إعـــــــلان

Collapse

.

,
See more
See less

ياريت حد يساعدنى فى مشكلة الفرامل فى عربيتى عشام خلاص حتجنن

Collapse
X
 
  • Filter
  • الوقت
  • Show
Clear All
new posts

  • ياريت حد يساعدنى فى مشكلة الفرامل فى عربيتى عشام خلاص حتجنن

    السلام عليكم يا احبائى

    انا يا جماعة معايا عربية لادا اوكا شبه ال 127 المهم العربية دية موديل 2000 وفراملها فضلت معايا زى الفل لغاية بداية الصيف واول ما بدأ شهر 7 بدأت معه المشاكل

    المشكلة انى مرة كنت ماشى على الطريق السريع عندنا فى الاسكندرية وكنت ماشى على 100 فلما بدأت اهدى السرعة بأستخدام الفرامل فجئت ان الفرامل مش موجودة خالص يعنى الفرامل راحت فجئة ومرة واحدة وكنت اكنى بدوس على الدبرياج مش الفرامل طبعا قلبى وقف وبدأت اهدى بفرامل اليد واحدة واحدة المهم انى بدوس تانى على الفرامل لئيتها رجعت ومشيت بيها واحدة واحدة لغاية الكيكانيكى وقالى متئلقش حظبطهالك وقالى ان فيه زيت محبوس (زيت ايه انا معرفش) المهم انه فك حاجة وشوية زيت طلعوا من الكبوت والفرامل رجعت وبعدها ب اسبوعين حصلت نفس المشكلة واكتشفت انى لما افضل فترة ماشى من غير ما ادوس على الفرامل تروح وعشان ترجع لازم ادوس فرامل واسيب كذا مرة وذهبت لميكانيكى تانى وقالى ان فيه جلدة لازم تتغير وفعلا غيرها وغير زيت الفرامل وكشف على التيل وكله تمام وبعد كام يوم لقيت الفرامل ضعيفة جدا و عشان العربية تفرمل لازم اخلى الدواسة على الاخر وذهبت لميكانيكى اخر وقالى حرفعلك دواسة الفرامل وفعلا الفرامل بئة تمسك على طول اول ما ادوس لكن فى نفس اليوم لقيت الفرامل بتضعف واحدة واحدة والدواسة بئة بتوصل لغاية الارض عشان تبدأ تفرمل ولو شلت وحطيت رجلى كذا مرة على الفرامل ساعتها الفرامل تجمد

    انا اسف انى طولت عليكوا بس الصراحة انا قلئان اوى من الموضوع ده لانه موضوع حياة او موت

  • #2
    اكشف على السرفو... واضح ان مفيش ضغط خالص
    [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
    [/CENTER]


    [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
    [/RIGHT]

    Comment


    • #3
      اكشف على السرفو... واضح ان مفيش ضغط خالص
      [SIGPIC]http://imageshack.us/photo/my-images/545/6c6d1551112s.gif/[/SIGPIC]

      Comment


      • #4
        الفرامل كدة شكلها واخدة هوا ، لازم المياكانيكى ياخد الهوا على الأربع عجلات والماستر الرئيسى ، حصلت معايا قبل كدة فى ال 128 وطلع هوا دة السبب.
        من قرر التنازل عن حريته من أجل الأمن لا يستحقهما معا ولن يحصل على أي منهما

        Comment


        • #5
          واضح ان الميكانيكى بتاعك مش قد كده

          مشكلتك الاساسيه فى الماستر الرئيسى

          شوف ميكانيكى كويس يكشف عليه الاول وغير له طقم جلود وينظفه كويس

          وبعد مايركبه يفرغ الهوا اللى فى الوصلات تماما وشوف اذا حصلت نفس المشكله تانى

          يبقى العيب من الصمامات اللى فى بساتم الماستر او سلندر الماستر مجرح

          وبكده يبقى لابد من استبدال الماستر الرئيسى بواحد جديد
          [URL="http://www.nilemotors.com/Nile/showthread.php?t=13386"] [img2]http://up.saudilayer.net/uploads/images/saudilayer-d1b211a585.gif[/img2][/URL]

          [URL="http://www.nilemotors.com/Nile/showthread.php?t=13386"]
          [/URL]

