برجاء النصح والإرشاد

[Mohamed A S]

الأخوة الكرام
السلام عليكم ورحمة الله وبركاته
وأنا ماشي انهارده الصبح رايح الشغل سمعت صوت خبط جامد أوي ركنت نزلت أشوف إيه الحكاية وجدت أن فردة الكاوتش الخلفية الشمال مقطوع منها خصلة حوالي 20 سم والطرف الثاني لسه ثابت في الكاوتش وطبعاً عمالة تخطب في العربية من تحت .. المهم قطعتها ومشيت.
تنصحوني بإيه .. هل ممكن أمشي على الكاوتش بالحالة دي والا أغيره واجيب كاوتش جديد .. على فكرة أنا الاستبن عندي لسه زيرو منزلش الأرض .. هل لو حطيته مع الفردة الثانية اللي ورا هيأثر على أداء العربية.
برجاء النصح والإرشاد

[إسلام شاهين]

لأ طبعا متمشيش عليها خالص .

الحل الأول اللي إنت قولته إنك تنزل الاستبن بس شوف العربية عامله كام كيلو متر لو اقل من 5000 توكل على الله لو أكثر هات فرده جديدة وريح نفسك .

المشكلة ديه حصلت معايا بس قدام مش ورا ولما ركبت الاستبن العربية بقى فيها حدفه خفيفة يمين بس مع ضبط زوايا راحت والحمد لله ، إنت المشكلة عندك ورا وده أرحم من قدام لو نزلت الاستبن إن شاء الله مش هتلاحظ حاجة خالص .

[Mohamed A S]

ألف شكر على ردك .. العربية عاملة أكثر من كده بكثير طبعاً .. هنزل الاستبن واشوف هيعمل معايه إيه .. بس طبعاً الفردة اللي اتقطعت مش هتشتغل ثاني بأي حال من الأحوال يعني لازم فرده جديدة .. مظبوط.

[إسلام شاهين]

والله على حسب القطع إنا مش عارف شكله أنا عندي شغلتها بس داخلس ورقعتها استبن وشغاله الحمد لله روح لبتاع كاوتش كويس وهو يقولك هتنفع ولا لأ بس خلي بالك إنها طبعا مش هتنفع غير استبن .

[MMamdouh]

انا مش من انصار ان الاستبن يبقى عجلة اى كلام بالعكس دة لازم يبقى احسن فردة عندك...اصلك بتركب الاستبن لما تتزنق و عجلة تنام يبقى لازم تفك زنقتك بحاجة مضمونة مش فردة تبيعك بعد 2 او 3 كيلو

MMamdouh

[Adham]

انا مش من انصار ان الاستبن يبقى عجلة اى كلام بالعكس دة لازم يبقى احسن فردة عندك...اصلك بتركب الاستبن لما تتزنق و عجلة تنام يبقى لازم تفك زنقتك بحاجة مضمونة مش فردة تبيعك بعد 2 او 3 كيلو

MMamdouh

+1

[Mohamed A S]

طب تنصحوني إجيب فردة كاوتش جديدة منين (على فكرة الاستبن زي ما قلت زيرو وهو بريدجستون) ويا ترى سعره يكون كام .. أنا من سكان شارع الاربعين جسر السويس .. يا ترى أقرب واحد كويس اجيب منه كوتش يكون فين وبكام. مع جزيل الشكر

[thegreatnileman]

هات فردة جديدة خليها استبن وشغل الاستبن وشوف لو اشتغل تمام خلاص

[شريف]

هات فردة جديدة زى الاستبن بالظبط و ركبها مع الاستبن
و ارمى الفردة اللى كانت راكبة و خلى اللى فى الناحية التانية استبن
عشان عمر الفردتين يكون واحد

[modux]

هاتها من الروماني في جسر السويس

[hazem_khidr]

طب يا تري انت غيرت كاوتش قبل كده ولا لاء؟؟؟
و يا تري العربيه عامله كام كيلو؟؟؟
لو انت ما غيرتش كاوتش قبل كده و العربيه معديه ال 40 الف كيلو يبقي اللي حصل عندك دا علامه ان الكاوتش عمره الافتراضي بدا ينتهي و الحل
انك تشتري فردتين جداد و تركبهم قدام و تاخد الاتنين الامامين تحطهم ورا و تشيل الفرده السليمه احتياطي عندك و ترمي الفرده المطوعه دي خالص و بعد كام شهر ابقي اشتري فردتين تانين و برضه حطهم قدام و الاتنين اللي قدام تنزلهم ورا

[Adham]

طب يا تري انت غيرت كاوتش قبل كده ولا لاء؟؟؟
و يا تري العربيه عامله كام كيلو؟؟؟
لو انت ما غيرتش كاوتش قبل كده و العربيه معديه ال 40 الف كيلو يبقي اللي حصل عندك دا علامه ان الكاوتش عمره الافتراضي بدا ينتهي و الحل
انك تشتري فردتين جداد و تركبهم قدام و تاخد الاتنين الامامين تحطهم ورا و تشيل الفرده السليمه احتياطي عندك و ترمي الفرده المطوعه دي خالص و بعد كام شهر ابقي اشتري فردتين تانين و برضه حطهم قدام و الاتنين اللي قدام تنزلهم ورا

+1

ويفضل ان تترك الاستبن بتاع الفابريقة علشان لو بتبيع العربية فية ناس بتقول ان استبن الفابريقة لم يستعل بيرفع من قيمة العربية

[eng_mkhalaf]

طب يا تري انت غيرت كاوتش قبل كده ولا لاء؟؟؟
و يا تري العربيه عامله كام كيلو؟؟؟
لو انت ما غيرتش كاوتش قبل كده و العربيه معديه ال 40 الف كيلو يبقي اللي حصل عندك دا علامه ان الكاوتش عمره الافتراضي بدا ينتهي و الحل
انك تشتري فردتين جداد و تركبهم قدام و تاخد الاتنين الامامين تحطهم ورا و تشيل الفرده السليمه احتياطي عندك و ترمي الفرده المطوعه دي خالص و بعد كام شهر ابقي اشتري فردتين تانين و برضه حطهم قدام و الاتنين اللي قدام تنزلهم ورا

+1

ويفضل ان تترك الاستبن بتاع الفابريقة علشان لو بتبيع العربية فية ناس بتقول ان استبن الفابريقة لم يستعل بيرفع من قيمة العربية

+1
وهذة علامة على سذاجة الشارى وللعلم أغلبهم كدة

[Mohamed A S]

ألف ألف شكر يا رجالة منتدى نايل موتورز .. مش عارف من غيركم كنت عملت إيه.

[Mohamed A S]

ألف ألف شكر يا رجالة منتدى نايل موتورز .. مش عارف من غيركم كنت عملت إيه.