الى كل خبراء الكليو فى المنتدى وخاصا ليمو باشا خبير الكليو

[mazgangy]

عندى لمبه الصالون مش بتنور الا لما افتح باب وطبعا مفيش زرار علشان انور منه لما بحثت لقيت انى لما ادوس على اللمبه نفسها بتتحرك يمين وشمال بس برضوا متنورش اللمبه فعايز اعرف يا ريت لو فى طريقه معينه ليها والا ده عيب من عندى والا فى ايه وشكرا يا ليمو مقدما لانى انا عارف انك اللى حترد عاليا

[limo]

لا شكر على واجب يا باشا انت تأمر
لمبه الصالون بتشتغل من جسم اللمبه عن طريق الضغط عليها من الامام والخلف
اخر ضغطه من الخلف مش هتنور اللمبه خالص حتى لو فتحت الباب
بعد كده اضغط على اللمبه من الامام ضغطه واحده المفروض اللمبه تشتغل لما تفتح الباب
لو ضغطت على اللمبه من الامام مره اخرى المبه هتنور على طول
لو المبه منورش افتح عطاء الفانوس بمفك عاده من ناحيه اليمين وشوف اللمبه لو كانت محروقه
لو مفيش فايده اكشف على الفيوزات
على فكره لو فتحت البابين الخلفين لمبه الصالون مش هتنور علشان مفيش زراير فى البابين الخلفين بس انت ممكن تركبهم

[mazgangy]

شكرا ليك يا باشا بس اللمبه اكيد مش محروقه لان اللمبه بتنور لما بفتح الباب بس مش بتنور وانا قافل الباب حتى لو ضغط عليها من فوق ومن تحت ومن اى حتى حولت معاها كتير وبليل لما اجى اشوف حاجه لازم اركن وافتح الباب نص فاتحه علشان اشوف قياريت يا باشا تقولى الحل والعيب من ايه كده

[limo]

المفروض اخر ضغطه عليك اللمبه تنور على طول سواء فاتح الباب او مقفول
والمفروض اخر ضغطه ناحيه الكابوت ده المفروض انها تقفل نور الصالون خالص ونور فتح الباب
الضغطه الى فى النصف بنور نور الصالون عند فتخ الباب فقط
خلى بالك عند الضغط على الفانوس الفانوس بيتغير وضعه
يعنى مثلا لو عايز النور ينور على طول هلاقى الفانوس متجه ناحيه الصالون
لو عايز النور ينور مع الباب هتلاقى الفانوس معدول مع سقف العربيه
لو مش عايز النور ماينورش خالص هلاقى الفانوس متجه الى ناحيه الكابوت

لو النور مبنورشى والفانوس متجه ناحيه الصالون يبقى الفانوس فيه مشكله بسيطه بما انك بقول اللمبه شغاله وبالتالى الفيوز هيكون سليم وده اى كهربائى يعملهالك بسهوله

[mazgangy]

الف شكر ليك يا باشا

[kimo]

فك الفانوس كلة الى الخارج بالضغط بسن مفك من ناحية اليمين وبعد ذالك فك سوكت الفيشة وخد الفانوس برة فك غطاء الفانوس المتحرك من ناحية اليمين ايضا يوجد 2ريشة فى جانب و2 فى جانب حاول تلمهم الى الداخل بعض الشىء دى حصلت معايا وانا عملتها بنفسى وشغالة زى ما الاخ ليمو شرحلك

[mazgangy]

الف شكر ليك يا كيمو بس انا مش فاهم ازاى معلش اصل انا جديد فمش فاهم اغوى معلش عايز شرح مبسط وافضل من ده وشكرا عارف انى حتعبك معايا