          Comment


          • #6
            الماستر الرئيسى للفرامل على ما اظن فيه مشكلة, شوف الماستر لو موجود جديد هاته لو مش موجود شوف اذا كان موجود استيراد او اذا كان بتاع ال 127 يركب عندك.
            نصيحة: متحاولش تغير جلد للماستر الى عندك لانه هيشتغل كويس شوية وهيرد تانى ودى فرامل يعنى مينفعش فيها اعطال.
            [CENTER][SIZE=3][B][FONT=Arial Black]"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"[/FONT][/B][/SIZE][/CENTER]

            Comment


            • #7
              الفرامل كدة شكلها واخدة هوا ، لازم المياكانيكى ياخد الهوا على الأربع عجلات والماستر الرئيسى

              Comment


              • #8
                واحدة واحدة علية يا جماعة ايه الماستر ده وبساتم وسلندر الماستر ده ايه ده كمان (هل تقصد الموتور!!!!!)
                وبعدين هوا ايه اللى فى الاربع عجلات هو مش برده فرامل الرجل بتكون على العجلات الامامية فقط

                على العموم الف الف شكر على كل اللى رد عليا وبالمناسبة انا معنديش ميكانيكى معين انا بروح لاى واحد الناس بتقولى عليه كويس وبعدين انا عايز اعرف اروح للميكانيكى اقوله ايه بالظبط عشان يعمله وياريت يكون كلام عامى منتشر بين الصنايعية عشان فى الاسكندرية الميكانيكيا تعليمهم على قد حاله

                Comment


                • #9
                  من الاخر غير ماستر الفرامل العمومى ده هو السبب
                  هتروح للميكانيكى وتقول له غير لى الماستر العمومى

                  وعلى فكرة الفرامل بتبقى على الاربع عجلات مش الامامية فقط لا والخلفية كمان
                  [CENTER][SIZE="5"]سبحان الله والحمد لله[/SIZE][/CENTER]

                  Comment


                  • #10
                    شكرا يا جماعة على مساعدتكم وانا خلاص فهمت وحغير الماستر العمومى واعمل شيك على الاربع عجلات بس سؤال اخير من فضلكم هو الماستر ده حيكلف كام وهل لازم اجيب بتاع العربية بتاعتى ولا ممكن اركب بتاع اى عربية عشان عربيتى نادر وجود قطع غيارها والحاجة فيها بتكون غالية يعنى انا لسة مغير المارش ب600 جنيه

                    Comment


                    • #11
                      شكلتك الاساسيه فى الماستر الرئيسى
                      غير

                      Comment


                      • #12
                        نفس المشكلة كانت معايا وغيرت المستر الرئيسى والحمد لله المشكلة اتحلت
                        [url]http://www.postimage.org/image.php?v=aV1QDLLA[/url]

                        Comment


                        • #13
                          زى ما كل الناس قالت لك، دى مشكلة ماستر عمومى، هو كائن اطول واتخن من صباعك الكبير شوية وطالعة نه مواسير الزيت الى رايحة للعجلات ، غيره وريح بالك
                          [SIZE=5][COLOR=navy]سبعاوى[/COLOR][/SIZE]
                          _______________________________________________

                          Comment


                          • #14
                            المشاركة الأصلية كتبت بواسطة sab3aawy
                            هو كائن اطول واتخن من صباعك الكبير شوية وطالعة نه مواسير الزيت الى رايحة للعجلات

                            :lol: :lol: :lol:

                            Comment


                            • #15
                              أولا: تغير الميكانيكي

                              ثانيا: تروح لميكانيكي كويس وتقوله يغيرلك الماستر الرئيسي لأنه من كلامك يبقى بايظ
                              ثالثا: تخلي الميكانيكي يعملك كشف كامل على الفرامل (التيل والزيت والهواء والرجلاش والطنابير)
                              [I][B][SIZE=5]مهندس أحمد.[/SIZE][/B][/I][COLOR=#0000cd][SIZE=4] [SIZE=5][I][B][U]facebook.com/AHMED1981
                              [/U][/B][/I][/SIZE][/SIZE][/COLOR][SIZE=5][COLOR=#0000cd][FONT=arial][B][I][U]facebook.com/Engineering.car.gas[/U][/I][/B][/FONT][/COLOR][/SIZE]

                              Comment

                              Working...
                              X