سؤال فى صوت الموتور

[moudy2002]

اولا كل سنة وانتوا جميعا طيبين
بجد انا لازم مايعديش عليا يوم الا ولازم اعدى على المنتدى واقعدلى ساعتين تلاتة ولا احاجة
بجد احسن حاجة هنا ان الناس قلبها على بعض وبتساعد بعد لوجة الله الكريم ..

المهم كفاية تثبيت لغاية كدة ونتقول المشكلة ... :o

صوت الموتور من اسبوع كدة حاساس انه عالى وبقى رخم . مع العلم ان العربية لما تكون سخنة بيكون ال ال rpm تحت الواحد بشرطة يعنى 9 او 8 من عشرة ...
مش عارف هل كدة طبيعى ولا اية ؟
مش المفروض ال rpm يكون قرب الصفر والعربية سخنة وفى حالة الثبات . ممكن اعرف هو دة العادى ولا كدة الموتور لازم يتظبيط على الكمبيوتر ؟؟ عشان الصوت يوطى شوية
مع العلم انى لسة مغير زيت موتور شل سوبر 5000 ك الجركن الاصفر
العربية اكسنت 1500 موديل 2000
وتانى كل سنة وانتو طيبين

[Adham]

ودي العربية يتكشف عليها ربما محتاجة ضبط تاكيهات

و محتاجة تتوطى شوية عالسيلانسية

مفروض تكون على 750 لفة في الار بي ام و هيه سخنة وواقفة و التكييف مفصول

يعني يكون العداد في النص بين الالنصف و الواحد عالار بي ام

[eng_mkhalaf]

بس العربية الشاشات بتظبط أوتوماتيك

[Adham]

بس العربية الشاشات بتظبط أوتوماتيك

يعني أية ؟

[moudy2002]

شكرا للاهتمام
بس حبيت اوضح حاجة يمكن تفيدكو وتقدرو تساعدونى علشان مفيش حد يشتغلنى من الكفتجية
الصبح وانا بسخن العربية . بسمع صوت تكتكة من الموتور بص اول ما العربية تسخن يعنى 3 دقايق بيروح صوت التكتكة دة خالص . وكمان تسقيف الموتور زاد شوية ودة كان مصاحب لزيادة صوت الموتور .
ارجو ان تكون الصورة وضحت شوية وممكن تقولولى الموضوع اية

وجزاكم الله خيرا

[Adham]

تاكيهات و راجع تقسيمة الكاتينة و الاسبراتير بالمرة

[eng_mkhalaf]

يعنى واحد ECU بتظبط الرشاشات على 750 RPM أو حسب البرنامج بس لما تعديل الأشارة بيعدى الليفل المحدد بتديك Check eng. عالطول

[Abdallah]

8 او 9 تندرج تحت بند الطبيعى واعتقد ان العربيات دى مفيهاش اسبراتير ولكن ليا سؤال علامة الشيك انجن ظهرت واختفت قبل كدة ؟؟؟

[Adham]

8 واعتقد ان العربيات دى مفيهاش اسبراتير

:shock: !!!!!

[moudy2002]

حبيبى Abdallah
انا مشتكتش من علامة الشيك انجن قبل كدة الظتهر ان الامر اختلطت عليك ما بينى وبين مشارمة الاخ eng_mkhalaf
وشكرا مقدما

[kimo]

الصوت دة ظهر بعد عمل تغير فى سير الكاتينه لو كذالك يبقى سير الكاتينة مش مظبوط

[moudy2002]

كيمو باشا
انا لسة شارى العربية من شهرين والرجل الى انا شارى منه قالى انه مغيرة قريب وممكن اغيره لما العربية تكمل 100.000 كيلو وهى حاليا عملة 93.000 ك بس الصوت فكدة يبقى الصوت دة مش من سير الكاتينة لان العربية كانت تمام من حوالى اول ما ختها من شهرين والصوت دة بقالة اسبوع تقريبا

هو ممكن يكون فى علاقة بين التسقيف الى زاد معايا وصوت الموتور الى على معاه ولا اية ؟؟

[hazem_khidr]

موضوع التسقيف ادا من البنزين و توقيت اشعاله.
يا تري انت غيرت البنزين اللي بتحطه يعني كنت بتحط 92 مثلا و بعدين حطيط اقل؟؟؟؟؟
لو قللت رقم الاوكتان من غير ما تظبط الكهربا يبقي العربيه حتسقف.
اما بالنسبه للصوت ف دا ممكن يكون تاكيهات او حاجات كتير اوي يستحسن تروح لميكانيكي كويس يشفهولك علشان انا مش قادر اتخيله

[Adham]

اضبط التاكيهاااااااات

و صوت التكتكة اول الدوارة حايمنع

و راجع ضبط السير بتاع الكاتينة و ضبط كهرباء الاسبراتير علشان التسقيف

بس كدة

وماتنسانيش في الدعاء

و كل عام و انتم بخير

[moudy2002]

اخوانى الكرام
انا رحت لميكانيكى اضبط التاكيهات قلى ان العربية دة ملهاش ضبط تاكيهات بس فية ضغط زيت بس ( طبعا مش عارف يعنى اية )
هل الكلام دة صحيح ولا اية
ممكن اروح بنزينة محترمة اعمل check على الموتور ممكن يكون عايز يقل شوية لان صوت الموتور بيبقى عالى الى حد ما اول ما rpm يوصل لحد 3 ؟؟؟؟
كمان العربية دة فيها سلك دبرياج ولا ضغط زيت علشان الفتيس تقيل شوية وعايز اكشف على الدبرياج قبل ما خش فى دوامة الفتيس وتصليحة
اعمل اية للافادة
وشكرا