الشكمان

[A.samy]

صوت العربية بقى مزعج المهم روحت لبتاع شكمانات بص على الشكمان وقالى العلبة الخلفية عايزة تتغير وورانى العلبة فعلا لقيت فيها مش خرم لقيت فتحة قد عقلة الصباع ويمكن اكبر يعنى العلبة ضايعة .
وقالى انو هيركبلى علبة ماركة ابو اليزيد
المهم لية بعض الاسئلة لو مشيت بيها كدة هل ليها تأثير غير الصوت العالى فقط ولا ليها تاثير على حاجة تانية فى العربية وهل فى ماركة افضل من ابو اليزيد اخلية يركبها .
على فكرة العربية لانوس

[amr mokhtar]

طبعآ بيبقى ليها أثار أخرى زى ممكن تسخن العربية و بيأثر فى سحب الموتور ده غير الدوشة اللى الواحد بيبقى سامعها

انا لسه مغير علبة الشكمان من يومين و العربية برضه صوتها كان عااااالى و سحبها مش حلو

و ركبت العلبة ماركة أبو اليزيد و على فكرة علبة نضيفة و كويسة و صوتها ناعم و نفس صوت العلبة الأصلية رغم انى كنت بركبها و انا مش واثق فيها

[M.FOUAD]

الشكمان مبياثرش على حاجة على حد علمي

[A.samy]

الشكمان مبياثرش على حاجة على حد علمي

انت متاكد انة مبيأثرش على حاجة
بس انا فعلا حاسس ان سحب العربية وحش

[أبــوحبيبه ونور]

الشكمان مبياثرش على حاجة على حد علمي

اعتقد ان كل جز فى العربية له وظيفة ولو عدم وجودة مش بياثر مكنوش عملوه على حد علمى

[samirayad]

مش عارف الأمور لسه مش متظبطه ليه معايا فى الأرسال من الصندوق الماسى السريع ....عموما أنا أقتبست الكلام وعملت كوبى ليه ....ودخلت بيه على الماسى الكبير

انت متاكد انة مبيأثرش على حاجة

ياباشا بيأثر على السحب ......لأن العلبه دى أسمها كاتم للصوت silencer ....وليه تكوين هندسى معين (جدران عموديه مخرمه ) وتوزيع سريان معين لحركة العادم وهو خارج من الشكمان ( والشكمان .....سمى شكمان أساسا بسبب العلبه دى ) لأنه بتكتم الصوت وبالبلدى كده بتحير حركة العادم وتكتم صوته وهو ماشى فى دهاليزها.......لحد ما العادم يطلع من الماسوره الخلفيه .....

بس انا فعلا حاسس ان سحب العربية وحش

غيرها وتوكل على الله .....لأنها زمانها بتشخشخ وتالفه من التكوين الداخلى ...........وكده كده حتغيرها (أن عاجلا أم آجلا )....ومع تغييرها حتحسن بتحسن فى السحب.....لأن سريان العادم حينتظم والمكنه حترتاح كمان .................

[lancerevolution]

ما فيش بعد كلام الباش مهندس سمير

[SAMEH_FOUAD]

اة طبعا بياثر على السحب وفرق ملحوظ ,وبمنع سخونة المكنة ,وبيهدى الصوت ,بس لو عايز تهدى الصوت اكتر بيبقى من الفلتر الامامى اللى بعد الفرن على طول

[samirayad]

على فكره .....سمى الشكمان بالأسم ده .....بسبب العلبه دى .....لأنها بتشكم الصوت .....يعنى بتكتمه .....بتحييرها لغازات العادم جواها قبل الوصول للماسوره الخلفيه ......أصل البيه العادم بيبقى جاى من المكنه وجواه طاقه وسريع جدا .....العلبه دى بقه بتشكمه وتحيره جواها السبع دوخات ....علشان تهده شويه ....وصوته يقل ....علشان كده بنسميها ( العلبه ) دى فى لغة هندسة المحركات (كاتم الصوت ) أو ال silencer .....وكلمة سايلنسر .....قامه من كلمة سايلنت الأنجليزيه ....يعنى ساكن أو مكتوم ...........!!!!!!!!!!!!!!!!

برضه ....ده أقتباس خاص بى من الصندوق بتاع السريع ....اللى مش شغال كويس معايا ...........أرجو التوفيق لفريق الدعم الفنى بالمنتدى .....لعمل الازم من ترقيات وتحسين بهذا المنتدى الطيب .....................

[A.samy]

استاذ سمير انت فعلا انسان محترم يكفى انك مبتبخلش على حد بالمعلومة حتى لو كان الكلام بالنسبة لحضرتك متكرر بتشرحة بطريقة علمية كأنك اول مرة تشرحة ومن يملك هذة الملكه يجب ان يكون استاذ جامعى ولا انا غلطان

[samirayad]

الله يخليك يا أخويا : أحمد ............وربنا يديم المعروف ......وبجد أنت من الناس التى بأكن لها كل تقدير فى المنتدى عامة .....لما لمسته فيك من شهامه ورجوله وحق لا أستطيع نكرانه ......فبكل صدق وأمانه ........أنت نعم الرجل ......فتحياتى لك يا أخى .........

[ابو حسين]

والله ياهندسه انت راجل محترم

[samirayad]

والله ياهندسه انت راجل محترم

وأنت كمان ههههههههه ....يا أبو حميد ......يظهر كل اللى أسمه أحمد كده راجل محترم فعلا ............(أمال ياعم أسم النبى عليه الصلاة وأفضل السلام ) اللهم صلى وسلم وبارك عليه .......

[أبــوحبيبه ونور]

طيب ممكن سؤال مين احسن حد بيشتغل فى الشكمانات وهل عنده قطع غيار ولا تركيب فقط انا اسمع ان ماركة ابو اليزيد ممتازة

[dr_sh2004]

بياثر طبعا علي صوت الموتور وسحب العربيه عن تجربه