقى القديم كان من محلة مرحوم ثم برما ثم كفر العرب وهكذا لحد البلد ......ولكن دلوقتى بأدخل من المدخل اللى قبل كفر الزيات الى برما وأكمل .............هههههههههههههه

[ahmed elsherif]

[quoteياباشا ....أنا من بسيون .....وطريقى القديم كان من محلة مرحوم ثم برما ثم كفر العرب وهكذا لحد البلد ......ولكن دلوقتى بأدخل من المدخل اللى قبل كفر الزيات الى برما وأكمل][/quote]
لا يا بشمهندس لازم ترجع تنور الطريق عندنا تاني

[samirayad]

لا يا بشمهندس لازم ترجع تنور الطريق عندنا تاني

الله يخليك يا أستاذ : أحمد ...........وسلامى للجميع عندنا فى الغربيه....وأيه أخبار الزوبعه أياها ياباشا .............أرجو أن تكون فعلا كانت زوبعه وعدت............هههههههههههه