اسئلة عن تكيف السيارات

[SAMEH_FOUAD]

ازاى الواحد يعرف ان كمبروسير التكيف بايظ ,
ولو التكيف بيخرج هواء بس مش بارد نهائى يعنى المروحة بس هية الى شغالة يبقى دة من اية

عايز بس اتاكدت من المعلومات دية

[M.FOUAD]

ممكن يكون فية وصلة من الوصلات بتنفس
او ممكن الكومبريسور نفسة بينفس
ممكن البوبينة بتاع الكباس بايظة
او الكباس قفش

[samirayad]

ازاى الواحد يعرف ان كمبروسير التكيف بايظ

الكمبروسورات أنواع .....ولكن بالنسبه للنوع الأكثر أنتشارا .....وهو ذو المكابس التردديه .....وبيسمى الضاغط الترددى (فى الدايو قلب الضاغط عباره عن 6 مكابس بتعمل داخل غرف أو شمايز صغيره ) زى محرك ثنائى الأشواط بست بساتم بالضبط ......بيتم تحريك البساتم دى بجزء شبه الكامه بتصميم هندسى معين والجزء ده أسمه رأس الضاغط وهو الأساسى فى توليد ضغط الفريون..........بحيث يتم توزيع عملية الكبس على الست بساتم بالترتيب ....علشان ناخد الضغط النهائى ......طبعا بيتم تزييت البساتم دى من الخلف وميكانيزم الحركه التردديه بزيت الكمبروسور لتقليل الأحتكاك والتبريد فى نفس الوقت ......لما الزيت بيهرب من بين البساتم الى الشمايز بسبب العمر الأفتراضى بتيدأ تقل كغاءة التزييت .....هنا بتزيد عملية الأحتكاك ويبدأ ظهور صوت خشونه داخل الضاغط .....وفى نفس الوقت بيقل الضغط الخارج من الضاغط (زى ماتكون الشنابر مفوته بالضبط بالنسبه للمكنه ) .....هنا بقه بيبقى خلاص الضاغط بدأ يودع ......وده العيب اللى ملوش علاج الى حد ما .......ولكن هناك عيب آخر وهو حدوث تفويت للفريون من على محور الضاغط بسبب تلف السيل اللى وراء كلاتش تعشيق الضاغط على محوره ......وليه طريقة أختبار معينه ............وأعتقد عندنا بيكبروا دماغهم ويقولولك غيره ............هما غرمانين حاجه .............الا من رحم ربى

ولو التكيف بيخرج هواء بس مش بارد نهائى يعنى المروحة بس هية الى شغالة يبقى دة من اية

على حسب تصميم دايرة ضغط الفريون ( فمثلا فى الدايو وعندك برضه ) الدايره بتصمم بحساس لقياس ضغط الفريون على مخرج خط الضغط العالى .....لو الضغط تمام ....وطلبنا التكييف .....وحدة اللتحكم بتروح ملقطه كلاتش تعشيق الضاغط (الكمبروسور )......طيب لو الضغط كان قليل .....الكمبروسور مش حيضخ فريون ....حتى لو طالب التكييف (لأن الكلاتش مفصول ....والوحده غير راضيه عن قيمة الضغط فى الدايره بسبب أشارة الحساس .....لأن الحساس ده هو عينها ....اللى بتشوف بيها ضغط الفريون ............فى الحاله الأخيره دى ....لو شغلت التكييف والمروحه طبعا .....مش حيجيلك غير هواء بحراره عاديه جدا (حرارة الجو الخارجى )......

[samirayad]

طبعا بيتم تزييت البساتم دى من الخلف وميكانيزم الحركه التردديه بزيت الكمبروسور لتقليل الأحتكاك والتبريد فى نفس الوقت ......لما الزيت بيهرب من بين البساتم الى الشمايز بسبب العمر الأفتراضى بتيدأ تقل كغاءة التزييت .

أستدراك واجب.....لحين التحقق النهائى

فى الواقع الجزئيه دى غير دقيقه شويه .......وتقريبا الزيت بيكون فى كل الدوره ....لأننى قرأت بالنسبه لأنواع الفريون ال 134a ......وزيت الضواغط من النوع ال bag .....بيتم تفريغ نسب زيوت من الكمبروسور ...أو الreciver drier أو ال acuumalator وقت الأختبارات أو التغيير لأى قطعه منهما وبكده يبقى الزيت بيمشى مع الفريون فى كل الدوره بتاعة الفريون تقريبا ....بهدف التزييت لكل الأجزاء .....وطبعا المهم هو تزييت أجزاء الضاغط أساسا .......بس بعض صانعى السيارات بيفضلوا زيت ضواغط من النوع ester لأنه مابيمتصش الرطوبه الى حد ما زى الزيت من النوع bag ...........على فكره دى معلومه تقريبيه ....لحين ثقل الحته دى شويه ....من خلال الأطلاع المستقبلى .........لأنها لسه فعلا مش متظبطه معيا شويه .............شكرا ووجب الأستدراك من جانبى

[A.Saad]

باشمهندس سمير
الله يجازيك خير عن ردودك

انا معايا بيكانتو موتورها 1100
اما بهدى السرعة بلاقى ان درجة برودة الهواء بتقل واما ارجع ازود السرعة درجة البرودة تزيد
هل ده طبيعى ولا فيه حاجة

[samirayad]

باشمهندس سمير
الله يجازيك خير عن ردودك

انا معايا بيكانتو موتورها 1100
اما بهدى السرعة بلاقى ان درجة برودة الهواء بتقل واما ارجع ازود السرعة درجة البرودة تزيد
هل ده طبيعى ولا فيه حاجة

الله يخليك .....وأنا عاوزك تنظف مكثف التكييف كويس ....بالماء وممكن بعد كده بالهواء المضغوط ....لجعل هواء المروحه يتخلل زعانف التبريد كويس ......قبل مانقول العيب من سرعة المروحه مثلا ....أو من نقص فى الفريون ......فنشوف السهل الأول ............لعل وعسى

[samirayad]

فى الواقع الجزئيه دى غير دقيقه شويه .......وتقريبا الزيت بيكون فى كل الدوره ....لأننى قرأت بالنسبه لأنواع الفريون ال 134a ......وزيت الضواغط من النوع ال bag .....بيتم تفريغ نسب زيوت من الكمبروسور ...أو الreciver drier أو ال acuumalator وقت الأختبارات أو التغيير لأى قطعه منهما وبكده يبقى الزيت بيمشى مع الفريون فى كل الدوره بتاعة الفريون تقريبا ....بهدف التزييت لكل الأجزاء .....وطبعا المهم هو تزييت أجزاء الضاغط أساسا .......بس بعض صانعى السيارات بيفضلوا زيت ضواغط من النوع ester لأنه مابيمتصش الرطوبه الى حد ما زى الزيت من النوع bag ...........على فكره دى معلومه تقريبيه ....لحين ثقل الحته دى شويه ....من خلال الأطلاع المستقبلى .........لأنها لسه فعلا مش متظبطه معيا شويه .............شكرا ووجب الأستدراك من جانبى

أنا تقصيت على الكلام ده من أخصائى تكييفات ....وفعلا واضح أن حصل لبس معايا شويه وقولت الكلام ده ......يبقى نخلينا على المبدأ الأولانى .................أن الزيت لايغادر الضاغط ..........شكرا وبأعتذر على التردد الى حد ما ............

[samirayad]

ده رد تانى بخصوص الناحيه الفنيه لوضع الزيت فى دايرة التكييف ...

أنا تقصيت على الكلام ده من أخصائى تكييفات ....وفعلا واضح أن حصل لبس معايا شويه وقولت الكلام ده ......يبقى نخلينا على المبدأ الأولانى .................أن الزيت لايغادر الضاغط ..........شكرا

[SAMEH_FOUAD]

على فكرة لما بيكون الهواء اللى طالع من التكيف هواء عادى مافيهوش برودة يبقى العيب ان الفريون قليل جدا ,ولازم يتشحن

[moudy88]

ازاى الواحد يعرف ان كمبروسير التكيف بايظ ,
ولو التكيف بيخرج هواء بس مش بارد نهائى يعنى المروحة بس هية الى شغالة يبقى دة من اية

عايز بس اتاكدت من المعلومات دية

لو عايز تعرف اذا كان كمبريسور التكييف بايظ ولا بيشتغل بس مفيش فريون .....افتح الكابوت وشغل التكييف ..لو الكمبريسور شغال هتسمع صوت تكه مميزه ....وبرده زياده في التاكيد وانت ماشي بالعربيه شغل التكييف لو السحب اتاثر يبقى الكمبريسور شغال لو متاثرش وتشغيله زي قفله يبقى مش شغال

[tananybasha]

كلام كبير و كتير و جامد

[mohammedly]

لو سمحت اناعندي سؤال مهم انا عندي التكيف شغال بس جيت اغير فلتر التكيف اكتشفت انه مفيش فلتر راكب وربنا يسامح الى شاله ودلوقتي مش عارف اركب الجديد على كدة و لا لازم انضف التكيف واذا كان هيبقى اذاى وهل فى اسبراى تنضيف واسف لو كنت طولت